Luku 7:8 - Panake Pi La: Ula: Buka pita: Kine Pieke Buka

⁸ Pa ekipeke. I̱ta꞉ mandane ami you hali oto pa꞉ta꞉ halome. Kutaa I̱ oto pa꞉ta꞉ make mandane ami haliweki halememe. Kutupa I̱ma꞉ ma꞉nda꞉ pa꞉ta꞉ Pue loa꞉ka꞉na꞉ta꞉ pelieke. Ma꞉nda꞉ pa꞉ta꞉ make Epoe loa꞉ka꞉na꞉ta꞉ ipilieke. Kutupa yaka pa hameke e pokaasa꞉ some pa꞉ta꞉ Do e pokae loa꞉ka꞉na꞉ta꞉ kota꞉ ota꞉ pealieke leekeme.

Luku 7:8 ပူးပေါင်းရင်းမြစ်များ

Luku 7:7

Neke ya da pa꞉ta꞉ epoelena꞉ loluekema꞉ta꞉ I̱ta꞉ epeke hali dia꞉ya꞉la꞉ ekina꞉ na ipilipikie laa Neke hale alena꞉ a꞉pa꞉peke make ota꞉ ana꞉ na pa꞉la꞉me. Nakana꞉ma꞉ta꞉ ipika꞉ yeni pa paena꞉e pi homeke leka꞉na꞉ta꞉ kota꞉ ya e pokaasa꞉ someta꞉ tialieke.

Luku 7:9

Koto leekeeki Yesuma꞉ opuolota꞉ penkilipa꞉tia pominolo hata꞉ mo hande ipiki telimiki wanda꞉hali pa꞉ta꞉ la꞉ka꞉la꞉ moneao handolo hata꞉ alota꞉ I̱ma꞉ iki pa꞉ta꞉ ota꞉ pi alome. Dupiki hone tulaake some homeke ma꞉nda꞉ a꞉nda꞉ I̱ na handolome. Mo Isulai tapake tukiki pa꞉ta꞉ kone ota꞉ ma꞉nda꞉ a꞉nda꞉ na handa꞉ ulume.

Aposolo 23:17

Kutupa Poloma꞉ opisa hali homeke epena꞉ wi la꞉ mea alota꞉ Do wekihalita꞉ mo a꞉nda꞉ tumiki hali pa꞉ta꞉ la halena꞉yeke hatuku pua꞉peke leekeme.

Aposolo 23:23

Koto laaka꞉na꞉ a꞉nda꞉ tumiki halima꞉ opisa hali yaapo epena꞉ wi la꞉ mea alota꞉ Ame timba 9 okoloko tupa꞉ mo ami haliweki 200 make hosi ma꞉na꞉ hokina꞉ pitu haleme ami haliweki 70 make dolo miniki haliweki 200 make Sesatia da nane pena꞉yeke ipilikana꞉ma꞉ tikitiki yao haena꞉ lapa꞉peke.

Aposolo 23:26

Kolodiusi Laisiasima꞉ nika꞉ kapomani you hali Pilikisi neke pa꞉ta꞉ keiyae alome.

Aposolo 23:31

Koto ekina꞉ mo ami haliwekima꞉ koto ika꞉ you halina꞉ mana꞉ pi opuata꞉ Polo meaata꞉ timba kone mo A꞉ndipatisi da pa꞉ta꞉ hatuku pemekeme.

Aposolo 24:23

Koto laata꞉ mo Polo handeteke hayeke ami opisa pa꞉ta꞉ alota꞉ Polo handeteke hata꞉ta꞉ ota꞉ dipula pila꞉ hali tupa꞉ na handeteke hake ipika꞉ yankeke titima꞉ ota꞉ mea꞉peke alemanu mea epemeka꞉na꞉ta꞉ sa꞉sa꞉ na pea꞉peke laa leekeme.

Aposolo 25:26

Kutu pua꞉pate pa do halima꞉ pa꞉la꞉ ekina꞉ Sisa pa꞉ta꞉ I̱ma꞉ teke pi ma꞉nda꞉ wape pea tapaaluekema꞉ I̱ hone na witolome. Koto ekina꞉ Kini hali Akatipao. Neke pa꞉ta꞉ make do haliweki pa꞉ta꞉ make iki paeyao pa꞉ta꞉ do hali koto epena꞉ alo handa꞉e. Ipikana꞉ma꞉ lelie pi opuata꞉ wetepena꞉ I̱ma꞉ wape pulu polo pi hone ulueke.

Kolosi 3:22

Pa hameke e pokaaseme haliwekio. Ika꞉ piteleme hau paeyao pa꞉ta꞉ta꞉ ika꞉ do kenkena꞉ handeteke haleme haliwekina꞉ pi opua pia꞉pa꞉peke. Mo haliwekina꞉ leke popelekena꞉ hata꞉ iki ta꞉na꞉ma꞉ homaaluekema꞉ homeke na pikita꞉ ota꞉ hau pitolo hata꞉ pia꞉pa꞉peke. Pa ekipeke mo ika꞉ Tekehali pa꞉ta꞉ paala꞉ma꞉ homeleme ekina꞉ loa꞉me.