Maka 16:9 - Panake Pi La: Ula: Buka pita: Kine Pieke Buka

⁹ [Yesuma꞉ta꞉ Sande da panake ka꞉la꞉polo haena꞉ tiaota꞉ titina꞉ amba꞉la mo Ma꞉kadala wanda꞉ Metima꞉ handena꞉yeke peneme yaeyekeme. Mo wanda꞉ta꞉ Yesuma꞉ amba꞉ kone ipika꞉ hoke temoko watake hata꞉ tolu lieke wanda꞉e.

Maka 16:9 ပူးပေါင်းရင်းမြစ်များ

Ma꞉tiu 27:56

Koto wanda꞉weki ame̱le̱ta꞉ hande Ma꞉kadala wanda꞉ Meti make Dia꞉mesi Diosepe yaapona꞉ inkiki Meti make Sepedina꞉ weteke make haemekeme.

Maka 15:40

Mandane wanda꞉wekima꞉ hosiki yola꞉ta꞉ pao hata꞉ handeteke haemekeme. Koto wanda꞉weki ame̱le̱ Ma꞉kadala da wanda꞉ Meti hayeketa꞉ kutupa mo wetepe weki Dia꞉mesi Diosepe hama̱la̱꞉na꞉ inkiki Meti make Salome make haemekeme.

Maka 15:47

Ma꞉kadala da wanda꞉ Metima꞉ make Diosepena꞉ inkiki Metima꞉ make Yesu ipika꞉ lapa꞉ piekeeki handepekeme.

Maka 16:8

Mo wanda꞉manu hama nane opolu bao mo toko wieke alena꞉ mina꞉pa꞉laota꞉ pututu litolo hata꞉ make penkili pitolo hata꞉ pindi pa puaata꞉ paala꞉ma꞉ homemeke handaa ma꞉nda꞉ pa꞉ta꞉ pi na lemekeme.

Luku 24:10

Koto wanda꞉ sunuta꞉ Meti Ma꞉kadala make Dioa꞉na make Dia꞉mesina꞉ inkiki Meti make iki ame̱le̱ haemeke mandane wanda꞉ sunuma꞉ mo pieke haumanu mo aposolo haliweki pa꞉ta꞉ la halemekeme.

Luku 8:2

Kutupa amba꞉ titina꞉ mo hande hoke temokomanu tolu lia make yenimanu pea mea epeaeyeke wanda꞉weki make Yesu telia꞉ mea pomimikime. Metita꞉ mo ipika꞉ puki pa꞉ta꞉ta꞉ temoko watake hata꞉ pitiekeeki tolu lieke wanda꞉e. Ipika꞉ biki ma꞉nda꞉ta꞉ Ma꞉kadalawanda꞉e.

Dioni 20:12

koto pa꞉ta꞉ enisolo yaapo handeekeme. Mo hali yaapota꞉ hakepiki dau pamba alu pea Yesu toko amba꞉ wimiki alena꞉ ma꞉nda꞉ta꞉ you nane pitu ma꞉nda꞉ta꞉ anke nane pitu pea pitipikime.

Aposolo 20:7

Mo Sande natena꞉ nikita꞉ palaowa pindi pindi puluekema꞉ momba꞉la hamono Poloma꞉ mo wanda꞉hali pa꞉ta꞉ pi walea꞉me. Ipikana꞉ma꞉ da ka꞉la꞉paaso polueke hone wiaata꞉ timba buta꞉hokina꞉ make pi ombu walea꞉me.

1 Kotindi 16:2

Sande paeyaona꞉ iki paeyaona꞉ homeke homeke lo amba꞉ pulana꞉ melemeeki dimina handaata꞉ ana꞉na꞉ putupa pa mandaneeki ika꞉ da pa꞉ta꞉ wia꞉tiki pu hapa꞉peke. Koto ekina꞉ wetepena꞉ I̱ epoa꞉ka꞉na꞉ta꞉ ikana꞉ma꞉ mani weiyaama꞉na꞉ yeke loa꞉me.

Peneme Yaeyekeeki 1:10

Mo Tekehalina꞉ natena꞉ta꞉ hande Sipitidima꞉ I̱ handeteke hata꞉ e pokea꞉me. Kutupa bu kanakena꞉ e̱ma꞉ handeke pi ho̱la̱꞉make tiekema꞉ yaka hoki nane pi lea꞉eki opua꞉me.