Luku 9:25 - Panake Pi La: Ula: Buka pita: Kine Pieke Buka

²⁵ Hali ma꞉nda꞉ma꞉ honkopu hao do kenkena꞉ anemone ale paeyao mina꞉la꞉pate ipika꞉ halo pa꞉la꞉eki kone alu pao o tondiki halea꞉ka꞉na꞉ta꞉ kota꞉ koto ale manuma꞉ta꞉ ipikita꞉ ekipa tamba꞉ milia꞉pe.

Luku 9:25 ပူးပေါင်းရင်းမြစ်များ

Ma꞉tiu 13:48

Kutupa mo tenki nu a꞉nda꞉ tumbia꞉ka꞉na꞉ta꞉ kota꞉ ikali tea꞉ nane yola꞉ mea wia hata꞉ hokeeki epekeeki telipa u halememe. Mo epekeeki manuta꞉ ika꞉ kawasomanu pa꞉ta꞉ lopaota꞉ hokeeki manuta꞉ bao halememe.

Ma꞉tiu 13:50

mo ti tieke to hala꞉ ale pa꞉ta꞉ mea lopa꞉nialimikie. Koto pa꞉ta꞉ta꞉ ika꞉ kake lenkene laaso hata꞉ e̱ wi lo halimikie.

Ma꞉tiu 16:26

Hali epima꞉ do kenke ala꞉ta꞉ ala꞉ta꞉ paeyao ipika꞉eki wina꞉ la halia꞉pate kone ipika꞉ da꞉ta꞉la꞉eki alupaeya꞉ka꞉na꞉ta꞉ kota꞉ epekeeki ma꞉nda꞉ta꞉ aleke milia꞉pe. Dia꞉ma꞉ ala꞉ta꞉ ma꞉nda꞉ ota꞉ na milieke. Ipika꞉ da꞉ta꞉la꞉eki paa muluekema꞉ topo peapeke ala꞉ta꞉ ma꞉nda꞉ a꞉nda꞉ ota꞉ na ula꞉me leekeme.

Maka 8:36

Hali epima꞉ do kenke ala꞉ta꞉ ala꞉ta꞉ paeyao ipika꞉eki wina꞉ laa alo hata꞉ ipika꞉ hao hala꞉eki alupia꞉ka꞉na꞉ta꞉ kota꞉ epeke ekita꞉ ekipa miliepe leekeme.

Aposolo 1:18

Hande Diudasima꞉ta꞉ hokeeki puluekema꞉ ma꞉na꞉ yapa꞉ pea mieke manima꞉ta꞉ kenkesiki ma꞉nda꞉ hamba꞉ miekeme. Koto kenke pa꞉ta꞉ta꞉ ipika꞉ kone lopa꞉niaota꞉ ota꞉ homeekeme. Ipika꞉ weleke tekelipe lia weleke yoka꞉ petepete pea wiekeme.

1 Kotindi 9:27

Yaka loketa꞉ homu peaaluekema꞉ yaka kone yumbitolo hata꞉ pitolome. Do ekina꞉yeke loa꞉me. I̱ma꞉ta꞉ wanda꞉hali wi la꞉la꞉ pi walaaso hali halopate pa wetepena꞉ I̱ kone halu peaapa꞉na꞉ pitolome.

Hibulu 10:34

Ikana꞉ma꞉ mo dipula pitimi wanda꞉hali pa꞉ta꞉ make a꞉ta꞉ma꞉ homememe. Kutupa make mandane haliwekima꞉ ika꞉ wia haeme ala꞉ta꞉ ala꞉ta꞉ paeyao pake muluekema꞉ pa꞉ta꞉la꞉ pemekeeki handemeketa꞉ kota꞉ ta꞉na꞉ma꞉ homolo hata꞉ ika꞉ honema꞉ta꞉ pa ota꞉ paeyaapeke na yeke epeke alemanu pa wia haloma꞉me hone witolo hata꞉ pa epeke tupa꞉ hao haememe.