Maka 3:2 - Panake Pi La: Ula: Buka pita: Kine Pieke Buka

² Kutupata꞉ mandane haliwekima꞉ Yesu handa꞉ pelia haemekeme. Pa ekipeke Hoto Pila꞉ Natena꞉ Yesuma꞉ mo halina꞉ kiki epeaaliepe o na epeaaliepe hone wia handa꞉ pelia hata꞉ pi yamba꞉lea꞉me loluekema꞉ handa꞉ pelia haemekeme.

Maka 3:2 ပူးပေါင်းရင်းမြစ်များ

Ma꞉tiu 12:10

kiki hapueke endiki hali homeke koto da pa꞉ta꞉ hayekeme. Mandane halima꞉ta꞉ Yesuta꞉ pi ula꞉ ekina꞉ yamba꞉la꞉la꞉ somee loluekema꞉ yeke ipiki handa꞉ pelia haemekeme. Ikana꞉ma꞉ ipiki lota꞉ pitolo alota꞉ Nika꞉ pi ula꞉eki manuma꞉ta꞉ do Hoto Pila꞉ natena꞉ mo yenimanu epeaapeke hau pia꞉peke ekina꞉ waleke ula꞉pe o dia꞉pe lemekeme.

Maka 3:3

Koto pimipate Yesuma꞉ kiki hapueke endiki hali pa꞉ta꞉ alota꞉ Do pa꞉ta꞉ epoe leekeme.

Luku 14:1

Mo hande hoto pila꞉ nate ma꞉nda꞉na꞉ Yesuta꞉ Pa꞉tisi haliwekina꞉ you hali ma꞉nda꞉na꞉ da pa꞉ta꞉ ne noluekema꞉ peekeme. Kutupa koto pa꞉ta꞉ haemeke wanda꞉halima꞉ta꞉ Yesuta꞉ wopu handaake wimikime.

Luku 20:20

Koto ekina꞉ yeketa꞉ ikana꞉ma꞉ pota꞉ ma꞉nda꞉ weitolo hata꞉ mandane haliwekima꞉ lota꞉ pita꞉la꞉eki manuma꞉ Yesu tamena꞉yeke ma꞉na꞉ yapa꞉ pimikime. Mo haliweki pa꞉ta꞉ alota꞉ Makeaaso hata꞉ kone ikana꞉ma꞉ homu piki pimanu alememe hone wina꞉ lota꞉ pulu pupe lemekeme. Ika꞉ hone tukiki pa꞉ta꞉ta꞉ Koto lota꞉ pilimi ekima꞉ pa makeaaso hata꞉ Yesuna꞉ kiki tondoliki honda꞉ lia mo Loma꞉na꞉ Kapomani You halina꞉ kiki nane hala꞉ monealumeke laa honema꞉ pimikime.

Luku 6:7

Mo wape pea ula꞉ Lo Pi walo haemeke haliweki make Pa꞉tisi haliwekima꞉ make Do nika꞉ Hoto Pila꞉ Natena꞉ Yesuma꞉ ma꞉nda꞉ mea epeaalia꞉pe laa handa꞉hake wimikime. Yesuma꞉ pi yamba꞉lea꞉me loluekema꞉ yeke pimikime.

Dioni 8:6

Yesu pa꞉ta꞉ pi loluekema꞉ weitolo hata꞉ ipikana꞉ma꞉ ala꞉eki opuluekema꞉ yokaemekeme. Koto lemekepate Yesuma꞉ panda꞉puniao pita꞉ kiki ma̱lekema꞉ kenkena꞉ wape wape piekeme.

Dioni 9:16

Mandane Pa꞉tisi haliwekima꞉ alota꞉ Do hau pa꞉la꞉ halita꞉ mo Hoto Pila꞉ Natena꞉ pi ula꞉eki yamba꞉la꞉la꞉ ekina꞉ ipikita꞉ Koda꞉ma꞉ na tapaala꞉me lemekepate mandane haliwekima꞉ alota꞉ Dupiki wele pita꞉la꞉ ekita꞉ hoke hau pa꞉la꞉ halima꞉ ekipa piliepe la lemekeme. Koto ekina꞉ ika꞉ kone putupaalu pea pi ta꞉ta꞉ ta꞉ta꞉ lemekeme.