Luku 9:43 - Panake Pi La: Ula: Buka pita: Kine Pieke Buka

⁴³ Koto hau handemeke wanda꞉hali paeyaoma꞉ Koda꞉na꞉ honkopu wotu hala꞉eki handolo hata꞉ penkilipa꞉tia pomimikime. Wanda꞉hali paeyaoma꞉ Yesuma꞉ putia pomiekeeki handaata꞉ pututu pieke pi pa alo alo haena꞉ Yesuma꞉ ipika꞉ disaipolo haliweki pa꞉ta꞉ alota꞉

Luku 9:43 ပူးပေါင်းရင်းမြစ်များ

Ma꞉tiu 17:22

Ipika꞉ disaipolo haliweki paeyao Ka꞉lili nane a꞉pa mombelemeke pita꞉ma꞉ta꞉ Yesuma꞉ iki pa꞉ta꞉ alota꞉ Hosiki wetepena꞉ta꞉ mo Wanda꞉halina꞉ Eiyeketa꞉ haliweki oto pa꞉ta꞉ haena꞉ lelieke.

Maka 6:51

Kutupa Yesuta꞉ mo kawasona꞉ iki ame̱le̱ pitulu peeke haena꞉ta꞉ po tieke tunkuliekeme. Kutu pieketa꞉ mo haliwekima꞉ penkilipa꞉tia pomimikime.

Luku 18:43

Koto kone mo halima꞉ ana꞉na꞉ handa꞉peke yeekeme. Koto ekina꞉ta꞉ ipikana꞉ma꞉ Yesu telia꞉ mea pulu hata꞉ Koda꞉ pa꞉ta꞉ keiyae la꞉tia peekeme. Mo hande wanda꞉halima꞉ doeki hando haota꞉ paeyaoma꞉ Koda꞉na꞉ biki tieke laemekeme.

Luku 4:36

Koto eki handaata꞉ wanda꞉hali paeyao sikima꞉ penkilipa꞉tia pomua ika꞉ ika꞉ kone pi la alu alu pitolo hata꞉ alota꞉ Dota꞉ ekipiki pimanu ala꞉pe laata꞉ Do halita꞉ you hali ma꞉nda꞉ma꞉ leke nono pita꞉la꞉ tupa꞉ mo hoke temokomanu pa꞉ta꞉ dupi dupi aleke handaa hama ipulimime lemekeme.

Luku 5:26

Kutupa koto piekeeki handaata꞉ mo hande wanda꞉hali manuta꞉ penkilipa꞉tia pomua ikita꞉ pututuma꞉ homolo hata꞉ Koda꞉na꞉ biki mea miniliaaso alota꞉ Ameta꞉ nikana꞉ma꞉ na handeke epeke haumanu wotu handoma꞉me lemekeme.

Luku 5:9

Saimono ipiki ame̱le̱ haemeke haliweki ika꞉ tenkinu paeyao siki pa꞉ta꞉ ta꞉peli wotu anekema꞉ mu wimikieki handaata꞉ penkilipa꞉tia pomimikime.

Luku 8:25

Kutupa Yesuma꞉ ipika꞉ disaipolo haliweki pa꞉ta꞉ alota꞉ Ika꞉ hone tulaleme ekita꞉ hando ka꞉ta꞉pe laa lota꞉ piekeme. Koto leekepate iki paeyaoma꞉ penkilipa꞉tia pominolo make paala꞉ma꞉ wotu homolo hata꞉ ika꞉ ika꞉ kone alota꞉ Do halita꞉ epi ya꞉ka꞉ta꞉pe. Mo ikali pita꞉ po tilipu yaapoma꞉ ipika꞉ pi ota꞉ opitelepeme lemekeme.

Luku 9:42

Mo weki ipulu haena꞉ta꞉ mo hande hoke temokoma꞉ mo weki kenkena꞉ mea lopao lu keayekeme. Yesuma꞉ mo hoke temoko hando laata꞉ mo weki mea epeao ipika꞉ ateke pa꞉ta꞉ paa hala꞉ moneayekeme.

2 Pida 1:16

Mo hande nika꞉ Tekehali Yesu Ketisona꞉ wele pa꞉ta꞉ ipula꞉ ekita꞉ nikana꞉ma꞉ta꞉ pa ma꞉nda꞉ma꞉ ipika꞉ hone pa꞉ta꞉ wa꞉pa꞉la꞉ tameni manuna꞉ tilao hata꞉ iki pa꞉ta꞉ walolo na loma꞉me. Ota꞉ nika꞉ lekema꞉ ipika꞉ honkopu tieke handoma꞉me.