Maka 3:7 - Panake Pi La: Ula: Buka pita: Kine Pieke Buka

⁷ Yesuma꞉ ipika꞉ disaipolo haliweki ame̱le̱ Ka꞉lili ikali leke pa꞉ta꞉ pemeketa꞉ tapake tieke teliekeme. Ka꞉lili wanda꞉hali Diudia wanda꞉hali

Maka 3:7 ပူးပေါင်းရင်းမြစ်များ

Ma꞉tiu 10:23

Ikana꞉ma꞉ daoni homeke a꞉nda꞉ pa꞉ta꞉ halimipate wanda꞉halima꞉ iki pa꞉ta꞉ tanda kimika꞉na꞉ta꞉ kota꞉ daoni ma꞉nda꞉ pa꞉ta꞉ pindipa pua꞉pa꞉peke. I̱ma꞉ iki pa꞉ta꞉ ota꞉ ota꞉ pi alome. Mo Wanda꞉halina꞉ Eiyeke opolo epea꞉ka꞉na꞉ta꞉ ikana꞉ma꞉ mo Isulaina꞉ daoni paeyao pa꞉ta꞉ pokolo peleme emanu paeyao titina꞉ amba꞉la na mina꞉pa꞉lalimikie alome.

Ma꞉tiu 12:15

Ipiki luekema꞉ a꞉nda꞉ lomba꞉ wimikieki Yesuma꞉ opuaata꞉ koto pa꞉ta꞉ mina꞉pa꞉lao peekeme. Kutu pieketa꞉ wanda꞉hali wopuma꞉ ipiki telimea pemekeme. Yesuma꞉ ika꞉ homa꞉pa wimiki wanda꞉hali paeyao epeao haena꞉ laata꞉

Ma꞉tiu 12:16

ikana꞉ma꞉ ipika꞉ biki mandane wanda꞉hali pa꞉ta꞉ la halaama꞉na꞉ yeke na lapa꞉peke leekeme.

Ma꞉tiu 4:25

Wanda꞉hali wopu Yesu pa꞉ta꞉ teli mea pemekeme. Koto wanda꞉halita꞉ Ka꞉lili kenke nanema꞉ wanda꞉hali make Diudia kenke nanema꞉ wanda꞉hali make mo Diodani mone tea꞉ nanema꞉ wanda꞉hali make iki paeyaoma꞉ ipiki teli mea pemekeme.

Maka 1:39

Koto laata꞉ Yesuma꞉ Ka꞉lili da paeyao pa꞉ta꞉ ika꞉ pi hotu haemeke damanu pa꞉ta꞉ pi walolo hata꞉ hoke temokomanu tolu lutia pomiekeme.

Maka 1:45

Koto laa tapaeyekepate kone mo halima꞉ wanda꞉hali pa꞉ta꞉ la꞉tia pomiekeme. Koto ekina꞉ Yesuta꞉ wanda꞉halima꞉ handolo haena꞉ da pua꞉peke na yeke handaata꞉ keneme nane hata꞉ mandane mandane da wanda꞉hali ipiki pa꞉ta꞉ mombelemekeme.

Maka 3:20

Kutupa Yesuta꞉ da peekeme. Wanda꞉hali wopu pa mombelemeke handaa Yesuma꞉ ipika꞉ haliweki ame̱le̱ ne napeke nate dia꞉yekeme.

Maka 4:1

Mo hande ikali leke tea꞉na꞉ hata꞉ Yesuma꞉ pi pa waleekeme. Wanda꞉hali wopu a꞉pa ipiki pa꞉ta꞉ mombelemekeme. Koto ekina꞉ wanda꞉hali paeyao ikali tea꞉na꞉ haena꞉ Yesuta꞉ ikali pa꞉ta꞉ wieke palai kawaso homekena꞉ pua pitiekeme.

Luku 23:5

Koto leekepate mo wanda꞉halima꞉ta꞉ ota꞉ honkopu hao hata꞉ alota꞉ Ta hali ipika꞉ wala꞉la꞉ pima꞉ta꞉ mo Diudia da yu paeyao pa꞉ta꞉ hala꞉ wanda꞉hali hoke hone mea wiatia pomina꞉la꞉me. Ipikana꞉ma꞉ta꞉ mo Ka꞉lili nane kini pea a꞉paata꞉ ameta꞉ do opolo a꞉pa꞉la꞉ handa꞉e lemekeme.

Luku 6:12

Koto dina꞉ta꞉ Yesuta꞉ Koda꞉ pa꞉ta꞉ yeni puluekema꞉yeke pote ma꞉nda꞉ a꞉meiya peekeme. Koto timba andusa꞉na꞉ Yesuma꞉ yeni paa pitolo ombu pitina꞉ta꞉ da paa kelepeekeme.

Luku 6:17

Kutupa Yesuma꞉ mo Aposolo haliweki ame̱le̱ mo hande potena꞉ hao hola꞉pa꞉niao ikita꞉ epeke hawete epeekena꞉ Yesu ipika꞉ hoki nane tolu haemeke haliweki paeyao ame̱le̱ hata꞉ tiao hayekeme.

Dioni 7:41

Mandane wanda꞉halima꞉ alota꞉ Ipikita꞉ hande Ketisoe lemekepate mandane wanda꞉halima꞉ alota꞉ Ketiso epea꞉ka꞉na꞉ta꞉ mo Ka꞉lili nane hao na ipilieke lemekeme.

Dioni 7:52

Mo haliwekima꞉ ipiki lu pambaaso alota꞉ Neke make mo hande Ka꞉lili hali yekea. Mo Baibolo buka yata꞉pata꞉ mo Koda꞉na꞉ potopede hali ma꞉nda꞉ta꞉ oli Ka꞉lili nane hao epolo pa꞉la꞉eki na handilipikie lemekeme.

Aposolo 17:10

Koto kone mo Ketiso haliwekima꞉ Polo Sailasi yaapo Betia da pa꞉ta꞉ timba kone tapaemekeme. Kutupa mo da pa꞉ta꞉ opolo puata꞉ Diu haliwekina꞉ pi hotu haemeke da pa꞉ta꞉ pemekeme.

Aposolo 17:14

Kutupa mo Ketiso haliwekima꞉ Polota꞉ oni dawala ikali nane tapaemekepate Sailasi Timodi yaapota꞉ koto pa꞉ta꞉ haepekeme.