Maka 2:18 - Panake Pi La: Ula: Buka pita: Kine Pieke Buka

¹⁸ Kutupata꞉ nate ma꞉nda꞉na꞉ Dionina꞉ disaipolo haliweki make Pa꞉tisi haliweki make Koda꞉ pa꞉ta꞉ hone uluekema꞉ ne wahapa꞉ pimikime. Wanda꞉halima꞉ Yesu pa꞉ta꞉ a꞉pa alota꞉ Pa ekipeke mo Dionina꞉ disaipolo haliwekima꞉ make Pa꞉tisi haliwekina꞉ disaipolo haliwekima꞉ make ne wahapa꞉ pia꞉tiki pitelemepate pa naka꞉ disaipolo haliwekima꞉ta꞉ koto hau na pu halemepe laa lota꞉ pimikime.

Maka 2:18 ပူးပေါင်းရင်းမြစ်များ

Ma꞉tiu 23:5

Ika꞉ pu haleme hau paeyaota꞉ pa wanda꞉halima꞉ handaena꞉ pu halememe. Ika꞉ you taado manda pokede nu dake petipekemanu wepu make kutupa mo kiki maketopa꞉ yaapona꞉ make homeke tupa꞉ kone pokede nu dakemanu wepiaata꞉ Koda꞉na꞉ pi tunkula ula꞉ ekimanu wape pea panko hopa꞉liao yamaata꞉ ta pomua꞉tiki piteme handa꞉e. Kutupa make ika꞉ dau tumiki kake nina꞉ta꞉ ota꞉ haka꞉ta꞉pao au laaseme pu honiki honiki make taa piteme handa꞉e.

Ma꞉tiu 6:16

Ikana꞉ma꞉ nee pi a꞉nda꞉ wimika꞉na꞉ta꞉ kota꞉ mo ika꞉ puki pa꞉ta꞉ ula꞉ haumanu a꞉mbaaso hata꞉ mo makeaaso hau piteme haliweki ika꞉ hoke wenoko haseme tupa꞉ na hapa꞉peke. Mo haliwekima꞉ta꞉ wanda꞉halima꞉ handolo hata꞉ ikita꞉ nee pi ula꞉ some ya꞉ka꞉ta꞉me hone wina꞉ ika꞉ loke handeteke hala꞉ hau mina꞉pa꞉latiki pu halememe. I̱ma꞉ iki pa꞉ta꞉ ota꞉ pi alome. Koto haliwekima꞉ ika꞉ mulumeke hone wilimi aleta꞉ ame do hata꞉ mu paeyaasememe.

Ma꞉tiu 6:18

ika꞉ leke popeleke tanda꞉pa itiki yola hapa꞉peke. Kutu pimika꞉na꞉ta꞉ kota꞉ mo naka꞉ handa꞉peke na ya꞉la꞉ Apa꞉ma꞉ handaa hone wilieke. Kutaa mo naka꞉ honumake siki pitele hau handa꞉la꞉ Apa꞉ma꞉ta꞉ naka꞉ yenki wialieke.

Maka 2:19

Koto lemeke Yesuma꞉ iki pa꞉ta꞉ alota꞉ Wanda꞉ panake mea kiki ta꞉ma꞉ni pita꞉la꞉ natena꞉ta꞉ wanda꞉ teke halima꞉ wi leeke epemeke wanda꞉hali ame̱le̱ mandake pa꞉ta꞉ hata꞉ wanda꞉halima꞉ ne na neke pa hapeke na yelieke leekeme.

Luku 18:12

I̱ta꞉ pula homeke homeke tukiki pa꞉ta꞉ hoto yaapoma꞉ nee pi wiaata꞉ kutupa I̱ma꞉ yaka mu halo ala꞉ta꞉manu paeyao putupa kiki yaapona꞉ homeketa꞉ neke ku halome.

Loma꞉ 10:3

Wanda꞉hali Koda꞉ma꞉ ipiki yaapo tikitiki yao haena꞉ la꞉la꞉ pota꞉ ikana꞉ma꞉ na handa꞉ wiki ikana꞉ma꞉ ika꞉ kone Koda꞉ yaapo tikitiki haluekema꞉ pimikime. Kutu pimiki ekina꞉ Koda꞉ma꞉ wanda꞉hali ipiki yaapo tikitiki yao haena꞉ la꞉la꞉ pota꞉ta꞉ kiao haemekeme.