Luku 8:13 - Panake Pi La: Ula: Buka pita: Kine Pieke Buka

¹³ Mo toopi panka꞉ panka꞉ pa꞉la꞉ kenkena꞉ lopa꞉la꞉ wae ale manuta꞉ wanda꞉hali ma꞉nda꞉ma꞉ Koda꞉na꞉ pi opua ta꞉na꞉ma꞉ homolo hata꞉ mina꞉lemepate ota꞉ wopu na mendiki hosiki haota꞉ mo la handa꞉la꞉ ekimanu ipula꞉ dina꞉ta꞉ paa lopo halememe.

Luku 8:13 ပူးပေါင်းရင်းမြစ်များ

Maka 6:20

Hetodima꞉ta꞉ Dionina꞉ tiki tiki hau pu hayekeeki make yako piki hali make handeeke handaata꞉ ipiki pa꞉ta꞉ paala꞉ma꞉ homolo hata꞉ panka mea hao hayekeme. Dionima꞉ wala꞉tiki pieke pimanu Hetodima꞉ opua weiya꞉tiki piekepate ta꞉na꞉ma꞉ homa opua꞉tiki piekeme.

Luku 8:12

Mo pota꞉na꞉ lopea꞉ wae ale manuta꞉ pi opiteleme wanda꞉hali ana꞉na꞉ halememe. Mo hoke Sadanima꞉ hande pi ika꞉ puki pa꞉ta꞉ yoka꞉ mea ikana꞉ma꞉ koto pi pa꞉ta꞉ hone na tulao tamba꞉ mina꞉la꞉eki na mina꞉yeke do hau pu hala꞉me.

Luku 8:14

Kutupa mo hande tekeke hake ale polu pa꞉ta꞉ lopeeke wae ale manuta꞉ pi opu haleme wanda꞉hali tupa꞉ ya꞉la꞉pate do kenkena꞉ haumanu pa꞉ta꞉ hone eleke eleke wopu wita꞉la꞉meeki make hamoko hau make do kenke lokena꞉ hone pa꞉la꞉ ekimanu make paeyaoma꞉ ika꞉ honemanu tumbatiki pita꞉leke handaa da꞉ka꞉polo hata꞉ ika꞉ kiliki na pota꞉lieke.

Dioni 15:2

Yaka paleke mandane ekima꞉ kiliki na a꞉eya꞉ka꞉na꞉ta꞉ kota꞉ koto paleketa꞉ yaka Apa꞉ma꞉ poka mea baalieke. Kutupa mo mandane kiliki a꞉eta꞉la꞉ paleke manuta꞉ wamo peaaso hata꞉ kiliki wopu a꞉ena꞉yeke yaka Apa꞉ma꞉ poka꞉ mepi pilieke.

Dioni 15:6

Hali epima꞉ I̱ pa꞉ta꞉ na haya꞉ka꞉na꞉ta꞉ ipikita꞉ mo hande hapua꞉la꞉ palekema꞉ handilieke. Kutupa mo hapua꞉la꞉ paleke manuta꞉ amu pea ti uleke pa꞉ta꞉ lopaeya꞉ka꞉na꞉ta꞉ tima꞉ telieke.

Dioni 5:35

Dionita꞉ hande ola꞉pake tupa꞉ ka꞉wa endialeke handaa pa̱a̱ wopu pu haya꞉me. Koto ekina꞉ ipika꞉ pa̱a̱ pa꞉la꞉eki pa꞉ta꞉ hosiki haluekema꞉ ikana꞉ma꞉ hone pia꞉me.

1 Kotindi 13:2

I̱ma꞉ta꞉ mo Koda꞉na꞉ pi la꞉ mea hala꞉la꞉ hauta꞉ wotu handolo hata꞉ pa mo Koda꞉ma꞉ a꞉mbao ula꞉ ekimanu make handa꞉ witolo hata꞉ mo hau paeyaona꞉ pea꞉peke ekimanu make handaata꞉ kutupa ya Koda꞉ pa꞉ta꞉ hone tulaaso ekima꞉ta꞉ mo potemanu kone pendilaapeke ya꞉la꞉ hali hata꞉ kone pa pukima꞉ homa꞉la꞉ hau na piki haowa꞉ka꞉na꞉ta꞉ kota꞉ I̱ta꞉ pa alema꞉ handeke hali halueke.

