Maka 3:5 - Panake Pi La: Ula: Buka pita: Kine Pieke Buka

⁵ Kutupa Yesuma꞉ mineke pankolo hata꞉ mo haliweki handolo hata꞉ lekema꞉ lekema꞉ pea handeekeme. Ika꞉ hone taka꞉laeyeke handaa Yesuma꞉ pukima꞉ ka꞉nda꞉ma꞉ homolo hata꞉ mo hali pa꞉ta꞉ alota꞉ Naka꞉ kiki tindipae leekeme. Koto leeke handaa ipika꞉ kiki tindipaeyeke epeekeme.

Maka 3:5 ပူးပေါင်းရင်းမြစ်များ

Kini Pieke 6:6

ipikana꞉ma꞉ alota꞉ oni wanda꞉halita꞉ pa ekipeke do kenkena꞉ haena꞉ wepia polope hone wiekeme. Koto ekina꞉ koto hone wotu witolo hata꞉ alota꞉

Ma꞉tiu 12:13

Koto pi la paeyeke Yesuma꞉ mo kiki hapueke endiki some pa꞉ta꞉ alota꞉ Naka꞉ kiki tindipae leekeme. Koto leeke ipika꞉ kiki tindipaeyekeme. Tindipata꞉ mo kiki epeata꞉ ipika꞉ epeke kiki ma꞉nda꞉ leke kone hayekeme.

Maka 3:4

Epeeketa꞉ Yesuma꞉ iki pa꞉ta꞉ alota꞉ Hoto Pila꞉ Natena꞉ pi ula꞉ ekina꞉ aleke wape pea ula꞉pe leekeme. Wanda꞉hali epeaasa꞉ ekita꞉ ana꞉ pa꞉la꞉pe o hoeyaasa꞉ ekita꞉ ana꞉ pa꞉la꞉pe laa ombu alota꞉ Wanda꞉hali mea tiaowa꞉ka꞉na꞉ta꞉ ana꞉ pa꞉la꞉pe o homaoa꞉ka꞉na꞉ta꞉ ana꞉ pa꞉la꞉pe leekepate mo haliwekima꞉ pi na leke pa pambo haemekeme.

Luku 13:15

Mo Tekehalima꞉ ipika꞉ pi hombo peaaso alota꞉ Makeaasa꞉ hau pu haleme haliwekio. Iki ma꞉nda꞉ hondoma꞉ mo Hoto Pila꞉ Natena꞉ ika꞉ kao o donki ma꞉na꞉ make mo ho̱linda꞉ pa꞉ta꞉ mea hama lomba꞉ ta꞉pao ikali na꞉na꞉yeke mea pelimikie.

Luku 17:14

Yesuma꞉ iki handa alota꞉ mo yeni peao hala꞉ haliwekima꞉ iki handena꞉ pupe leekeme. Kutupa mo haliwekita꞉ mo pota꞉na꞉ pulu haena꞉ kone mea epeaeyekeme.

Luku 6:10

Kotoeki laata꞉ Yesuma꞉ leke taka꞉lakema꞉ mo haliweki handa꞉ mone mone pitolo hata꞉ mo some pa꞉ta꞉ alota꞉ Naka꞉ kiki tindipae leekeme. Koto leeke mo halima꞉ ipika꞉ kiki tindipaeyeketa꞉ paa epeekeme.

Dioni 9:7

ipiki pa꞉ta꞉ alota꞉ Mo hande tunkula꞉ pa ula꞉ Sailoa꞉me ikali pa꞉ta꞉ pua naka꞉ leke popeleke tanda꞉pa꞉peke laa leekeme. Koto ikali bikita꞉ Tapaala꞉me laa lo haemekeme. Koto ekina꞉ mo hali puata꞉ ipika꞉ leke popeleke tanda꞉pa ala꞉ta꞉ handolo hata꞉ la꞉ka꞉la paa epeekeme.

