Maka 12:2 - Panake Pi La: Ula: Buka pita: Kine Pieke Buka

² Bapina꞉ mo e teke halima꞉ ipika꞉ e pokaasa꞉ hali ma꞉nda꞉ hande e pokao haemeke haliweki pa꞉ta꞉ kilikimanu mandaneeki meaena꞉yeke tapaeyekeme.

Maka 12:2 ပူးပေါင်းရင်းမြစ်များ

Ma꞉tiu 21:34

Wetepena꞉ mo waini kiliki talemeke nate opolo epeeketa꞉ mo hande haliwekima꞉ wialimi ipika꞉ putu piliki meaena꞉ta꞉ ipika꞉ e pokaemeke haliweki iki pa꞉ta꞉ tapaeyekeme.

Maka 12:1

Koto laa Yesuma꞉ onkoluma꞉ laa iki pa꞉ta꞉ alota꞉ Hali ma꞉nda꞉ma꞉ waini e pokaata꞉ pape pea mo waini kilikimanu dikili pulu pieke alena꞉ kenke awaata꞉ ti hokulu mea a꞉meiyao noka꞉pa oli manda hata꞉ e handeteke haena꞉ da a꞉eyekeme. Dupa pea ipika꞉ e pokaaseme haliweki mea haena꞉ laata꞉ kenke ma꞉nda꞉ nane peekeme.

Maka 12:3

Koto haliwekima꞉ mo e pokaasa꞉ hali meaata꞉ yombua bao kiki hameke tapaemekeme.

Luku 12:48

Pate e pokaasa꞉ hali ma꞉nda꞉ma꞉ta꞉ ipika꞉ you halima꞉ hone pa꞉la꞉eki hone na witolo kone tanda napekeeki pia꞉ka꞉na꞉ta꞉ kota꞉ ipikita꞉ ae̱ya̱piki dopitama꞉ hosiki podela꞉ milieke. Hali ma꞉nda꞉ta꞉ mandane alemanu handeteke haena꞉ yeke anekema꞉ halea꞉ka꞉na꞉ta꞉ kota꞉ mo hali pa꞉ta꞉ yama꞉ta꞉ anekema꞉ muluekema꞉ hone wilieke. Koto tupa꞉ kone hali ma꞉nda꞉ pa꞉ta꞉ ala꞉ta꞉ ma꞉nda꞉ wopu handeteke haena꞉ yeke halea꞉ka꞉na꞉ta꞉ kota꞉ mo hali pa꞉ta꞉ yama꞉ta꞉ ota꞉ ankulao anekema꞉ muluekema꞉ hone wilieke leekeme.

Luku 20:10

Wetepena꞉ mo waini kiliki talemeke nate opolo epeeketa꞉ mo hande haliwekima꞉ ipika꞉ putu piliki wiaemekeeki meaena꞉yeke ipika꞉ e pokaeyeke hali ma꞉nda꞉ tapaeyekeme. Kutu piekepate hande halita꞉ mo haliwekima꞉ yombua bao ala꞉ta꞉ ma꞉nda꞉ siki make na haleke pa tapaemekeme.

Hibulu 1:1

Mo hande ambi sanake sanake aneketa꞉ Koda꞉ma꞉ hoto eleke elekema꞉ make mandane hau manuma꞉ make ipika꞉ pita꞉ mo potopede haliweki pa꞉ta꞉ yama꞉ nika꞉ apa꞉na꞉ atekena꞉ ateketonu pa꞉ta꞉ la hala꞉tiki pu hayekeme.