Luku 9:51 - Panake Pi La: Ula: Buka pita: Kine Pieke Buka

⁵¹ Yesu oli hepeni nane mea polo pieke nate teke pa꞉ta꞉ yolo epeeketa꞉ ipikita꞉ mo Diutuseleme teke da nane ota꞉ polueke hone u paleke peekeme.

Luku 9:51 ပူးပေါင်းရင်းမြစ်များ

Maka 16:19

Koto ekina꞉ Tekehali Yesuma꞉ mo wanda꞉hali pi la halo paeyaota꞉ Koda꞉ma꞉ Yesu mea oli ya nane hatuku miekeme. Kutupa Yesuta꞉ Koda꞉na꞉ popeke nane kiki nane pitiniaeyekeme.

Luku 12:50

I̱ta꞉ bapitaisi pea꞉peke hau homeke mulueke hone ulupate pa a̱i̱ na pu paeyaaso ekina꞉ kota꞉ yaka weleke pukima꞉ ka꞉nda꞉ tieke minolome.

Luku 13:22

Yesuma꞉ mo Diutuseleme da nane opolo poluekema꞉ yeke handaa hosiki da sunu make daoni pa꞉ta꞉manu amba꞉la pominolo hata꞉ pi wala꞉tiki pomiekeme.

Luku 17:11

Yesuta꞉ Diutuseleme da nane poluekema꞉ yeke Ka꞉lili make Sametia kenke yaapo tombona꞉ peekeme.

Luku 18:31

Yesuma꞉ ipika꞉ disaipolo haliweki talo pu mea mo pateleke pulu hata꞉ alota꞉ Opua꞉pe. Nikita꞉ Diutuseleme da teke pa꞉ta꞉ puluma꞉me. Koto pa꞉ta꞉ta꞉ hande potopede haliwekima꞉ Wanda꞉halina꞉ Eiyeke pa꞉ta꞉ pulu pa꞉la꞉ ekimanu lao wilimi ekita꞉ peneme yaalimikie.

Luku 19:11

Wanda꞉halima꞉ pi opitolo haena꞉ Yesuma꞉ iki pa꞉ta꞉ onkoluma꞉ pi ma꞉nda꞉ la haleekeme. Koto wanda꞉halima꞉ Yesuta꞉ Diutuseleme nane teke pa꞉ta꞉ polukuma꞉ peeke handaa ikana꞉ma꞉ ekima꞉ Koda꞉na꞉ Kilu Tombuao Hala꞉ ekita꞉ koto kone ipula꞉me hone wimikime.

Luku 19:28

Yesuma꞉ koto pimanu laata꞉ ipiki amba꞉la titina꞉ mo wanda꞉hali mea wetepe yao mo Diutuseleme da teke pa꞉ta꞉ peekeme.

Luku 24:51

Kutu pitolo haena꞉ta꞉ Yesuta꞉ iki mina꞉pa꞉lao oli hepeni nane hatuku peekeme.

Luku 9:57

Ikita꞉ mo pota꞉na꞉ pulu haena꞉ hali ma꞉nda꞉ma꞉ Yesu pa꞉ta꞉ alota꞉ I̱ta꞉ neke pomilipi ale pa꞉ta꞉manu ta꞉lia꞉ mea ipulueke leekeme.

Dioni 13:1

Mo hande Lombei Pupa Yapeeke natena꞉ ne pambuluekema꞉ hata꞉ta꞉ Yesuma꞉ do kenke mina꞉pa꞉lao Ateke pa꞉ta꞉ polo pieke di amba꞉ tunkula꞉la꞉me hone wiekeme. Ipikana꞉ma꞉ do kenkena꞉ haemeke ipika꞉ wanda꞉hali pa꞉ta꞉ pukima꞉ homo hao paeyaalo pulu hata꞉ make iki pa꞉ta꞉ pukima꞉ homeekeme.

Dioni 16:28

I̱ta꞉ hande yaka Apa꞉ yaapo hao do kenkena꞉ a꞉pa hao ameta꞉ do kenke mina꞉pa꞉lao yaka Apa꞉ pa꞉ta꞉ polueke leekeme.

Dioni 16:5

Pa ameta꞉ I̱ tapaala꞉ hali pa꞉ta꞉ paa pulume laa alo ekita꞉ hali homekema꞉ Neketa꞉ hane pulipe la make na lota꞉ pita꞉la꞉me.

Dioni 17:11

Ameta꞉ I̱ta꞉ do kenkena꞉ pa na hake neke pa꞉ta꞉ epolo polopate do haliwekita꞉ do kenkena꞉ pa ha pelia halimikie. Yako piki Apa꞉o. Nakana꞉ma꞉ I̱ pa꞉ta꞉ ki bikita꞉ koto bikina꞉ welema꞉ iki handeteke haena꞉ lapeke. Dikita꞉ homeke kone halopa꞉ tupa꞉ iki make homeke tupa꞉ haena꞉yeke loa꞉me.

