Maka 16:1 - Panake Pi La: Ula: Buka pita: Kine Pieke Buka

¹ Kutupa Diu wanda꞉halina꞉ Hoto Pila꞉ Nate welealo nane paeyeketa꞉ Ma꞉kadala wanda꞉ Metima꞉ make Dia꞉mesina꞉ inkiki Metima꞉ Salomema꞉ make Yesuna꞉ tonka꞉na꞉ yankaalo poluekema꞉ senisi alemanu hambemekeme.

Maka 16:1 ပူးပေါင်းရင်းမြစ်များ

Kini Pieke 50:2

Kutupa ipikana꞉ma꞉ atekena꞉ loke tanda꞉ paama꞉na꞉ mulamula yankape laa leekeme.

Maka 14:3

Yesuta꞉ Bedani da puaata꞉ kindi yeni hayeke hali Saimonona꞉ da pa꞉ta꞉ ne nalo pitina꞉ wanda꞉ ma꞉nda꞉ma꞉ a꞉la꞉ba꞉seta꞉ toopi kanake homeke mea epeekeme. Mo kanake pa꞉ta꞉ senisi totopo pikieki seliapo pambeekeme. Koto senisina꞉ bikita꞉ Nadae. Yenki tieke alee. Kutupa mo wanda꞉ma꞉ kanake yamba꞉la꞉ liaata꞉ hande senisita꞉ Yesuna꞉ youna꞉ holaeyekeme.

Maka 14:8

Do wanda꞉ma꞉ ipika꞉ pia꞉peke ya꞉la꞉eki pia꞉me. Yaka loke a̱i̱ na hoitelemepate ipikana꞉ma꞉ senisi amba꞉la꞉ holaeya꞉me leekeme.

Maka 15:40

Mandane wanda꞉wekima꞉ hosiki yola꞉ta꞉ pao hata꞉ handeteke haemekeme. Koto wanda꞉weki ame̱le̱ Ma꞉kadala da wanda꞉ Meti hayeketa꞉ kutupa mo wetepe weki Dia꞉mesi Diosepe hama̱la̱꞉na꞉ inkiki Meti make Salome make haemekeme.

Maka 15:42

Kutupa nate honda꞉ pambuluekema꞉ semoko da wape pitolo haena꞉ Diu wanda꞉halina꞉ Hoto Pila꞉ Natena꞉ pituluekema꞉ tiki tiki yao wamo pita꞉la꞉ dina꞉ yeeke handaa

Maka 15:47

Ma꞉kadala da wanda꞉ Metima꞉ make Diosepena꞉ inkiki Metima꞉ make Yesu ipika꞉ lapa꞉ piekeeki handepekeme.

Maka 16:2

Sande da ka꞉la꞉paaso siki nate opa꞉la꞉ haena꞉ Yesuna꞉ toko wieke ale pa꞉ta꞉ pemekeme.

Maka 16:8

Mo wanda꞉manu hama nane opolu bao mo toko wieke alena꞉ mina꞉pa꞉laota꞉ pututu litolo hata꞉ make penkili pitolo hata꞉ pindi pa puaata꞉ paala꞉ma꞉ homemeke handaa ma꞉nda꞉ pa꞉ta꞉ pi na lemekeme.

Luku 23:54

Mo nateta꞉ Palaide yaalo mo hande Hoto Pila꞉ Nate amba꞉ kini puluekema꞉ pitiekeme.

Luku 23:56

Kutupa paa la꞉ka꞉la da puaata꞉ mo Yesuna꞉ lokena꞉ holo pimiki totopo piki honkumanu amu pimikime. Kutupata꞉ mo Lo Pima꞉ leeke tupa꞉ hande hoto pila꞉ natena꞉ yaalo hoto pitimikime.

Luku 24:1

Sande da panake ka꞉la꞉ polo nate epolo haena꞉ta꞉ mo wanda꞉ sunuma꞉ Yesuna꞉ lapa꞉ nane mo hande tiki tiki yaemeke totopo wopu piki honkumanu miniki pemekeme.

Dioni 19:25

Mo Yesu ipika꞉ a꞉ka꞉tei wapepiki ti teke pa꞉ta꞉ta꞉ ipika꞉ inkiki make inkikina꞉ hakepiki make Keliopasina꞉ wanda꞉ Meti kutupa mo Ma꞉kadala wanda꞉ Meti make paeyao koto pambo haemekeme.

Dioni 19:31

Koto pimiki ekita꞉ hande Lombei Pupa Yapeeke nate teke pa꞉ta꞉ yeeke handaata꞉ mo Diu haliwekima꞉ta꞉ Beliata꞉ hande Hoto Pila꞉ Nate ota꞉ tieke konee hone witolo hata꞉ mo hali tokomanu a꞉ka꞉tei wapepiki tina꞉ na endi pelia haena꞉ hone wimikime. Koto ekina꞉ ikana꞉ma꞉ Pailedi pa꞉ta꞉ pua mo hali tepona꞉ ankemanu tonda꞉pa꞉ lia ika꞉ tokomanu honda꞉ mina꞉yeke honke lemekeme.