Maka 2:16 - Panake Pi La: Ula: Buka pita: Kine Pieke Buka

¹⁶ Kutupa mandane wape pea wala꞉tiki pu haemeke haliwekima꞉ Pa꞉tisi haliweki kone Yesuta꞉ mo dakisi mu haemeke haliweki make hoke haliweki ame̱le̱ ne nalo pitimikieki handolo hata꞉ ipika꞉ disaipolo haliweki pa꞉ta꞉ alota꞉ Ekipeke Yesuma꞉ dakisi mani mu haleme haliweki mo hoke haliweki ame̱le̱ ne no pilimipe lemekeme.

Maka 2:16 ပူးပေါင်းရင်းမြစ်များ

Ma꞉tiu 18:17

Kutu pilimipate iki paeyaona꞉ pi na opia꞉ka꞉na꞉ta꞉ kota꞉ mo ipika꞉ pia꞉ hau paeyao siosi wanda꞉hali mombilimi ale pa꞉ta꞉ la hala꞉peke. Kutaa ipikana꞉ma꞉ mo siosi wanda꞉hali paeyaona꞉ pi na opia꞉ka꞉na꞉ta꞉ kota꞉ nakana꞉ma꞉ koto someta꞉ mo Koda꞉ mataasa꞉ hali o a꞉nda꞉ tunkuliki wanda꞉halina꞉ tamba꞉ mina꞉la꞉ hali tupa꞉ haena꞉ lapeke leekeme.

Ma꞉tiu 5:46

Ikana꞉ma꞉ mo iki pa꞉ta꞉ pukima꞉ homeleme wanda꞉hali homeke pa꞉ta꞉ a꞉nda꞉ pukima꞉ homemeka꞉na꞉ta꞉ pa ekipeke Koda꞉ma꞉ iki pa꞉ta꞉ epeke yenki kina꞉pe. Mo hande dakisi mu hala꞉ haliwekima꞉ kone kutu piki hau pu halememe.

Ma꞉tiu 9:11

Kutu pimikieki mandane Pa꞉tisi haliwekima꞉ handolo hata꞉ ipika꞉ disaipolo haliweki pa꞉ta꞉ alota꞉ Ekipeke mo ika꞉ disama꞉ mo dakisi mani mu haleme haliweki mo hoke haliweki ame̱le̱ ne no pilimipe lemekeme.

Maka 2:15

Kutupa Yesuma꞉ Lipaena꞉ da pa꞉ta꞉ ne nalo pitina꞉ dakisi mani mu haemeke haliweki wopu make hoke haliweki wopu make Yesu ipika꞉ hoki nane telimiki disaipolo haliweki ame̱le̱ mandake pa꞉ta꞉ pitimikime. Yesuna꞉ hoki nane teli mea epeme ekina꞉ pitimikime.

Maka 2:7

Do halima꞉ do ala꞉ pita꞉ eki epi alo hala꞉pe. Ipika꞉ pima꞉ Koda꞉na꞉ biki lo hoeyaasa꞉me hone wia Koda꞉ma꞉ homeke hoke haumanu pa paeyaapeke ya꞉la꞉me hone wimikime.

Luku 18:11

Mo Pa꞉tisi halita꞉ wanda꞉hali na hayeke pa꞉ta꞉ leke yola꞉ moneao hata꞉ yeni dupa piekeme. Koda꞉ neke pa꞉ta꞉ I̱ma꞉ keiyae alome. I̱ta꞉ mandane wanda꞉halima꞉ piteleme tupa꞉ pasa꞉tei na pu o yayapiki pi na lo o suseke na hao halome. I̱ta꞉ mo koto dakisi mu hala꞉ hali tupa꞉ dia꞉me.

Luku 19:10

Wanda꞉halina꞉ Eiyeketa꞉ mo alu pa꞉la꞉ wanda꞉hali handa꞉ wia peteluekema꞉ yeke a꞉pa꞉la꞉me leekeme.

Luku 19:7

Wanda꞉hali paeyaoma꞉ Kutu piekeeki hando haota꞉ hambilikima꞉ hambilikima꞉ pitolo alota꞉ Do halita꞉ mo hande hoke hau pa꞉la꞉ halina꞉ da pa꞉ta꞉ kimisu pula꞉me lemekeme.

Luku 5:30

Kutupa mandane Pa꞉tisi haliweki manuma꞉ make iki ame̱le̱ apa꞉taemeke mandane Lo Pi wala꞉la꞉ haliwekima꞉ make Yesuna꞉ disaipolo haliweki pa꞉ta꞉ ka꞉nda꞉ piki pimanu lota꞉ pitolo hata꞉ alota꞉ Mo dakisi mani mu haleme haliweki make mo hoke hauma꞉ ha̱i̱ pieke handaa mina꞉pa꞉laemeke wanda꞉hali ame̱le̱ mandake pa꞉ta꞉ pita꞉ ne ikalimanu ekipeke nalemepe laa lota꞉ pimikime.

Aposolo 23:9

Kutupa ape ape alo hata꞉ mandane Pa꞉tisi tapake Wape pea wala꞉tiki pu haemeke haliwekima꞉ tiao alota꞉ Do halita꞉ eki a꞉nda꞉ ketete make na handa꞉ witoloma꞉me. Enisoloma꞉ o temokoma꞉ ipiki pa꞉ta꞉ la pia꞉pe niki mata꞉la꞉me lemekeme.

1 Kotindi 2:15

Mo Koda꞉na꞉ Sipitidi ma꞉la꞉ someta꞉ mo piteme hau paeyao hando ka꞉pa꞉la꞉peke ya꞉la꞉pate pa ma꞉nda꞉ma꞉ ipika꞉ pita꞉la꞉ ekita꞉ hando ka꞉pa꞉la꞉peke na ya꞉la꞉me.

Hibulu 12:3

Ipikana꞉ma꞉ a꞉pa mieke ka꞉nda꞉ tiekemanu hone umana꞉e. Mo hoke hau pu haemeke wanda꞉halima꞉ ipiki pa꞉ta꞉ honditi pimikieki manuta꞉ pa hone yonka꞉latiki piekeme. Koto piekeeki hone witolo hata꞉ soka꞉la꞉ma꞉ homo pututuma꞉ na homo hapa꞉peke. Pa ekipeke.