Luku 7:40 - Panake Pi La: Ula: Buka pita: Kine Pieke Buka

⁴⁰ Koto ekina꞉ Yesuma꞉ alota꞉ Saimonoo. Neke pa꞉ta꞉ I̱ma꞉ pi siki ma꞉nda꞉ lonoe leekeme. Mo halima꞉ Yesuna꞉ pi litolo hata꞉ alota꞉ Aowe disao. La kie leekeme.

Luku 7:40 ပူးပေါင်းရင်းမြစ်များ

Ma꞉tiu 26:49

Amba꞉ koto laa wieke tupa꞉ ipikana꞉ma꞉ tikitiki a̱i̱ koto kone Yesu teke pa꞉ta꞉ opolo ipulu alota꞉ Wala꞉la꞉ halio. Neketa꞉ epeke timba nane laata꞉ ipiki hopula꞉ mea nunu piekeme.

Ma꞉tiu 7:22

Mo hande wanda꞉hali paeyao momba꞉lalo pa꞉la꞉ Koda꞉na꞉ nate opolo epea꞉ka꞉na꞉ta꞉ wanda꞉hali wopuma꞉ dupiki pimanu I̱ pa꞉ta꞉ lelimikie. Tekehalio. Tekehalio. Naka꞉ biki alo hata꞉ Koda꞉na꞉ pimanu walao haloma꞉me. O Naka꞉ biki loma꞉ ekima꞉ hoke temokomanu wopu tolu lu make ta꞉ta꞉ piki na handeke haumanu tonka꞉na꞉ wopu puma꞉me lelimikie.

Luku 18:18

Mo Diu wanda꞉halina꞉ you hali homekema꞉ Yesu pa꞉ta꞉ lota꞉ pitolo hata꞉ alota꞉ Epeke Disao. I̱ma꞉ deto hala꞉eki muluekema꞉ta꞉ eki hau peonope laa lota꞉ piekeme.

Luku 5:22

Kutupa mo haliwekima꞉ hone wimiki ekita꞉ Yesuma꞉ amba꞉ hone wia iki pa꞉ta꞉ alota꞉ Ekipeke ikana꞉ma꞉ ika꞉ hone pa꞉ta꞉ do honemanu witelemepe laa lota꞉ pitolo alota꞉

Luku 5:31

Koto ekina꞉ta꞉ Yesuma꞉ ika꞉ pi hombo peaaso hata꞉ alota꞉ Mo wanda꞉hali ma꞉nda꞉ epima꞉ yeni na homemeka꞉na꞉ta꞉ kota꞉ dokeda haliweki pa꞉ta꞉ na pu halemepate ota꞉ yeni homo haleme wanda꞉hali homeke dokeda hali pa꞉ta꞉ pu halememe.

Luku 6:8

Kutu pimikipate Yesuma꞉ta꞉ mo haliwekina꞉ hone wimikieki amba꞉ handa꞉ wiaata꞉ mo kiki hapueke endiki hali pa꞉ta꞉ alota꞉ Tiao. Do wanda꞉halina꞉ leke popeleke nane epoe leekeme. Mo halita꞉ tiao mo wanda꞉halina꞉ leke popeleke nane tiao halo yapeekeme.

Luku 7:39

Mo hande Pa꞉tisi halima꞉ kotoeki handaata꞉ ipika꞉ honema꞉ kone alota꞉ Do halita꞉ Koda꞉na꞉ potopede hali ya꞉ka꞉na꞉ yoluta꞉ ipikana꞉ma꞉ ipikita꞉ do wanda꞉ma꞉ wataasa꞉me laa peneme handolo pia꞉me. Ipikana꞉ma꞉ koto wanda꞉na꞉ pa꞉la꞉ hoke hauta꞉ hone ulu pia꞉me laa hone wiekeme.

Luku 7:41

Koto leeke Yesuma꞉ dupa leekeme. Nate ma꞉nda꞉na꞉ toopi tondiki halo hayeke hali ma꞉nda꞉ pa꞉ta꞉ta꞉ hali yaapoma꞉ toopi tondiki mipikime. Hali ma꞉nda꞉na꞉ pa wieke tondikita꞉ 100 kina. Kutupa hali ma꞉nda꞉na꞉ ekita꞉ 10 kina pa wiekeme.

Dioni 13:13

Ikana꞉ma꞉ I̱ biki yaapo alo hata꞉ Disa make Tekehali make aleme ekita꞉ ana꞉piki pi alememe. I̱ta꞉ koto polome.

Dioni 16:19

Yesuma꞉ mo haliwekima꞉ ipiki pa꞉ta꞉ lota꞉ pulu pimikieki hone wia iki pa꞉ta꞉ alota꞉ Hosiki hao ikana꞉ma꞉ I̱ paa na handaata꞉ pa hosiki hao hao pea I̱ paa handilimikie loa꞉ ekina꞉ta꞉ Ika꞉ kone ane la꞉ mone la꞉ pitelemepe.

Dioni 16:30

ameta꞉ nikana꞉ma꞉ handoloma꞉me laa hali ma꞉nda꞉ma꞉ neke pa꞉ta꞉ amba꞉la lota꞉ pina꞉yeke na handeteke haleme. Nakana꞉ma꞉ hau paeyao handeleme. Koto pa꞉la꞉ ekina꞉ neketa꞉ Koda꞉ yaapo hao epele ekita꞉ opoloma꞉me.

Dioni 3:2

nate ma꞉nda꞉na꞉ timba Yesu pa꞉ta꞉ pua alota꞉ Disao. Neketa꞉ Koda꞉ma꞉ tapaaleke walele hali hale ekita꞉ handoloma꞉me. Kutupa nakana꞉ma꞉ wele pitele tupa꞉ Koda꞉ yaapo na hake halima꞉ wele pea꞉peke na ya꞉la꞉me la leekeme.