Maka 10:2 - Panake Pi La: Ula: Buka pita: Kine Pieke Buka

² Mandane Pa꞉tisi haliwekima꞉ Yesuna꞉ anke yololo hata꞉ a꞉pa lota꞉ pimikime dupa. Hali ma꞉nda꞉ma꞉ ipika꞉ wanda꞉ yokea꞉ka꞉na꞉ta꞉ o kiaeya꞉ka꞉na꞉ta꞉ ana꞉ pa꞉la꞉pe o ana꞉ na pa꞉la꞉pe lemekeme.

Maka 10:2 ပူးပေါင်းရင်းမြစ်များ

Ma꞉tiu 15:12

Koto leeke hoki naneta꞉ ipika꞉ hoki nane telimiki haliwekima꞉ ipiki pa꞉ta꞉ a꞉pa alota꞉ Mo hande Pa꞉tisi haliwekima꞉ pimi ekita꞉ neke na handepe. Nakana꞉ma꞉ le pi manuma꞉ ika꞉ puki tandama꞉ homaya꞉me lemekeme.

Ma꞉tiu 16:1

Mo Pa꞉tisi haliweki make Sa꞉dusi haliweki tonka꞉na꞉ Yesu pa꞉ta꞉ a꞉pa ipika꞉ anke yololo alota꞉ Koda꞉ma꞉ neke pa꞉ta꞉ do wele a꞉nda꞉ ku haya꞉ka꞉na꞉ta꞉ kota꞉ nikana꞉ma꞉ handomono mo welema꞉ na handeke hau ma꞉nda꞉ pie lemekeme.

Ma꞉tiu 19:3

Mandane Pa꞉tisi haliwekima꞉ ipiki tamuluekema꞉ yeke ipiki pa꞉ta꞉ lota꞉ pita꞉la꞉ pi ma꞉nda꞉ dupa lemekeme. Hali ma꞉nda꞉ma꞉ ota꞉ pa ipika꞉ hone pa꞉la꞉ tupa꞉ ipika꞉ wanda꞉ kiaaso yoka꞉la꞉ ekita꞉ mo nika꞉ Lo Pi Ula꞉ ekima꞉ta꞉ waleke ma꞉nda꞉ wiala꞉pe laa lota꞉ pimikime.

Ma꞉tiu 22:35

Kutupata꞉ mo Lo Pi walo hayeke hali homekema꞉ Yesu tamuluekema꞉ta꞉ pi dupa lota꞉ piekeme.

Ma꞉tiu 23:13

Koto pi laa paeyeketa꞉ Yesuma꞉ alota꞉ Iki Lo Pi ula꞉eki walo haleme haliweki make Pa꞉tisi haliweki make iki paeyaona꞉ hoke yenki tieke ipuleke handolo ekina꞉ I̱ paala꞉e. Ikita꞉ hoke makeaaso yayapiki hau pu haleme haliwekie. Ikana꞉ma꞉ta꞉ mo hepenina꞉ Kilu Tombuao Hala꞉ eki pa꞉ta꞉ honda꞉ pamba꞉la꞉eki kiaaso hata꞉ta꞉ mo poluekema꞉ hone pa꞉la꞉ wanda꞉hali puaama꞉na꞉ ika꞉ leke popelekena꞉ kone mo honda꞉ pambolo peleme pota꞉ pa꞉ta꞉ pota꞉ kake katolao halememe.

Ma꞉tiu 9:34

Koto lemekepate mo hande Pa꞉tisi haliwekima꞉ alota꞉ Do somema꞉ta꞉ mo hande hoke you temokona꞉ wele mea koto hande hoke temokomanu tolu lia pia꞉ka꞉ta꞉me.

Maka 10:1

Koto alena꞉ mina꞉pa꞉lao Yesu Diudia nane pua mo Diodani ikali yuma mone tea꞉ nane make peekeme. Wanda꞉hali wopu ipiki pa꞉ta꞉ pa a꞉pa mombelemekeme. Kutupa amba꞉ walo hayeke tupa꞉ paa waleekeme.

Maka 10:3

Yesuma꞉ ika꞉ pi hombo peaaso alota꞉ Mosesima꞉ eki pi ula꞉eki leekepe leekeme.

Maka 8:11

Pa꞉tisi haliwekima꞉ Yesu pa꞉ta꞉ a꞉pa mineke pi laa ipika꞉ anke yololo alota꞉ Hepeni nane wele pita꞉la꞉eki ma꞉nda꞉ handomono pie lemekeme.

Maka 8:15

Yesuma꞉ mana꞉ alo hata꞉ iki pa꞉ta꞉ alota꞉ Wotu hapa꞉peke. Pa꞉tisi haliwekina꞉ palaowa pombei yaasa꞉eki make Hetodina꞉ palaowa pombei yaasa꞉eki make wotu handa꞉pa꞉peke leekeme.