Loma꞉ 11:25

Ya kame titio. Pi homeke a꞉nda꞉ta꞉ a꞉mbao ula꞉me. Ikana꞉ma꞉ handoemena꞉yeke I̱ta꞉ hone pa꞉la꞉me. Kotoeki handemeka꞉na꞉ta꞉ kota꞉ ikana꞉ma꞉ ame do kone alota꞉ Nikita꞉ pita꞉la꞉ ekimanu paeyao handoloma꞉me pi paa na lelimikie. Koto a꞉mbao ula꞉ ekita꞉ dupa. Mo mandane Isulai wanda꞉halima꞉ pi na opiteleme ekita꞉ hoto paeyao na opu haluekema꞉ na pitelememe. Pua꞉tiki pua Koda꞉ma꞉ Diendaili wanda꞉hali mina꞉la꞉ tombo ana꞉na꞉ mia꞉ka꞉na꞉ta꞉ pilimikie.

2 Kotindi 3:14

Ika꞉ hone manuta꞉ ota꞉ a꞉mbao pambeekeme. Kutupa a꞉pa ota꞉ ame do natena꞉ make mo hande amba꞉ Lo pi lao wieke bukamanu yata꞉pelemeketa꞉ ika꞉ hone manuta꞉ mo hande dau sinkipiki ma꞉nda꞉ma꞉ a꞉mbaala꞉me. Ma꞉nda꞉ epima꞉ Ketiso pa꞉ta꞉ tunaeya꞉ka꞉na꞉ homeketa꞉ kota꞉ mo leke popeleke a꞉mbaala꞉ dau sinkipiki ma꞉nda꞉ mea baapeke ya꞉la꞉me.

Epesese 4:18

Mo wanda꞉halima꞉ta꞉ ika꞉ hone witeleme ekita꞉ timba꞉ la꞉pa pulu hata꞉ epeke hone ma꞉nda꞉ na witelememe. Ikita꞉ hone na wiki kiaaso hata꞉ na mineleme ekima꞉ Koda꞉na꞉ da꞉taasa꞉ ekita꞉ na handelememe.

Epesese 4:26

Kutupa make mineke pankemeka꞉na꞉ta꞉ kota꞉ pa hoke hau pilimina꞉ yopu handeteke hapa꞉peke. Nate pambolo haena꞉ mineke panka꞉la꞉eki na pitina꞉ lapa꞉peke.

Epesese 4:30

Koda꞉ ipika꞉ Holi Sipitidi make ka꞉nda꞉ma꞉ na homaapa꞉peke. Do ekina꞉yeke loa꞉me. Koda꞉ma꞉ iki ota꞉ ka꞉la꞉pa꞉ tapaaluekema꞉ ipikana꞉ma꞉ mo Holi Sipitidi pitaala꞉ ekima꞉ tombo amba꞉ wiaala꞉me.

Hibulu 3:10

Kutu pimi ekina꞉ mo wanda꞉hali pa꞉ta꞉ I̱ma꞉ mineke pankolo hata꞉ alota꞉ Do wanda꞉halima꞉ hoto paeyao I̱ kiaaso ya pi ulu ekimanu kiao na opu halememe.

Hibulu 3:17

Bapi hali tieke yaapo tukiki pa꞉ta꞉ta꞉ Koda꞉ma꞉ epi ameda pa꞉ta꞉ mineke panka꞉tiki pu hayekea. Mo hande hapu hayeke alena꞉ hoke hau pea homo tandepemeke wanda꞉hali dia꞉yeke yekea.

Hibulu 5:9

Ipikita꞉ koto hau paeyaona꞉ ota꞉ ana꞉ pieketa꞉ mo ipika꞉ kakena꞉ homaa pi opu haleme wanda꞉halina꞉ da꞉ta꞉la꞉ ekina꞉ tekehali hayekeme.

Peneme Yaeyekeeki 6:16

Mo wanda꞉halima꞉ mo potemanu make toopimanu pa꞉ta꞉ wi la꞉ moneaaso alota꞉ Mo kini seana꞉ pila꞉ halina꞉ leke popelekena꞉ make mo Sipisipi Ma꞉na꞉ Ikikina꞉ mineke panka꞉la꞉eki a꞉mbao niki manda a꞉pa lopa꞉pee.