Luku 7:34 - Panake Pi La: Ula: Buka pita: Kine Pieke Buka

³⁴ Koto lemepate mo Wanda꞉halina꞉ Eiyeke ipiki a꞉paata꞉ ne make ikali a꞉pa na꞉tiki pieke handaata꞉ ikana꞉ma꞉ alota꞉ Do hali handa꞉pa꞉ ikali ne wopu no hake some ya꞉ka꞉ta꞉me. Kutupa ipikita꞉ mo dakisi mani mu haleme haliweki make mo wanda꞉halima꞉ ta꞉na꞉ma꞉ na homeleme tapekena꞉ yankeke hala꞉me laa lememe

Luku 7:34 ပူးပေါင်းရင်းမြစ်များ

Ma꞉tiu 11:19

Pate Wanda꞉halina꞉ Eiyeke a꞉pa ikali ne yaapo no hayeke ekita꞉ koto wanda꞉halima꞉ kone handolo alota꞉ Do hali handa꞉pe. Ipikita꞉ ikali ne wopu no hake some ya꞉ka꞉ta꞉me. Kutupa ipikita꞉ mo hande dakisi mu make hoke hau pu haleme haliweki ame̱le̱ apa꞉taala꞉me lemekeme. Kota꞉ mo hone wiki hauma꞉ta꞉ ipika꞉ pu hala꞉eki manuma꞉ ipika꞉ honeta꞉ ota꞉ epeke hone o hoke hone laa pa peneme yaasa꞉me.

Ma꞉tiu 5:46

Ikana꞉ma꞉ mo iki pa꞉ta꞉ pukima꞉ homeleme wanda꞉hali homeke pa꞉ta꞉ a꞉nda꞉ pukima꞉ homemeka꞉na꞉ta꞉ pa ekipeke Koda꞉ma꞉ iki pa꞉ta꞉ epeke yenki kina꞉pe. Mo hande dakisi mu hala꞉ haliwekima꞉ kone kutu piki hau pu halememe.

Ma꞉tiu 9:11

Kutu pimikieki mandane Pa꞉tisi haliwekima꞉ handolo hata꞉ ipika꞉ disaipolo haliweki pa꞉ta꞉ alota꞉ Ekipeke mo ika꞉ disama꞉ mo dakisi mani mu haleme haliweki mo hoke haliweki ame̱le̱ ne no pilimipe lemekeme.

Luku 11:37

Yesuma꞉ pimanu lo paeyeketa꞉ Pa꞉tisi hali ma꞉nda꞉ma꞉ ne nolo pana꞉e leeke handa ipika꞉ da pa꞉ta꞉ honda꞉ pamba pua ne nolueke alo pitiekeme.

Luku 14:1

Mo hande hoto pila꞉ nate ma꞉nda꞉na꞉ Yesuta꞉ Pa꞉tisi haliwekina꞉ you hali ma꞉nda꞉na꞉ da pa꞉ta꞉ ne noluekema꞉ peekeme. Kutupa koto pa꞉ta꞉ haemeke wanda꞉halima꞉ta꞉ Yesuta꞉ wopu handaake wimikime.

Luku 15:2

hande Pa꞉tisi haliwekima꞉ make mo hande Lo Pi walo haemeke haliwekima꞉ make kotoeki handaata꞉ pi la la pitolo hata꞉ ika꞉ kone alota꞉ Do halima꞉ta꞉ mo hoke haliweki handa꞉ mea꞉tiki pea ne kone homeke pa꞉ta꞉ netiki pitelememe laa lemeke handa

Luku 19:7

Wanda꞉hali paeyaoma꞉ Kutu piekeeki hando haota꞉ hambilikima꞉ hambilikima꞉ pitolo alota꞉ Do halita꞉ mo hande hoke hau pa꞉la꞉ halina꞉ da pa꞉ta꞉ kimisu pula꞉me lemekeme.

Luku 5:29

Kutupa Lipaema꞉ta꞉ ipika꞉ da pa꞉ta꞉ Yesuna꞉ aneke ne ma꞉nda꞉ pambaeyekeme. Lipaema꞉ wi leeke epemeke haliweki ame̱le̱ mo dakisi mani mu haemeke haliweki aneke hapu make pa mandane haliweki make ipika꞉ da pa꞉ta꞉ pitimikime.

Luku 7:33

Mo hande bapitaisi peao hayeke hali Dionima꞉ hoto paeyaota꞉ hoto ma꞉nda꞉na꞉ nee pi wia꞉tiki piekeeki make waini ikali na na꞉tiki pieke ekina꞉ ikana꞉ma꞉ alota꞉ Ipikita꞉ hoke temoko pila꞉ halie lememe.

Luku 7:35

laata꞉ Koda꞉na꞉ epeke hone wita꞉la꞉eki tolu haleme wanda꞉hali ika꞉ hauma꞉ kone mo hande hone wita꞉la꞉ ekita꞉ ota꞉ epekeekie laa peneme yao halimikie leekeme.

Luku 7:36

Kutupa nate ma꞉nda꞉na꞉ mo Pa꞉tisi hali ma꞉nda꞉ma꞉ ipika꞉ da pa꞉ta꞉ Yesu ne nolo epena꞉ yeke wi leeke handaa Yesuta꞉ ne nolueke alo pua pitiekeme.

Dioni 12:2

Koto pa꞉ta꞉ Yesuna꞉ ne pambaemekeme. La꞉satesita꞉ teipolona꞉ Yesu yaapo mandake pa꞉ta꞉ pitina꞉ Madama꞉ hande ne pane pea hale hale piekeme.

Dioni 2:2

Yesu ipika꞉ disaipolo haliweki ame̱le̱ tonka꞉na꞉ mo wanda꞉ hapieke alena꞉ ipupe laa wi leekeme.