Maka 10:39 - Panake Pi La: Ula: Buka pita: Kine Pieke Buka

³⁹ Kutupa ipilikana꞉ma꞉ ipika꞉ pi hombo peaaso alota꞉ Diki ana꞉ pa꞉la꞉me lepekeme. Yesuma꞉ ipiliki pa꞉ta꞉ alota꞉ I̱ma꞉ kapona꞉ nolue ekita꞉ ota꞉ nelipipikie. I̱ bapitaisi peaalua꞉ tupa꞉ ipiliki ota꞉ bapitaisi peaalieke leekeme.

Maka 10:39 ပူးပေါင်းရင်းမြစ်များ

Ma꞉tiu 10:25

Koto ekina꞉ta꞉ mo sukulu pita꞉la꞉ wekima꞉ta꞉ ipika꞉ hone pa꞉ta꞉ta꞉ Yaka disa some tupa꞉ halueke laa hone pia꞉ka꞉na꞉ta꞉ kota꞉ ana꞉ pilieke. Koto tupa꞉ kone mo e pokaasa꞉ somema꞉ make Ya e teke hali tupa꞉ kone halueke laa hone pia꞉ka꞉na꞉ta꞉ kota꞉ koto make ana꞉ pilieke. Wanda꞉halima꞉ mo da homeke pa꞉ta꞉ pambo haleme tapakena꞉ Ateke pa꞉ta꞉ mo hande hoke biki Bielisibulu la꞉ wiaemeka꞉na꞉ta꞉ kota꞉ ipika꞉ wekiwandiki pa꞉ta꞉ make koto biki ota꞉ lombei piki ota꞉ hoke bikimanu kone la꞉tiki pilimikie.

Ma꞉tiu 3:6

Kutupata꞉ mo wanda꞉halima꞉ ika꞉ hoke haumanu ka꞉la꞉polo liaena꞉ ikita꞉ Dionima꞉ mo Diodani ikali pa꞉ta꞉ bapitaisi peayekeme.

Maka 14:31

Koto leekepate Pidama꞉ pi taka꞉lakema꞉ alota꞉ Diki mandakena꞉ homopono lea꞉ka꞉na꞉ kone naka꞉ biki na hoeyaalueke leekeme. Kutupa mo haliweki paeyaoma꞉ make koto tupa꞉ lemekeme.

Maka 14:36

Ipikana꞉ma꞉ alota꞉ Ya apa꞉o. Hau paeyao nakana꞉ma꞉ pea꞉peke ya꞉la꞉me. Do I̱ pa꞉ta꞉ ipula꞉ kapo I̱ pa꞉ta꞉ na epena꞉ lapeke. Kutu pea꞉peke ya꞉la꞉pate yaka hone pa꞉la꞉eki dia꞉me. Naka꞉ hone pa꞉la꞉eki homekee leekeme.

Dioni 13:37

Koto ekina꞉ Pidama꞉ paa lota꞉ pitolo alota꞉ Tekehalio. Ekipeke neke na telia꞉ mea ipilipiki la alepe laata꞉ I̱ma꞉ neke tamba꞉ muluekema꞉ yaka da꞉ta꞉la꞉eki homaoa꞉ka꞉na꞉ make ana꞉ pilieke laa leekepate

Dioni 15:20

I̱ma꞉ alo pina꞉ hone wia꞉pa꞉peke. E pokaasa꞉ halima꞉ta꞉ ipika꞉ teke hali na ankulalieke laa loa꞉me. I̱ pa꞉ta꞉ a꞉nda꞉ lilimi ekima꞉ta꞉ iki pa꞉ta꞉ make a꞉nda꞉ lilimikie. I̱ma꞉ walolo pi opueleme ekima꞉ta꞉ ikana꞉ma꞉ walo pelemeeki make opilimikie.

Dioni 17:14

Naka꞉ pita꞉ I̱ma꞉ iki pa꞉ta꞉ amba꞉ la haloa꞉me. Koto polo ekina꞉ do kenke wanda꞉halima꞉ta꞉ iki pa꞉ta꞉ honditi pu halememe. I̱ta꞉ do kenkena꞉eki na halo tupa꞉ koto haliweki make do kenkena꞉eki na haleme ekina꞉ pitelememe.

Aposolo 12:2

Ipikana꞉ma꞉ Dionina꞉ hameke Dia꞉mesita꞉ kepete hokuluma꞉ liekeme.

Kolosi 1:24

Koto ekina꞉ ameta꞉ I̱ta꞉ mo ikina꞉ tanda minolo ekina꞉ ta꞉na꞉ma꞉ homolome. Yaka lokema꞉ tanda minolo ekita꞉ mo hande Ketisoma꞉ ipika꞉ loke mo siosina꞉eki peaaso mieke tanda putupiliki u pelia hala꞉ ekita꞉ I̱ma꞉ paeyaaluekema꞉ tamba꞉ minolo loa꞉me.

Peneme Yaeyekeeki 1:9

I̱ta꞉ ika꞉ kame Dioni Yesuna꞉ hoki nane teliolo halie. Ipika꞉ Kilu Tombuao Hala꞉eki pa꞉ta꞉ haleme ekina꞉ ki hone na wiki Pina꞉e laa tanda mineleme ekina꞉ putupoloma꞉ yankekema꞉ loa꞉me. I̱ta꞉ Koda꞉na꞉ pi walaawa꞉ ekina꞉ make Yesuma꞉ ota꞉eki peneme yaeyekeeki walaawa꞉ ekina꞉ I̱ta꞉ mo dawalama꞉ dupake Pa꞉timosi kenke siki pa꞉ta꞉ hano lelememe.