Maka 1:5 - Panake Pi La: Ula: Buka pita: Kine Pieke Buka

⁵ Diudia nane haemeke wanda꞉hali paeyao make Diutuseleme da pa꞉ta꞉ haemeke wanda꞉hali paeyao make Dioni pa꞉ta꞉ pua꞉tiki pu haemekeme. Kutupa Diodani ikali pa꞉ta꞉ wanda꞉halima꞉ ika꞉ hoke haumanu ka꞉la꞉polo haena꞉ Dionima꞉ bapitaisi peatiki piekeme.

Maka 1:5 ပူးပေါင်းရင်းမြစ်များ

Ma꞉tiu 4:25

Wanda꞉hali wopu Yesu pa꞉ta꞉ teli mea pemekeme. Koto wanda꞉halita꞉ Ka꞉lili kenke nanema꞉ wanda꞉hali make Diudia kenke nanema꞉ wanda꞉hali make mo Diodani mone tea꞉ nanema꞉ wanda꞉hali make iki paeyaoma꞉ ipiki teli mea pemekeme.

Maka 1:4

Koto wape pieke tupa꞉ bapitaisi peao hayeke hali Dionima꞉ hapu hayeke alena꞉ a꞉pa hayekeme. Kutupa ipikana꞉ma꞉ wanda꞉hali bapitaisi peaaso hata꞉ pi make wala꞉tiki piekeme. Dupa leekeme. Hone la꞉ka꞉la mina wimika꞉na꞉ta꞉ I̱ma꞉ iki bapitaisi peaalueke. Koto ekina꞉ Koda꞉ma꞉ ika꞉ hoke haumanu paeyaalieke leekeme.

Maka 1:6

Dionima꞉ta꞉ kemolo ma꞉na꞉ itikima꞉ wepieke dau pambaota꞉ ba꞉ta꞉idota꞉ ma꞉na꞉ yonkelekema꞉ wepiekeeki yameekeme. Kutupa ipika꞉ neta꞉ hombuta꞉ make boi hapeke make na꞉tiki pu hayekeme.

Dioni 1:28

Koto hau pimiki ekita꞉ mo Bedani da pa꞉ta꞉ mo Diodani ikali mone tea꞉na꞉ Dionima꞉ bapitaisi peaeyeke alena꞉ hata꞉ pimikime.

Dioni 3:23

Dionima꞉ make mo Seilimi da teke pa꞉ta꞉ Inoni da hata꞉ta꞉ ikali wotu pitieke handaa ipiki pa꞉ta꞉ a꞉pa꞉tiki pimiki wanda꞉halita꞉ ipikana꞉ma꞉ bapitaisi peatiki piekeme.

Dioni 5:35

Dionita꞉ hande ola꞉pake tupa꞉ ka꞉wa endialeke handaa pa̱a̱ wopu pu haya꞉me. Koto ekina꞉ ipika꞉ pa̱a̱ pa꞉la꞉eki pa꞉ta꞉ hosiki haluekema꞉ ikana꞉ma꞉ hone pia꞉me.

Aposolo 19:18

Kutupa pi mimiki wanda꞉hali wopuma꞉ a꞉paata꞉ ika꞉ pu haemeke ekimanu na a꞉mbaake kelepemekeme.

Aposolo 2:38

Koto lemeke handaa Pidama꞉ iki pa꞉ta꞉ alota꞉ Koda꞉ma꞉ ika꞉ hoke hau peleme ekimanu pa paeyaena꞉yeke hone ma꞉nda꞉ la꞉ka꞉la꞉ mina wiaata꞉ Yesu Ketisona꞉ bikina꞉ bapitaisi hau pea꞉pa꞉peke. Kutu pimika꞉na꞉ta꞉ Koda꞉ma꞉ kilie aleta꞉ mo Holi Sipitidi kilieke.

Dia꞉mesi 5:16

Koto ekina꞉ yeni tandela haluekema꞉ ika꞉ hoke hau peleme ekimanu ka꞉la꞉pa alualu peata꞉ kutupa ika꞉ kone Koda꞉ pa꞉ta꞉ yeni pitolo hata꞉ tamba꞉ mu alualu pea꞉pa꞉peke. Tikitiki yao hala꞉ halima꞉ yeni pia꞉ka꞉na꞉ta꞉ kota꞉ wele wotu pilieke.