Maka 10:24 - Panake Pi La: Ula: Buka pita: Kine Pieke Buka

²⁴ Ipika꞉ disaipolo haliwekima꞉ koto pi opua penkilipa꞉tia pomimikipate Yesuma꞉ iki pa꞉ta꞉ paa alota꞉ Ya weki titio. Hamoko wanda꞉halima꞉ Koda꞉na꞉ Kilu Tombuao Hala꞉eki pa꞉ta꞉ pua꞉peke ekita꞉ ka꞉nda꞉ pa꞉la꞉me.

Maka 10:24 ပူးပေါင်းရင်းမြစ်များ

Ma꞉tiu 19:25

Ipika꞉ disaipolo haliwekima꞉ koto pi opitolo iki ota꞉ wopu tola꞉tia pominolo hata꞉ alota꞉ Koto pa꞉la꞉ ekina꞉ta꞉ kota꞉ epima꞉ ota꞉ da꞉ta꞉la꞉eki mia꞉peke ya꞉la꞉pe lemekeme.

Maka 1:27

Koto ekina꞉ wanda꞉hali paeyaoma꞉ penkilipa꞉tia pominolo hata꞉ ika꞉ ika꞉ kone lota꞉ lota꞉ pimikieki dupae. Dota꞉ eki haupe laa Panake hau wala꞉la꞉ekipe laa Biki ula꞉ halima꞉ tupa꞉ ipikana꞉ma꞉ mo hoke temokomanu pa꞉ta꞉ pi lea꞉ka꞉na꞉ta꞉ ipika꞉ pi tunkula꞉peke na ya꞉la꞉me lemekeme.

Maka 10:23

Yesuma꞉ la꞉ka꞉la꞉ moneao ipika꞉ disaipolo haliweki handaata꞉ iki pa꞉ta꞉ alota꞉ Hamoko wanda꞉halima꞉ Koda꞉na꞉ Kilu Tombuao Hala꞉eki pa꞉ta꞉ haena꞉ weleke we wotu pilimikie leekeme.

Luku 16:14

Mo hande Pa꞉tisi haliwekima꞉ Yesuma꞉ leekeeki opuaata꞉ ipiki kitaemekeme. Pa ekipeke ikita꞉ mani pa꞉ta꞉ta꞉ puki wotu wimikima꞉ pimikime.

Dioni 13:33

Yaka weki wandikio. Iki ame̱le̱ halo poloma꞉pateta꞉ hosiki halueke. Kutupa ikana꞉ma꞉ I̱ weilimikipate pa amba꞉ mo Diu wanda꞉hali pa꞉ta꞉ loa꞉ ekita꞉ ameta꞉ iki pa꞉ta꞉ make alome. I̱ polue da naneta꞉ iki a꞉pa꞉peke na ya꞉la꞉me la leekeme.

Dioni 21:5

Ipikana꞉ma꞉ iki pa꞉ta꞉ alota꞉ Weki tonuo. Ta꞉peli ma꞉nda꞉ mimipe leekeme. Ikana꞉ma꞉ ipika꞉ pi hombo peaaso alota꞉ Dia꞉me lemekeme.

Dioni 6:60

Ipika꞉ disaipolo haliweki wopuma꞉ koto leekeeki opua alota꞉ Do pita꞉ ka꞉nda꞉ wopu piki pie. Epi amedama꞉ opua꞉peke ya꞉la꞉pe lemekeme.

Ka꞉leisia 4:19

Ya wekiwandiki sunuo. Ikana꞉ma꞉ Ketisona꞉ hau muemena꞉yeke ama꞉ma꞉ weki taapolo pila꞉ tupa꞉ I̱ma꞉ iki paa taapolo hata꞉ tanda mua꞉tiki pulume.

1 Timodi 6:17

Mo kenke ala꞉ta꞉ ala꞉ta꞉na꞉ hamoko haseme wanda꞉hali pa꞉ta꞉ta꞉ dupiki pi la wia꞉peke. Ika꞉ hakoko na lu make mo a̱i̱ paelo pa꞉la꞉ kenke ale manuna꞉ hone na ti lao hao hapa꞉peke. Kotoeki na pikita꞉ niki ta꞉na꞉ma꞉ homomono epeke alemanu ku hala꞉ Koda꞉ pa꞉ta꞉ hone ti lao hapa꞉peke lapeke.

1 Dioni 2:1

Yaka wekiwandiki ikana꞉ma꞉ hokeeki na pulu peleme tupa꞉ I̱ma꞉ doeki iki pa꞉ta꞉ laasome. Pate ma꞉nda꞉ epima꞉ hokeeki pia꞉ka꞉na꞉ta꞉ kota꞉ nika꞉ hau peaaso hata꞉ Apa꞉ pa꞉ta꞉ honke lawaasa꞉ some ma꞉nda꞉ hala꞉me. Ipikita꞉ tikitiki piki some Yesu Ketiso hala꞉me.

1 Dioni 4:4

Pate yaka wekiwandikio. Ikita꞉ Koda꞉na꞉ ekie. Kutupa mo makeaaso potopede manuta꞉ amba꞉ bepolalememe. Pa ekipeke mo iki pa꞉ta꞉ pila꞉ Sipitidita꞉ do kenkena꞉ wanda꞉hali tukiki pa꞉ta꞉ pila꞉ sipitidi tupa꞉ dia꞉me. Iki pa꞉ta꞉ pila꞉ Sipitidita꞉ wele wopu pikieki pileke loa꞉me.

1 Dioni 5:21

Yaka wekiwandikio. Mo yayapiki koda꞉manu teke pa꞉ta꞉ na hapa꞉peke.

Peneme Yaeyekeeki 3:17

Ikana꞉ma꞉ alota꞉ I̱ta꞉ hamoko hata꞉ ala꞉ta꞉ ala꞉ta꞉ paeyao ana꞉ pa꞉la꞉me. I̱ dia꞉ya꞉la꞉ ale manuta꞉ ma꞉nda꞉ dia꞉yalo hata꞉ I̱ ana꞉ pa꞉la꞉me alememe. Pate ikita꞉ ta꞉na꞉ na pea ota꞉ a꞉ta꞉ pambeleme ekita꞉ hone na wilimime. Ikita꞉ natehali hao aka꞉ na yameke pa tia hata꞉ leke holu peleme.