Maka 11:9 - Panake Pi La: Ula: Buka pita: Kine Pieke Buka

⁹ Titina꞉ pemeke wanda꞉halima꞉ make wetepena꞉ pemeke wanda꞉halima꞉ tonka꞉na꞉ wi la alu alu pitolo alota꞉ Hosa꞉na꞉e. Ta꞉na꞉e. Tekehalina꞉ bikina꞉ ipula꞉ halita꞉ Koda꞉ma꞉ ipika꞉ pi laena꞉e laa

Maka 11:9 ပူးပေါင်းရင်းမြစ်များ

Ma꞉tiu 21:9

Kutupa mo Yesu hatuku pulu hata꞉ titina꞉ hao wetepe hao pimiki wanda꞉hali paeyaoma꞉ wi aneke hapu kini pea la꞉ alu alu pitolo hata꞉ alota꞉ Hosa꞉na꞉e. Deipidina꞉ eiyeke pa꞉ta꞉ ta꞉na꞉e laata꞉ Mo Tekehalina꞉ bikina꞉ ipula꞉ halita꞉ Koda꞉ma꞉ ta꞉na꞉ma꞉ homena꞉e. Koda꞉na꞉ biki mea a꞉meiyamana꞉e laa la꞉tia pemekeme.

Ma꞉tiu 23:39

I̱ma꞉ neke pa꞉ta꞉ alota꞉ Ame do aneta꞉ I̱ a̱i̱ na handolo pelepate pa nakana꞉ma꞉ I̱ pa꞉ta꞉ alota꞉ Tekehalina꞉ biki mea ipula꞉ hali pa꞉ta꞉ ta꞉na꞉e lelipi toma꞉na꞉ta꞉ kota꞉ I̱ pa handilipikie alome leekeme.

Maka 11:8

Wanda꞉hali wopuma꞉ ika꞉ daumanu lepolona꞉ yamoma꞉ yamoma꞉ pimikime. Kutupa mandane wanda꞉halima꞉ katake mendia wiki ti palekemanu tondopa꞉ mea yamoma꞉ yamoma꞉ pimikime.

Dioni 12:13

Koto ekina꞉ dopema꞉ handeke ti palekemanu tonda꞉pa꞉ mepi pea mina Yesu manda꞉hande puluekema꞉ wi la꞉tiki pulu hata꞉ alota꞉ Koda꞉na꞉ pi laapa꞉pe. Tekehalina꞉ bikina꞉ ipula꞉ halita꞉ Koda꞉ma꞉ epeaeya꞉ka꞉na꞉ta꞉ epelieke. Ipikita꞉ Isulai wanda꞉halina꞉ Kini halie la lemekeme.

Dioni 19:15

Mo wanda꞉halima꞉ anekema꞉ wi la alu alu pitolo alota꞉ Li li laa a꞉ka꞉tei wapepiki tina꞉ tamendiao lima lemekeme. Pailedima꞉ iki pa꞉ta꞉ alota꞉ Ika꞉ kini halita꞉ a꞉ka꞉tei wapepiki tina꞉ tamendiao I̱ma꞉ lionope leekeme. Mo yeni peao haemeke you haliwekima꞉ ipika꞉ pi hombo peaaso alota꞉ Nika꞉ kini halita꞉ ma꞉nda꞉ dia꞉me. Sisa homekee lemekeme.