Luku 8:43 - Panake Pi La: Ula: Buka pita: Kine Pieke Buka

⁴³ Kutupa mo wanda꞉hali anka꞉lopuna꞉ mo bapi 12 andusa꞉na꞉ we yopu hayeke wanda꞉ ma꞉nda꞉ hayekeme. Ipika꞉ yeni tamba꞉ mina꞉yeke dokeda haliweki pa꞉ta꞉ ipika꞉ mani paeyao hala꞉tiki piekepate ipika꞉ yenita꞉ ota꞉ na epeaeyekeme.

Luku 8:43 ပူးပေါင်းရင်းမြစ်များ

Maka 12:44

Wanda꞉hali paeyaoma꞉ ika꞉ mani tieke putupu mea putupiliki wimiki ekimanu mea lopaememe. Kutu pimikipate do wanda꞉ma꞉ ipika꞉ natehali hata꞉ ipika꞉ wia꞉ hayekeeki paeyao mea lopaeya꞉me leekeme. Ipika꞉ ne hamba꞉pekeeki kone mea lopaeya꞉me leekeme.

Maka 9:18

Kutupa mo hoke temokoma꞉ da꞉ka꞉pe miniki pita꞉ka꞉na꞉ mea lopao hala꞉me leekeme. Koto ekima꞉ ya wekina꞉ kake pa꞉ta꞉ dako hankoloma꞉ lia ipika꞉ kake lenkena꞉ lao hala꞉me leekeme. Kutupa ipika꞉ loketa꞉ tindipulu bao da̱o̱la hao hala꞉me la ombu alota꞉ Naka꞉ disaipolo haliwekima꞉ tolu lina꞉yeke honke loa꞉pate mo haliwekima꞉ ana꞉ na pia꞉me leekeme.

Luku 13:11

Koto pa꞉ta꞉ta꞉ hoke temoko pitieke wanda꞉ ma꞉nda꞉ pitiekeme. Kutu pieke ekima꞉ kone mo wanda꞉ta꞉ 18 bapina꞉ yeni mea hao hayeke ekima꞉ mo wanda꞉na꞉ hoki hoi peaota꞉ tindipapeke na yeekeme.

Luku 13:16

Koto tupa꞉ kone do Eipoloha꞉ma꞉na꞉ tapake wanda꞉ta꞉ hoke temokoma꞉ 18 bapina꞉ tonkao ula꞉ puta꞉ mo Hoto Pila꞉ Natena꞉ta꞉ na ka꞉la꞉pa꞉ tapaena꞉pe laa lota꞉ piekeme.

Luku 8:27

Yesuma꞉ mo kawaso mina꞉pa꞉lao mo ikali tea꞉na꞉ pulu haena꞉ta꞉ mo hoke temokomanu pitiki hali ma꞉nda꞉ mo daoni ma꞉nda꞉ pa꞉ta꞉ hao ipiki manda꞉hande pipikime. Ota꞉ amba꞉ hande hatiki a꞉paata꞉ ame make mo someta꞉ aka꞉ na yameke make da pa꞉ta꞉ na hao polu make ipikita꞉ mo homo hayeke haliweki u haemeke tikene da pa꞉ta꞉manu hao hayekeme.

Luku 8:42

Pa ekipeke ipika꞉ ota꞉ homeke hayeke bapita꞉ 12 yeeke wandikita꞉ tekesiki pa꞉ta꞉ homuluekema꞉ taapolo pitieke handaa leekeme. Koto leeke Yesu pulu haena꞉ mo wanda꞉hali anekehapu mandane mandane yama꞉ a꞉pa momba꞉laaso hata꞉ Yesu mea daka꞉pa daka꞉pa puluekema꞉ taapemekeme.

Luku 8:44

Kutupa mo wanda꞉ma꞉ mo wanda꞉hali anka꞉lopuna꞉ puata꞉ Yesuna꞉ hoki nanema꞉ a꞉pa ipika꞉ dopieke dau honiki wataeyekeme. Koto tomona꞉ kone hande we yapeeke ekita꞉ paeyekeme.

Dioni 9:1

Yesuma꞉ pota꞉na꞉ pulu hata꞉ handeekepate inkikima꞉ mendieke pa꞉ta꞉ kone leke holupiki hali handeekeme.

Dioni 9:21

ame ipika꞉ leke kila handa꞉la꞉eki make ipika꞉ leke kilaake hauta꞉ epima꞉ pa꞉la꞉pe. Kota꞉ dikita꞉ mata꞉la꞉me laa lepekeme. Ipiki pa꞉ta꞉ pua opua꞉pa꞉peke. Ipika꞉ bapi manuta꞉ ana꞉na꞉ hala꞉ ekima꞉ ipika꞉ kone la kilieke laa lepekeme.

Aposolo 3:2

Kutupa hali homeke mendieke pa꞉ta꞉ kone pota꞉ ota꞉ pomua꞉peke na yeke hali nate paeyao mea tia pua꞉tiki pea mo tembolo da pota꞉ kake bikita꞉ Seliapopiki Pota꞉ Kake koto pa꞉ta꞉ mo tembolo da tukiki pa꞉ta꞉ yopua꞉tiki pimiki wanda꞉hali pa꞉ta꞉ mani ma꞉nda꞉ kipee laa honke la꞉tiki pina꞉ yeke pua tu wia꞉tiki pimikime.

Aposolo 4:22

Mo hande mea tiaeyeke halita꞉ ipika꞉ anke hoeya u pitina꞉ yapeeke bapita꞉ 40 tupa꞉ amba꞉ paeyekeme.