1 Kotindi 15:2

Hande Pi Seliapota꞉ mo I̱ma꞉ iki pa꞉ta꞉ waloa꞉ pi kone loa꞉me. Ikana꞉ma꞉ honkopu hao wopu miniki haemeka꞉na꞉ta꞉ kota꞉ koto pima꞉ iki homaapa꞉na꞉ pa꞉ta꞉la꞉ milieke. Kota꞉ a꞉nda꞉ dia꞉ya꞉ka꞉na꞉ta꞉ pi pa hameke opimika꞉ta꞉me.

Ka꞉leisia 3:1

Ka꞉leisia wanda꞉halio ikita꞉ you hoeta꞉la꞉ pate ya꞉la꞉me. Epima꞉ hoeyao pa꞉la꞉pe. Mo hande Yesu Ketiso ti manda homeeketa꞉ ikana꞉ma꞉ ika꞉ lekema꞉ handa honema꞉ kone pikisa leke muemena꞉yeke ya pima꞉ ota꞉ tikitiki la kua꞉me.

Ka꞉leisia 3:4

Holi Sipitidina꞉ welema꞉ pua꞉tiki pu haeme hau manuta꞉ pa ekie hone witemepe. Dia꞉me. Ota꞉ hau teke wala꞉la꞉me hone witolome.

Epesese 3:17

Kutupa make ikana꞉ma꞉ hone tulao hamina꞉ Ketisota꞉ ika꞉ puki pa꞉ta꞉ hao haena꞉yeke honke alome. Ti pikimanu kenkena꞉ lopa꞉niaaseme tupa꞉ ikana꞉ma꞉ make Koda꞉na꞉ pukima꞉ homa꞉la꞉eki pa꞉ta꞉ ika꞉ pikimanu lopa꞉niao haota꞉

Kolosi 1:23

Koto pa꞉la꞉pate ikana꞉ma꞉ta꞉ mo da̱o̱la pelia hala꞉ ekina꞉ hata꞉ honkopu hao kima꞉ na homeke pa putia pua꞉pa꞉peke. Kutupa ikita꞉ ika꞉ mo hande waloma꞉ Pi Seliapo opimi natena꞉ mimi hone ti laasemeeki pa꞉ta꞉ta꞉ aleta꞉ ma꞉nda꞉ma꞉ iki wato baena꞉ waleke na hala꞉pa꞉peke. I̱ Polota꞉ do Pi Seliapona꞉ pa hameke e pokaasa꞉ hali haowa꞉me. Do Pi Seliapota꞉ mo kenke honiki paeyao pa꞉ta꞉ haleme wanda꞉hali pa꞉ta꞉ wala꞉la꞉ pina꞉ loa꞉me.

Kolosi 2:7

Ika꞉ piki manuta꞉ ota꞉ onina꞉ toluma꞉ ipiki pa꞉ta꞉ pena꞉ lapa꞉peke. Ika꞉ haleme ekita꞉ ipiki manda a꞉eya꞉pa꞉peke. Kutupa mo iki walea꞉ tupa꞉ ika꞉ hone tulaaleme ekita꞉ ota꞉ honkopu wopu hapa꞉peke. Kutupa keiyae ala꞉ ekima꞉ iki pa꞉ta꞉ tumbina꞉ lapa꞉peke.

1 Desalonaika 3:5

Kutu pa꞉la꞉ ekina꞉ I̱ma꞉ Timodi tapaowa꞉me. Yuwia hapeke soka꞉la꞉ pieke handa ika꞉ hone tulaaleme ekimanu handoma꞉ tiaena꞉ Timodi tapaowa꞉me. Sadanima꞉ iki makeala꞉ ekina꞉ nika꞉ e pokoloma꞉ ekita꞉ pa alepe laa opuluekema꞉ loa꞉me.