Dioni 6:62

Wanda꞉halina꞉ Eiyeketa꞉ amba꞉ hao epea꞉ nane paa la꞉ka꞉la polo pa꞉la꞉eki handemeka꞉na꞉ta꞉ eki piliepe.

Aposolo 1:2

Kutupa Holi Sipitidima꞉ walolo haena꞉ Yesuma꞉ ipika꞉ talopu mea haena꞉ leeke aposolo haliweki pa꞉ta꞉ pi lo paeyaota꞉ oli ya nane a꞉meiyeketa꞉ wape pu naowa꞉me.

Aposolo 1:9

Kotoeki lo paeyaota꞉ mo haliwekima꞉ handa꞉ poto poto la haena꞉ kone opa꞉liao peekeme. Kutupa ya hapi homekema꞉ a꞉pa ipiki a꞉mbaeyekeme.

Epesese 1:20

hande Koda꞉ma꞉ wele wotu pitolo hata꞉ Ketisota꞉ homa wieke lapa꞉ pa꞉ta꞉ kone mea tiaota꞉ oli hepeni nane ipika꞉ popeke kiki nane mea pitaeyekeeki kotoeki kone niki tukiki pa꞉ta꞉ pila꞉me.

Pilipai 3:14

Koto ekina꞉ta꞉ mo hotonelina꞉ yenki muluekema꞉ I̱ma꞉ mo tombo hala꞉ pa꞉ta꞉ tikitiki a̱i̱ya pulume. Do ekina꞉ alome. Oli hepeni nane hao hapekeeki miono Koda꞉ma꞉ Yesu Ketiso pa꞉ta꞉ yama꞉ I̱ wi la꞉la꞉ ekina꞉ alome.

1 Timodi 3:16

Mo nika꞉ Ketiso hauna꞉ teketa꞉ ota꞉ hau tieke dia꞉me pita꞉ ma꞉nda꞉ma꞉ lapeke na ya꞉la꞉me. Do ekina꞉ alome. Ipikita꞉ ota꞉ halina꞉ loke kone mea opolo epeekeme. Mo hande Sipitidima꞉ ipika꞉ yako pa꞉la꞉ ekita꞉ ota꞉ ekie laa peneme waleekeme. Kutupa ipikita꞉ enisoloma꞉ make handeekeme. Ipika꞉ bikita꞉ mo tutu ma꞉nda꞉ ma꞉nda꞉ paeyao pa꞉ta꞉manu make walemekeme. Kutu pieketa꞉ mo kenke paeyao pa꞉ta꞉ haemeke wanda꞉halima꞉ ipiki pa꞉ta꞉ hone tulaemekeme. Kutaa ipikita꞉ Koda꞉ma꞉ oli ya nane hatuku mea peekeme.

Hibulu 12:2

Kutu puluekema꞉ta꞉ kota꞉ Yesuta꞉ nika꞉ hone tulaasa꞉ ekina꞉ kini pu mea pua ana꞉ lawalo pa꞉la꞉ teke hali hala꞉ ekina꞉ ipiki homeke handa꞉ paleke pomana꞉e. Ipikana꞉ma꞉ mo hande a꞉ka꞉tei wape piki ti yeke handaata꞉ pa pina꞉ na kiaeyekeme. Dia꞉me. Ipika꞉ pua mulu pieke ta꞉na꞉ma꞉ homa꞉la꞉ hau tieke handeeke ekima꞉ mo hande a꞉ka꞉tei wape piki tina꞉ homa꞉peke ekina꞉ yaala꞉ mea꞉peke ekina꞉ta꞉ hone ma꞉nda꞉ na wiekeme. Kutaa ameta꞉ ipikana꞉ma꞉ Koda꞉na꞉ pila꞉ ale tieke popeke nanema꞉ tilao pila꞉me.

Hibulu 6:20

Niki tamba꞉ muluekema꞉ta꞉ koto yako piki da panda꞉na꞉ pota꞉ pilaluekema꞉ Yesu amba꞉la amba꞉ yapeekeme. Ipikana꞉ma꞉ mo hande amba꞉ hayeke some Melekisedeke hayeke tupa꞉ ipika꞉ anke teke mea mo Yeni Peaasa꞉ You Hali na paeke hao hala꞉me.

1 Pida 3:22

Koto Ketisota꞉ ame hepeni tukiki pa꞉ta꞉ pua Koda꞉na꞉ popeke nane hata꞉ mo enisolo haliweki make hepeni nane haleme you haliweki make mo wele pita꞉la꞉ ekimanu make iki paeyao ipikana꞉ma꞉ handeteke hala꞉me.