Maka 3:10 - Panake Pi La: Ula: Buka pita: Kine Pieke Buka

¹⁰ Pa ekipeke Yesuma꞉ wanda꞉hali wopu epeaeyeke handaata꞉ mo yeni pambemeke wanda꞉hali paeyaoma꞉ Yesu wataaluekema꞉ pasa꞉tei pimikime.

Maka 3:10 ပူးပေါင်းရင်းမြစ်များ

Kini Pieke 12:17

Pate mo kinima꞉ Sa꞉tai mieke ekina꞉ta꞉ Tekehalima꞉ mo ipiki pa꞉ta꞉ make ipika꞉ da pa꞉ta꞉ haemeke wanda꞉hali pa꞉ta꞉ make ota꞉ hoke yeni kimanu yapena꞉ leekeme.

Ma꞉tiu 12:15

Ipiki luekema꞉ a꞉nda꞉ lomba꞉ wimikieki Yesuma꞉ opuaata꞉ koto pa꞉ta꞉ mina꞉pa꞉lao peekeme. Kutu pieketa꞉ wanda꞉hali wopuma꞉ ipiki telimea pemekeme. Yesuma꞉ ika꞉ homa꞉pa wimiki wanda꞉hali paeyao epeao haena꞉ laata꞉

Ma꞉tiu 14:14

Yesuma꞉ mo kawaso mina꞉pa꞉lao kenke nane opolo pulu hata꞉ wanda꞉hali wopu handaata꞉ ipika꞉ pukima꞉ e̱ alo hata꞉ iki pa꞉ta꞉ a꞉ta꞉ma꞉ homeekeme. Kutupieke ekina꞉ta꞉ mo homa꞉ pa wieke wanda꞉hali mea tiaeyekeme.

Ma꞉tiu 14:36

Kutupa mo pa haemeke wanda꞉halima꞉ Yesu pa꞉ta꞉ ika꞉ yeni haemeke wanda꞉halina꞉eki honke laaso alota꞉ Ikana꞉ma꞉ naka꞉ dau honiki wataena꞉ lapeke lemekeme. Koto leeke handaa mo wataemeke wanda꞉halina꞉ yeni manuta꞉ tande lemekeme.

Ma꞉tiu 4:23

Yesuma꞉ mo Ka꞉lili kenke paeyao pa꞉ta꞉ pominolo hata꞉ ika꞉ pi hotu haemeke damanu pa꞉ta꞉ pi waleekeme. Ipikana꞉ma꞉ mo Koda꞉na꞉ Kilu Tombuao Hala꞉ ekina꞉ Pi Seliapomanu walolo hata꞉ mo wanda꞉halina꞉ ta꞉ta꞉ ta꞉ta꞉ piki yeni ki paeyao wamo peayekeme.

Maka 5:34

Yesuma꞉ ipiki pa꞉ta꞉ alota꞉ Ya wandikio. I̱ pa꞉ta꞉ hone tulaase ekima꞉ tiaaseme. Puki lopaniao pua꞉peke. Naka꞉ yeni paeya꞉me leekeme.

Maka 6:56

Yesu peeke alena꞉ paeyao pa꞉ta꞉ da nane make daonimanu make topu topu da nina꞉ make opolo peeke dina꞉ da nane yeni hapa wimiki wanda꞉hali mea tia pua makedi yalao tu uma꞉ uma꞉ pimikime. Kutupa mo wanda꞉halima꞉ Yesuna꞉ dau honiki wataaluekema꞉ honke lemekeme. Wataemeke wanda꞉halina꞉ yeni tandelemekeme.

Maka 8:22

Ikana꞉ma꞉ Betesaida da opolo pemekeme. Mandane wanda꞉halima꞉ leke holupiki hali ma꞉nda꞉ Yesu pa꞉ta꞉ hatuku a꞉paata꞉ koto hali wataena꞉yeke Yesu pa꞉ta꞉ honke lemekeme.

Luku 5:3

Kutupa Yesuta꞉ Saimono ipika꞉ kawasona꞉ opa꞉liao ipikana꞉ma꞉ Saimono pa꞉ta꞉ alota꞉ Naka꞉ kawaso mo ikali houna꞉ hosiki siki mo pate leke mea pue laa mo kawasona꞉ pita꞉ wanda꞉hali pa꞉ta꞉ Koda꞉na꞉ pimanu waleekeme.

Luku 6:19

Mo wanda꞉halina꞉ yenimanu mea epeapeke honkopu tieke Yesu pa꞉ta꞉ hao yapeeke handaa mo wanda꞉hali paeyaoma꞉ ipiki wataluekema꞉ taapemekeme.

Luku 7:2

Koto pa꞉ta꞉ mo Loma꞉ ami haliwekina꞉ you hali ma꞉nda꞉ hayekeme. Koto halima꞉ ipika꞉ pukima꞉ ta꞉na꞉ tieke homeeke e pokao hayeke hali teke pa꞉ta꞉ homuluekema꞉ taapeekeme.

Luku 7:21

Koto tomona꞉ kone Yesuma꞉ yeni ta꞉ta꞉ ta꞉ta꞉ hake wanda꞉hali make hoke temoko pitieke wanda꞉hali wopu make leke holu piki wanda꞉hali make paeyao mea epeatiki piekeme.

Aposolo 5:15

Mo aposolo haliwekima꞉ koto haumanu pu haemeke ekina꞉ da wanda꞉halima꞉ yeni hapa papu wimiki wanda꞉halita꞉ tu mea pua pota꞉na꞉ yapa꞉ta꞉ yamaoma꞉ yamaoma꞉ peaata꞉ mandaneeki bedina꞉ uma꞉ uma꞉ pea paeyao pota꞉na꞉ wimikime. Koto hau pimiki ekita꞉ Pida pota꞉na꞉ yopulu hata꞉ ipika꞉ suasuama꞉ kone mo wimiki mandane wanda꞉hali ankulatiki yapena꞉ pimikime.

Hibulu 12:6

Pa ekipeke. Mo Tekehalima꞉ ipika꞉ pukima꞉ homa꞉la꞉ wanda꞉hali paeyao tikitiki yao haena꞉ la꞉la꞉me. Kutupa mandane wanda꞉hali ipika꞉ wekiwandiki haena꞉ laata꞉ ka꞉nda꞉ homa꞉ tiatiki pu hala꞉me ala꞉me.