1 Timodi 1:19

Kutupa naka꞉ hone tulaleeki wopu miniki hata꞉ naka꞉ hone tekemanu ha̱i̱ peaapa꞉na꞉ wopu handeteke hapeke. Mandane haliwekima꞉ta꞉ ika꞉ hone tekemanu pendulu baemeke handaata꞉ ika꞉ hone tulaaseme ekita꞉ mo hande sisima kawasota꞉ toopina꞉ tulaaso yambolo hoeta꞉la꞉ tupa꞉ ika꞉ hone tulaasemeeki make koto tupa꞉ kone ota꞉ hoeyaasememe.

Hibulu 10:39

Nikita꞉ mo nika꞉ da꞉ta꞉pekeeki alu pina꞉ yola꞉ pamba hapeke wanda꞉hali na haloma꞉me. Kotoeki na pikita꞉ nikita꞉ hone ti laaso hata꞉ da꞉ta꞉la꞉eki mea haloma꞉me.

Dia꞉mesi 2:26

Kutupa temoko na pila꞉ ekima꞉ta꞉ hali toko ula꞉ tupa꞉ hali epima꞉ ota꞉ hau na piki hone tulaala꞉ ekita꞉ homa꞉la꞉ hali tokoma꞉ handa꞉la꞉me.

2 Pida 2:20

Wanda꞉hali epi a꞉nda꞉ma꞉ niki pa꞉ta꞉la꞉la꞉ Tekehali Yesu Ketiso hone wita꞉la꞉eki pa꞉ta꞉ yama꞉ do kenkena꞉ honkopu hake hoke ekimanu paka꞉lao kone handeeki manuma꞉ da panda꞉ paa mina꞉ lemeka꞉na꞉ta꞉ dupiki wanda꞉halita꞉ amba꞉ hande kini pea haeme tupa꞉ dia꞉ya꞉la꞉pate ota꞉ ankulake hokeeki pa꞉ta꞉ halememe.

2 Pida 2:22

Ikina꞉ pa mo wanda꞉halima꞉ amba꞉ hande lo haemeke pi ma꞉nda꞉ta꞉ ota꞉ekie laa dupa wala꞉la꞉me. Kikama꞉ta꞉ ipika꞉ amba꞉ hande tolu wieke moku pa꞉ta꞉ta꞉ paa la꞉ka꞉la pu hala꞉me laa make paa pi ma꞉nda꞉ta꞉ Mo ikali peiyao ula꞉ ma꞉na꞉ma꞉ta꞉ mo kenke pa꞉ta꞉ paa peke lulu pu hala꞉me laa lo halememe.

1 Dioni 2:19

Koto wanda꞉halita꞉ ota꞉ nika꞉ homhomeke hone wia mombololoma꞉eki tukiki pa꞉ta꞉ epea꞉pate pa na apa꞉taememe. Koto ekina꞉ ikana꞉ma꞉ niki mina꞉pa꞉lalememe. Iki a꞉nda꞉ nika꞉ mombololoma꞉eki pa꞉ta꞉ apa꞉taemekena꞉ yoluta꞉ kota꞉ niki ame̱le̱ mandakena꞉ halo pimime. Pate ika꞉ pa mina꞉pa꞉laemeketa꞉ ota꞉ ma꞉nda꞉ hondo niki ame̱le̱ na apa꞉talemeeki peneme yaasememe.

Diudi 1:12

Ika꞉ yaala꞉ma꞉ na homeke kikana꞉ hau leke piteleme ekima꞉ta꞉ ikita꞉ mo hande ika꞉ epeke ne noluekema꞉ mombolo haleme ale pa꞉ta꞉ ha̱i̱piki alemanu taleke nono pa꞉la꞉me. Ikana꞉ma꞉ta꞉ iki homeke handeteke haluekema꞉ ika꞉ kone hone u halememe. Ikita꞉ mo hande lako na epeke alena꞉ pa poma꞉ tita꞉la꞉ koama꞉ handelememe. Ikita꞉ mo hande bapi paena꞉ kone kiliki na a꞉eta꞉la꞉ tima꞉ handaa ika꞉ teke tonka꞉na꞉ yoka꞉pa wia ota꞉ homeke nono piki ti manuma꞉ handelememe.