Maka 3:8 - Panake Pi La: Ula: Buka pita: Kine Pieke Buka

⁸ Diutuseleme wanda꞉hali make Idumia kenke nane haemeke wanda꞉hali make Diodani ikali nate opa꞉la꞉ nane haemeke wanda꞉hali make Taiya Saidoni yaapo nane haemeke wanda꞉hali make paeyaoma꞉ Yesuma꞉ pieke ekimanu paeyao opimiki handaata꞉ Yesu pa꞉ta꞉ pemekeme.

Maka 3:8 ပူးပေါင်းရင်းမြစ်များ

Ma꞉tiu 11:21

ipikana꞉ma꞉ koto da teke pa꞉ta꞉manu haemeke wanda꞉hali hando alo alota꞉ A꞉ta꞉e. Kotaasini daoni neke pa꞉ta꞉ ka꞉nda꞉ tieke ma꞉nda꞉ ipuluekema꞉ pila꞉me. Betesaidao. Neke pa꞉ta꞉ make kutu piki hau kone ipuluekema꞉ pila꞉me. I̱ma꞉ mo ipiliki pa꞉ta꞉ pua꞉ na handeke haumanu a꞉nda꞉ mo hande daoni yaapo Taiya Saidoni pa꞉ta꞉ pua꞉ka꞉na꞉ yoluta꞉ kota꞉ koto da yaapo pa꞉ta꞉ haleme wanda꞉hali ika꞉ puki la꞉ka꞉la꞉meka꞉ta꞉me laa Koda꞉ma꞉ handena꞉ta꞉ busa꞉ pitikimanu wepia yamaata꞉ lanka꞉ apolo kitulu pimime.

Ma꞉tiu 4:25

Wanda꞉hali wopu Yesu pa꞉ta꞉ teli mea pemekeme. Koto wanda꞉halita꞉ Ka꞉lili kenke nanema꞉ wanda꞉hali make Diudia kenke nanema꞉ wanda꞉hali make mo Diodani mone tea꞉ nanema꞉ wanda꞉hali make iki paeyaoma꞉ ipiki teli mea pemekeme.

Maka 7:24

Yesuma꞉ koto alena꞉ mina꞉pa꞉lao Taiya nane peekeme. Mo da homeke ma꞉nda꞉ honda꞉ pambaata꞉ wanda꞉halima꞉ ipiki handaama꞉na꞉ a꞉mbao panka pituluekema꞉ peekepate a꞉mbaapeke na yeekeme.

Maka 7:31

Yesuma꞉ Taiya nane la꞉ka꞉la꞉ minaata꞉ mo Saidoni nane make Daoni kiki yaapo haemeke kenke nane make lombei pupa Ka꞉lili ikali leke pa꞉ta꞉ opolo peekeme.

Luku 6:17

Kutupa Yesuma꞉ mo Aposolo haliweki ame̱le̱ mo hande potena꞉ hao hola꞉pa꞉niao ikita꞉ epeke hawete epeekena꞉ Yesu ipika꞉ hoki nane tolu haemeke haliweki paeyao ame̱le̱ hata꞉ tiao hayekeme.