Luku 9:49 - Panake Pi La: Ula: Buka pita: Kine Pieke Buka

⁴⁹ Dionima꞉ alota꞉ Tekehalio. Hali ma꞉nda꞉ma꞉ naka꞉ bikina꞉ hoke temokomanu tolu baeya꞉pate mo halita꞉ niki ame̱le̱ na tunaleke handaa nikana꞉ma꞉ koto hau na pia꞉pe laa sa꞉sa꞉ puma꞉me leekeme.

Luku 9:49 ပူးပေါင်းရင်းမြစ်များ

Ma꞉tiu 3:14

Kutu piekepate Yesuna꞉ hone topo pina꞉yeke Dionima꞉ ipiki pa꞉ta꞉ dupa leekeme. Nakana꞉ma꞉ I̱ bapitaisi peapekealeo. Pa neketa꞉ I̱ma꞉ bapitaisi peano I̱ pa꞉ta꞉ epeka꞉ta꞉me leekeme.

Luku 5:5

Koto leeke handaa Saimonoma꞉ ipika꞉ pi litolo hata꞉ alota꞉ Tekehalio. Do timba andusa꞉na꞉ niki paeyaoma꞉ e tieke pokoma꞉pate ta꞉peli ota꞉ homeke siki a꞉nda꞉ make na muma꞉pate nakana꞉ma꞉ aleke handaata꞉ mo tenkinu paeyao paa ikali pa꞉ta꞉ lopanoe leekeme.

Luku 9:33

Koto ekina꞉ta꞉ hali yaapota꞉ Yesu mina꞉pa꞉lao poluekema꞉ pulu haena꞉ laata꞉ Pidama꞉ Yesu pa꞉ta꞉ alota꞉ Tekehalio. Niki do pa꞉ta꞉ haloma꞉ ekita꞉ ota꞉ epeke epomekeme. Topu da tepo a꞉eyamono lae. Ma꞉nda꞉ naka꞉eki. Ma꞉nda꞉ Mosesina꞉eki. Ma꞉nda꞉ Elaidiana꞉eki pea a꞉eyamono lae leekeme. Pidama꞉ leeke pi manuta꞉ hone wotu na wiki hata꞉ leekeme.

Aposolo 5:28

Mo hande halina꞉ bikina꞉ wanda꞉hali pa꞉ta꞉ pi ma꞉nda꞉ na wala꞉pa꞉peke laa iki pa꞉ta꞉ na lapa꞉peke laa ta꞉e leke pi loma꞉pate ikana꞉ma꞉ pimieki hone wia꞉pa꞉peke. Do Diutuseleme da paeyao pa꞉ta꞉ ika꞉ pi yama꞉ tumbulu bao ula꞉me. Kutupa make mo hande hali homea꞉ ekita꞉ ikana꞉ma꞉ niki tulaasememe laa leekeme.

1 Desalonaika 2:16

Nikana꞉ma꞉ mo Diendaili wanda꞉hali pa꞉ta꞉ hande da꞉taapeke yeeke pi waluekema꞉ puma꞉ dina꞉ mo haliwekima꞉ sa꞉sa꞉ puluekema꞉ taapememe. Kutu pu haleme ekima꞉ ika꞉ hoke hau piteleme ekimanu daeyatia pua ota꞉ tieke ya꞉la꞉me. Kutupa ameta꞉ koto peleme ekima꞉ta꞉ Koda꞉na꞉ mineke pankolo pa꞉la꞉eki ika꞉ kone netepo neleme ekina꞉ iki pa꞉ta꞉ kone a꞉pa ula꞉me.