Maka 1:8 - Panake Pi La: Ula: Buka pita: Kine Pieke Buka

⁸ I̱ma꞉ta꞉ ikalima꞉ iki bapitaisi peaasopate ipikana꞉ma꞉ta꞉ Holi Sipitidima꞉ iki bapitaisi peaalieke leekeme.

Maka 1:8 ပူးပေါင်းရင်းမြစ်များ

Ma꞉tiu 3:11

I̱ma꞉ta꞉ ika꞉ hoke haumanu mina꞉pa꞉laemekeeki peneme yaaluekema꞉ ikalima꞉ bapitaisi peaowalopate mo ya hoki nane ipilia꞉ halima꞉ta꞉ mo Holi Sipitidi pita꞉ ti tala꞉eki yaapoma꞉ iki bapitaisi pealieke. Mo someta꞉ I̱ ota꞉ lombeipiki some halekena꞉ ipika꞉ anke dake kone I̱ma꞉ mea tiaapeke ana꞉ na pa꞉la꞉me.

Maka 1:7

Ipikana꞉ma꞉ pi walolo hata꞉ dupa leekeme. Ya hoki nane ipilia꞉ halita꞉ I̱ halo tupa꞉ na hala꞉ hali ipilieke. Ipikita꞉ hali tieke ipilieke. I̱ta꞉ ipiki pa꞉la꞉ tupa꞉ epeke hali dia꞉me. I̱ma꞉ panda꞉puniao ipika꞉ anke dake pu ka꞉la꞉papeketa꞉ ana꞉ na pa꞉la꞉me laata꞉

Maka 1:9

Koto dina꞉ta꞉ Yesuma꞉ Ka꞉lili nane hayeke Na꞉sa꞉tete da mina꞉pa꞉lao Diodani ikali pa꞉ta꞉ peekeme. Koto ikali pa꞉ta꞉ Dionima꞉ Yesu bapitaisi peaeyekeme.

Luku 3:16

Koto ekina꞉ Dionima꞉ iki pa꞉ta꞉ alota꞉ I̱ma꞉ ikita꞉ ikalima꞉ bapitaisi peao halopate hali ma꞉nda꞉ wetepena꞉ ipilia꞉ halita꞉ ota꞉ honkopu wotu hala꞉me. I̱ta꞉ ipiki yaapo ana꞉ pea꞉peke na ya꞉la꞉me. Ipika꞉ anke dake holaapeke make I̱ta꞉ ana꞉ na pa꞉la꞉me leekeme. Ipikana꞉ma꞉ ikita꞉ Holi Sipitidi pita꞉ ti uleke yaapoma꞉ bapitaisi pealieke leekeme.

Dioni 1:26

Dionima꞉ ika꞉ pi hombo peaaso alota꞉ I̱ma꞉ta꞉ wanda꞉hali ikalima꞉ bapitaisi peaaso halopate iki tukiki pa꞉ta꞉ hala꞉ hali ma꞉nda꞉ ikana꞉ma꞉ na handelememe.

Dioni 1:33

Koto pita꞉ kone I̱ma꞉ mo hali epipe hone na ua꞉pate hande ikalima꞉ wanda꞉hali bapitaisi peaalo pono I̱ tapaeya꞉ Koda꞉ma꞉ I̱ pa꞉ta꞉ alota꞉ Mo hande Holi Sipitidita꞉ hola꞉pa꞉niao a꞉pa hali ma꞉nda꞉ pa꞉ta꞉ pila꞉eki handilipikie laa koto halima꞉ta꞉ Holi Sipitidima꞉ wanda꞉hali bapitaisi peao hala꞉me lea꞉me laa leekeme.

Aposolo 1:5

Kutupa Dionima꞉ta꞉ pa ikalima꞉ bapitaisi peao haya꞉pate hosikisiki hao hao peaata꞉ Holi Sipitidima꞉ bapitaisi peaalieke loa꞉ pita꞉ amba꞉ opimime leekeme.

Aposolo 10:45

Hande Pida ame̱le̱ a꞉pa haemeke Ketiso haliwekima꞉ Diu haliweki kone leke opa wotu handaake wimikime. Koda꞉ma꞉ mo Diendaili wanda꞉hali pa꞉ta꞉ kone mo Holi Sipitidi haleeke handa pimikime.

Aposolo 2:17

Koda꞉ma꞉ alota꞉ Natemanu paeluekema꞉ haena꞉ta꞉ dupulueke laa Wanda꞉hali paeyao pa꞉ta꞉ yaka Holi Sipitidi hale hale pulueke. Kutupa ika꞉ weki manuma꞉ make wandiki manuma꞉ make yaka pi la꞉ mea hala꞉tiki pilimikie. Ika꞉ weki haliwekima꞉ mandane hau pita꞉la꞉ ekimanu handena꞉ lolueke. Kutupa ika꞉ koke haliwekima꞉ make upamanu pilimikie.

Aposolo 2:4

Kutupa mo Holi Sipitidima꞉ iki paeyao tumba pitina꞉ mo wanda꞉hali paeyaoma꞉ pi ta꞉ta꞉ ta꞉ta꞉ lena꞉ leekeme.

1 Kotindi 12:13

Koto tupa꞉ kone niki paeyaota꞉ Diu wanda꞉hali pita꞉ Diendaili wanda꞉hali yaapo make ma꞉nda꞉na꞉ e pa hameke pokaaseme wanda꞉hali pita꞉ ka꞉la꞉pa꞉ ta꞉pao haleme wanda꞉hali yaapo make niki paeyao mo homeke Sipitidima꞉ kone bapitaisi pea homeke loke tunao haloma꞉me. Kutupa nikana꞉ma꞉ ikali no haloma꞉ tupa꞉ mo homeke Sipitidi kone na꞉tiki pu haloma꞉me.