Luku 8:24 - Panake Pi La: Ula: Buka pita: Kine Pieke Buka

²⁴ Kutupa ikana꞉ma꞉ Yesu a꞉pa tiao alota꞉ Aneke halio. Aneke halio. Nikita꞉ teke pa꞉ta꞉ do homoloma꞉ handa꞉e lemekeme. Koto lemeke Yesu tiaota꞉ mo hande honkopu wopu hake po tilipu pa꞉ta꞉ make mo la꞉ma꞉ la꞉ma꞉ piki honkopu hake ikali yaapo pa꞉ta꞉ta꞉ Paae leeke handaa ipilika꞉ honkopu paeyao upa lopaata꞉ la꞉ma꞉ na piki e̱ pondo na lepekeme.

Luku 8:24 ပူးပေါင်းရင်းမြစ်များ

Ma꞉tiu 14:30

ipikana꞉ma꞉ mo hande po tilipuma꞉ piekeeki handolo hata꞉ paala꞉ma꞉ homeekeme. Kutupa mo ikali pa꞉ta꞉ ipiki kini pea honki alo hata꞉ alota꞉ Tekehalio. I̱ tamba꞉ minie laa wi leekeme.

Ma꞉tiu 8:25

Mo disaipolo haliwekima꞉ Yesu teke pa꞉ta꞉ pua ipiki mea tiaaso alota꞉ Tekehalio. Nikita꞉ ikali naa homa꞉pekeeki teke pa꞉ta꞉ ta ya꞉la꞉ma꞉ niki pa꞉ta꞉la꞉e lemekeme.

Maka 4:39

Yesuma꞉ tiao mo po tilipu pa꞉ta꞉ make mo ikali pa꞉ta꞉ make pi alo hata꞉ alota꞉ Pae. Tunkulie leekeme. Po tilipu tunkula ikali la꞉ma꞉ la꞉ma꞉ na piki pa wiekeme.

Luku 4:35

Koto ekina꞉ Yesuma꞉ mo hoke temoko pa꞉ta꞉ tandapiki pi alo hata꞉ alota꞉ Neketa꞉ koto hali ota꞉ mina꞉pa꞉lao naka꞉ pi na leke a̱i̱ hosiki ya꞉la꞉na꞉ kone yopue leekeme. Koto pi leekeeki opua mo hoke temokoma꞉ mo wanda꞉halina꞉ leke taapuna꞉ mo hali mea wato lopao yopusiki hama nane opolu baeyekepate mo halina꞉ loke ma꞉nda꞉ na mea hoeyaeyekeme.

Luku 4:39

Kota꞉ ipiki pua mo wanda꞉ homa꞉pa wieke alena꞉ pa꞉ta꞉liki nane pua tiao hata꞉ mo hande titipu yeni hayeke ekima꞉ mo wanda꞉ mina꞉pa꞉laena꞉ tanda piki pi leekeme. Kutupiki pi leeke handaata꞉ mo yenima꞉ mo wanda꞉ mina꞉pa꞉lao tandela꞉pa yapeeke handaata꞉ koto kone mo wanda꞉ma꞉ tiao hata꞉ mo tapakena꞉ ne wamo peayekeme.

Luku 5:5

Koto leeke handaa Saimonoma꞉ ipika꞉ pi litolo hata꞉ alota꞉ Tekehalio. Do timba andusa꞉na꞉ niki paeyaoma꞉ e tieke pokoma꞉pate ta꞉peli ota꞉ homeke siki a꞉nda꞉ make na muma꞉pate nakana꞉ma꞉ aleke handaata꞉ mo tenkinu paeyao paa ikali pa꞉ta꞉ lopanoe leekeme.

Luku 8:25

Kutupa Yesuma꞉ ipika꞉ disaipolo haliweki pa꞉ta꞉ alota꞉ Ika꞉ hone tulaleme ekita꞉ hando ka꞉ta꞉pe laa lota꞉ piekeme. Koto leekepate iki paeyaoma꞉ penkilipa꞉tia pominolo make paala꞉ma꞉ wotu homolo hata꞉ ika꞉ ika꞉ kone alota꞉ Do halita꞉ epi ya꞉ka꞉ta꞉pe. Mo ikali pita꞉ po tilipu yaapoma꞉ ipika꞉ pi ota꞉ opitelepeme lemekeme.