Maka 2:5 - Panake Pi La: Ula: Buka pita: Kine Pieke Buka

⁵ Kutupieketa꞉ Yesuma꞉ ika꞉ hone tulaemekeeki handaata꞉ mo homa꞉ pa wieke some pa꞉ta꞉ alota꞉ Ya wekio. Naka꞉ hoke hau manuta꞉ pa paeyaasome leekeme.

Maka 2:5 ပူးပေါင်းရင်းမြစ်များ

Kini Pieke 22:12

Koto leeke mo enisoloma꞉ alota꞉ Mo weki na liki ipiki pa꞉ta꞉ hau ma꞉nda꞉ na pia꞉pee. Nakana꞉ma꞉ naka꞉ homeke weki homeketa꞉ na sa꞉sa꞉ pele ekina꞉ ameta꞉ nakana꞉ma꞉ Koda꞉ paala꞉ma꞉ homeka꞉ta꞉me laa hone ulume leekeme.

Ma꞉tiu 9:2

Kutu pieketa꞉ mandane wanda꞉halima꞉ dola꞉pake piki hali homeke ipiki pa꞉ta꞉ tilina꞉ mea tia epemekeme. Yesuma꞉ ika꞉ hone tulaemekeeki handaa mo dola꞉pake piki hali handolo alota꞉ Apa꞉ma꞉ta꞉ epolo pila꞉taa. Naka꞉ hoke hauta꞉ pa paeyaasome leekeme.

Ma꞉tiu 9:22

Yesuma꞉ la꞉ka꞉la꞉moneao ipiki handolo alota꞉ Naka꞉ hone tulaale ekima꞉ neke epeleme leekeme. Koto leeke pa꞉ta꞉ koto kone mo wanda꞉na꞉ yeni paeyao epea hayekeme.

Maka 2:6

Koto leekepate mandane wape pea wala꞉tiki pu haemeke haliwekima꞉ koto da pa꞉ta꞉ pita꞉ ika꞉ honema꞉ kone weimikime.

Maka 5:34

Yesuma꞉ ipiki pa꞉ta꞉ alota꞉ Ya wandikio. I̱ pa꞉ta꞉ hone tulaase ekima꞉ tiaaseme. Puki lopaniao pua꞉peke. Naka꞉ yeni paeya꞉me leekeme.

Luku 5:20

Kutupa Yesuma꞉ mo haliwekina꞉ hone tulaemekeeki handaata꞉ ipikana꞉ma꞉ mo kiki anke lupa wiki hali pa꞉ta꞉ alota꞉ Kame. Naka꞉ hande pi hoke hau manuta꞉ pa paeyaasa꞉me leekeme.

Luku 8:48

Koto ekina꞉ta꞉ Yesuma꞉ mo wanda꞉ pa꞉ta꞉ alota꞉ Ya wandikio. Naka꞉ hone tulale ekima꞉ naka꞉ yeni ame do kone mea epeaasa꞉me. Puki lopao pue leekeme.

Dioni 2:25

Wanda꞉halina꞉ puki pa꞉ta꞉ ula꞉ ekimanu Yesuma꞉ wotu handeeke ekina꞉ hali ma꞉nda꞉ma꞉ ipiki pa꞉ta꞉ la hala꞉peke na yeekeme.

Dioni 5:14

Wetepena꞉ mo tembolo da tukiki pa꞉ta꞉ Yesuma꞉ hande hali handa꞉ wia alota꞉ Handa꞉e. Ame neketa꞉ epeke loke haleme. Hoke hau paa na pea꞉peke. Neke pa꞉ta꞉ ka꞉nda꞉ma꞉ homa꞉la꞉ hau tieke a꞉paama꞉na꞉ loa꞉me leekeme.

Aposolo 11:23

Banabasita꞉ oli da opolo puaata꞉ Koda꞉ma꞉ epeaeyekeeki handaata꞉ ta꞉na꞉ma꞉ wopu homeekeme. Kutupa paeyao pa꞉ta꞉ Tekehalina꞉ pi da̱o̱la hata꞉ wopu miniki hao hapa꞉peke laa pi waleekeme.

Aposolo 14:9

Ipikana꞉ma꞉ Poloma꞉ pi alo haena꞉ pi opiekeme. Kutupa Poloma꞉ ipiki pa꞉ta꞉ wotu handaata꞉ Do halita꞉ Koda꞉ma꞉ epeaena꞉yeke hone tulaapeke ya꞉la꞉me hone witolo hata꞉

Aposolo 5:31

Koda꞉ma꞉ Yesu paa mea tiaota꞉ ipikita꞉ Titina꞉ Pula꞉ Hali make Da꞉taasa꞉ Hali make ipika꞉ popeke kiki nane haena꞉ laata꞉ Isulai wanda꞉halima꞉ hone ma꞉nda꞉ la꞉ka꞉la mina wiaata꞉ ika꞉ hoke hau peleme ekimanu pa tumbaena꞉yeke piekeme.

1 Kotindi 11:30

Koto piteleme ekina꞉ iki pa꞉ta꞉ haleme wanda꞉hali woputa꞉ yeni haa pitao loke damako pu pitao kutupa mandane wanda꞉halita꞉ amba꞉ homelememe.

2 Kotindi 2:10

Ikana꞉ma꞉ hali ma꞉nda꞉ma꞉ pa꞉la꞉eki pa paeyawaemeka꞉na꞉ta꞉ kota꞉ I̱ma꞉ make pa paeyawalueke. Ma꞉nda꞉na꞉ pa paeyaapeke ekita꞉ I̱ma꞉ pa paeyaapeke ya꞉la꞉me hone ua꞉ka꞉na꞉ta꞉ kota꞉ iki hoeyaapa꞉na꞉yeke I̱ma꞉ Ketisona꞉ leke popelekena꞉ hata꞉ pu halome.

Epesese 2:8

Ikana꞉ma꞉ hone tulaaso hamina꞉ Koda꞉ta꞉ ipikana꞉ma꞉ pa hameke a꞉ta꞉ma꞉ homolo hata꞉ iki mea da꞉taala꞉me. Ikana꞉ma꞉ ika꞉ piteleme ekina꞉ dia꞉me. Koda꞉ma꞉ iki pa꞉ta꞉ pa kita꞉la꞉ ekina꞉ loa꞉me.

Kolosi 3:13

Ma꞉nda꞉ ma꞉nda꞉ pa꞉ta꞉ homu pu alualu peaata꞉ iki tukiki pa꞉ta꞉ pi yokaalu pita꞉la꞉eki wia꞉ka꞉na꞉ta꞉ pa paeya alualu pia꞉pa꞉peke. Koda꞉ma꞉ ika꞉ hoke hau pa paeyawala꞉ tupa꞉ ikana꞉ma꞉ make ika꞉ ika꞉ kone pa paeya alualu pia꞉pa꞉peke.

Dia꞉mesi 5:15

Mo haliwekima꞉ Koda꞉ pa꞉ta꞉ hone tulao hata꞉ yeni pimika꞉na꞉ta꞉ Tekehalima꞉ mo hali wamo pitolo hata꞉ mea tialieke. Kutupa mo hali pa꞉ta꞉ hoke hau wia꞉ka꞉na꞉ make Koda꞉ma꞉ pa paeyaalieke.