Luku 8:27 - Panake Pi La: Ula: Buka pita: Kine Pieke Buka

²⁷ Yesuma꞉ mo kawaso mina꞉pa꞉lao mo ikali tea꞉na꞉ pulu haena꞉ta꞉ mo hoke temokomanu pitiki hali ma꞉nda꞉ mo daoni ma꞉nda꞉ pa꞉ta꞉ hao ipiki manda꞉hande pipikime. Ota꞉ amba꞉ hande hatiki a꞉paata꞉ ame make mo someta꞉ aka꞉ na yameke make da pa꞉ta꞉ na hao polu make ipikita꞉ mo homo hayeke haliweki u haemeke tikene da pa꞉ta꞉manu hao hayekeme.

Luku 8:27 ပူးပေါင်းရင်းမြစ်များ

Ma꞉tiu 4:24

Koto ipika꞉ pieke hau manuna꞉ta꞉ Sitia kenke paeyao pa꞉ta꞉ kende tupa꞉ wiekeme. Koto pi opuaata꞉ wanda꞉halima꞉ yeni ta꞉ta꞉ ta꞉ta꞉ hake tanda mu haemeke wanda꞉hali make hoke temokomanu pitu make lu keaaso hata꞉ lopo haemeke wanda꞉hali make kiki anke lupa wiki wanda꞉hali make ota꞉ paeyao ipiki pa꞉ta꞉ mea epemekeme.

Maka 5:15

Kutupa Yesu pa꞉ta꞉ a꞉paata꞉ amba꞉ hande weleke pa꞉ta꞉ hoke temokomanu pitieke hali koto pa꞉ta꞉ dau yama epeke hone wia pitiekeeki handemeke handaa paala꞉ma꞉ homemekeme.

Luku 8:26

Koto hau pea paeyeketa꞉ Yesu ipika꞉ disaipolo haliweki ame̱le̱ mo Kedasa kenke pa꞉ta꞉ kawasona꞉ pua opa꞉liaemekeme. Koto Kedasa kenketa꞉ mo Ka꞉lili kenke nanema꞉ hao mo ikali leke tunkula pua mone tea꞉na꞉ ula꞉me.

Luku 8:28

Ipikana꞉ma꞉ Yesu handaata꞉ wi tieke alo hata꞉ Yesuna꞉ anke pa꞉ta꞉ handa꞉niao kenkena꞉ tu lopaata꞉ wi anekema꞉ pa alo alota꞉ Yesuo. Neketa꞉ Koda꞉ Manda Hala꞉ Tiekena꞉ Eiyekee. Nakana꞉ma꞉ I̱ yaapo eki hau puluekema꞉ pitelepe. Nakana꞉ma꞉ I̱ pa꞉ta꞉ tanda na kia꞉pee laa honke leekeme.