Luku 7:41 - Panake Pi La: Ula: Buka pita: Kine Pieke Buka

⁴¹ Koto leeke Yesuma꞉ dupa leekeme. Nate ma꞉nda꞉na꞉ toopi tondiki halo hayeke hali ma꞉nda꞉ pa꞉ta꞉ta꞉ hali yaapoma꞉ toopi tondiki mipikime. Hali ma꞉nda꞉na꞉ pa wieke tondikita꞉ 100 kina. Kutupa hali ma꞉nda꞉na꞉ ekita꞉ 10 kina pa wiekeme.

Luku 7:41 ပူးပေါင်းရင်းမြစ်များ

Ma꞉tiu 18:28

Kutu pieke mo hande somema꞉ mo ipika꞉ Kini hali mina꞉pa꞉lao hama peekeme. Kutu pitolo hata꞉ta꞉ ipika꞉ 100 kina tondiki miono leeke haleeke mo Kini halina꞉ e mandake pokaepeke hali ma꞉nda꞉ manda꞉hande piekeme. Ipikana꞉ma꞉ koto e mandake pokaepeke somena꞉ make da꞉ka꞉pa꞉ mina ipika꞉ pendoko teke yoka꞉ minolo hata꞉ alota꞉ Mo ya neke pa꞉ta꞉ kolo tondikita꞉ ma꞉nda꞉ pa na mina꞉pa꞉lake ota꞉ paeyao kima leekeme.

Ma꞉tiu 6:12

Mandane wanda꞉halima꞉ niki pa꞉ta꞉ hoke hau pimi ekimanu nikana꞉ma꞉ pa paeyaaso hamono nika꞉ hoke hau puma꞉ ekimanu make nakana꞉ma꞉ koto tupa꞉ pa paeyawapeke.

Maka 6:37

Koto lemekepate Yesuma꞉ iki pa꞉ta꞉ alota꞉ Ikana꞉ma꞉ nemanu mandaneeki mea hala꞉pa꞉peke leekeme. Ikana꞉ma꞉ ipiki pa꞉ta꞉ alota꞉ Nikana꞉ma꞉ 200 kina mea pua palaowa hambaata꞉ iki nena꞉yeke halomono alepe lemekeme.

Luku 11:4

Mandane wanda꞉halima꞉ niki pa꞉ta꞉ hoke hau pimieki nikana꞉ma꞉ pa paeyaasoma꞉ ekina꞉ nika꞉ hoke hau puma꞉eki make nakana꞉ma꞉ koto tupa꞉ pa paeyawapeke. Ka꞉nda꞉ piki la handa꞉la꞉eki pa꞉ta꞉ niki na hatuku a꞉pa꞉peke laa lapa꞉peke leekeme.

Luku 12:48

Pate e pokaasa꞉ hali ma꞉nda꞉ma꞉ta꞉ ipika꞉ you halima꞉ hone pa꞉la꞉eki hone na witolo kone tanda napekeeki pia꞉ka꞉na꞉ta꞉ kota꞉ ipikita꞉ ae̱ya̱piki dopitama꞉ hosiki podela꞉ milieke. Hali ma꞉nda꞉ta꞉ mandane alemanu handeteke haena꞉ yeke anekema꞉ halea꞉ka꞉na꞉ta꞉ kota꞉ mo hali pa꞉ta꞉ yama꞉ta꞉ anekema꞉ muluekema꞉ hone wilieke. Koto tupa꞉ kone hali ma꞉nda꞉ pa꞉ta꞉ ala꞉ta꞉ ma꞉nda꞉ wopu handeteke haena꞉ yeke halea꞉ka꞉na꞉ta꞉ kota꞉ mo hali pa꞉ta꞉ yama꞉ta꞉ ota꞉ ankulao anekema꞉ muluekema꞉ hone wilieke leekeme.

Luku 13:4

Kutupa make mo hande Sailoa꞉me da pa꞉ta꞉ haliao a꞉emeke da hokulu tieke lombolo hata꞉ lu sesape pieke 18 wanda꞉hali pa꞉ta꞉ta꞉ eki hone witelemepe. Mo hande dama꞉ lieke ekina꞉ta꞉ ika꞉ hoke hauta꞉ mo Diutuseleme haleme wanda꞉hali paeyaona꞉ pimiki hoke hau ota꞉ lombei peake tupa꞉ pimikieki peneme yaasa꞉pe.

Luku 7:40

Koto ekina꞉ Yesuma꞉ alota꞉ Saimonoo. Neke pa꞉ta꞉ I̱ma꞉ pi siki ma꞉nda꞉ lonoe leekeme. Mo halima꞉ Yesuna꞉ pi litolo hata꞉ alota꞉ Aowe disao. La kie leekeme.

Luku 7:47

I̱ma꞉ neke pa꞉ta꞉ alome. Ipika꞉ pukima꞉ homa꞉la꞉eki tieke I̱ pa꞉ta꞉ peneme yaala꞉ ekima꞉ta꞉ ipika꞉ wopu pa꞉la꞉ hoke hauta꞉ do paeta꞉la꞉ handa꞉e laa wala꞉la꞉me. Koto pa꞉la꞉pate ma꞉nda꞉ma꞉ ipika꞉ hoke hau hosikale siki kone Koda꞉ma꞉ paeyaowaya꞉ka꞉na꞉ta꞉ kota꞉ ipikana꞉ma꞉ Koda꞉ pa꞉ta꞉ta꞉ puki hosikale siki halieke leekeme.

Loma꞉ 3:23

Wanda꞉hali paeya ta꞉paoma꞉ hoke hau pea hata꞉ta꞉ hande da꞉tao hala꞉ Koda꞉ teke pa꞉ta꞉ na haloma꞉pate

Loma꞉ 5:20

Hande Lo Pi manuta꞉ wanda꞉halima꞉ hao hoeyaaseme ekimanu daeyaena꞉yeke Koda꞉ma꞉ wetepena꞉ Mosesi pa꞉ta꞉ la haleekeme. Kutu piekepate hoke haumanu daeya꞉tia peekepate Koda꞉ma꞉ pa hameke a꞉ta꞉ma꞉ homa꞉la꞉eki tiekema꞉ daeya꞉tia pulu hata꞉ lu ankulala꞉me.