Luku 11:39

Kutu piekeeki handaata꞉ mo Teke Halima꞉ ipiki pa꞉ta꞉ alota꞉ Ameta꞉ kota꞉ iki Pa꞉tisi haliwekima꞉ta꞉ ika꞉ kapo make kawaso manuta꞉ manda homeke tandepo halemepate tukiki pa꞉ta꞉ta꞉ pasa꞉tei pita꞉la꞉ hau make hoke hoke hau paeyaoma꞉ iki tumba halememe.

Luku 16:14

Mo hande Pa꞉tisi haliwekima꞉ Yesuma꞉ leekeeki opuaata꞉ ipiki kitaemekeme. Pa ekipeke ikita꞉ mani pa꞉ta꞉ta꞉ puki wotu wimikima꞉ pimikime.

Luku 5:30

Kutupa mandane Pa꞉tisi haliweki manuma꞉ make iki ame̱le̱ apa꞉taemeke mandane Lo Pi wala꞉la꞉ haliwekima꞉ make Yesuna꞉ disaipolo haliweki pa꞉ta꞉ ka꞉nda꞉ piki pimanu lota꞉ pitolo hata꞉ alota꞉ Mo dakisi mani mu haleme haliweki make mo hoke hauma꞉ ha̱i̱ pieke handaa mina꞉pa꞉laemeke wanda꞉hali ame̱le̱ mandake pa꞉ta꞉ pita꞉ ne ikalimanu ekipeke nalemepe laa lota꞉ pimikime.

Luku 6:7

Mo wape pea ula꞉ Lo Pi walo haemeke haliweki make Pa꞉tisi haliwekima꞉ make Do nika꞉ Hoto Pila꞉ Natena꞉ Yesuma꞉ ma꞉nda꞉ mea epeaalia꞉pe laa handa꞉hake wimikime. Yesuma꞉ pi yamba꞉lea꞉me loluekema꞉ yeke pimikime.

Luku 7:30

Pate mo Pa꞉tisi haliweki pita꞉ Lo Pi walo haemeke haliwekima꞉ta꞉ Koda꞉ma꞉ iki pa꞉ta꞉ hone pa꞉la꞉eki manuta꞉ kiaasota꞉ Dionima꞉ iki bapitaisi peaapa꞉na꞉yeke kiaemekeme.

Dioni 11:47

Koto ekina꞉ mo Pa꞉tisi haliweki make mo yeni peao haemeke you haliweki make mo Ka̱le̱sete tapake ame̱le̱ momba꞉lalo hata꞉ alota꞉ Nikana꞉ma꞉ta꞉ eki pumana꞉pe. Do hande halima꞉ wele wotu pa꞉la꞉ ekimanu pita꞉la꞉me.

Dioni 11:57

Kota꞉ mo yeni peao haemeke you haliweki make mo Pa꞉tisi haliweki tonka꞉na꞉ ikana꞉ma꞉ pi alo alota꞉ Hali epima꞉ Yesu hala꞉eki handea꞉ka꞉na꞉ta꞉ Yesu da꞉ka꞉pa꞉ minomonoyeke niki a꞉pa la kia꞉pa꞉peke lemekeme.

Dioni 7:32

Mo wanda꞉halima꞉ Yesu pa꞉ta꞉ koto pi lemeke ekimanu mo Pa꞉tisi haliwekima꞉ opuata꞉ mo yeni peao haemeke you haliweki ame̱le̱ apa꞉tao Yesu da꞉ka꞉pa꞉ minulu pena꞉ mo tembolo da handeteke haemeke haliweki tapaemekeme.

Dioni 7:48

Nika꞉ you hali ma꞉nda꞉ma꞉ make Pa꞉tisi hali ma꞉nda꞉ma꞉ make ipiki pa꞉ta꞉ hone tulao pia. Dia꞉me.

Dioni 8:6

Yesu pa꞉ta꞉ pi loluekema꞉ weitolo hata꞉ ipikana꞉ma꞉ ala꞉eki opuluekema꞉ yokaemekeme. Koto lemekepate Yesuma꞉ panda꞉puniao pita꞉ kiki ma̱lekema꞉ kenkena꞉ wape wape piekeme.

1 Kotindi 10:9

Ikana꞉ma꞉ ika꞉ hoke hau manuma꞉ Koda꞉ma꞉ pia꞉ handeeke tupa꞉ nikana꞉ma꞉ mo Tekehali pa꞉ta꞉ hoke hone u tiaaluekema꞉ hone na umana꞉ pea꞉pa꞉peke. Mo hande mandane kutupiki hau pimiki wanda꞉halita꞉ mo hoke ketoma꞉ aweeke ekima꞉ homemekeme.