Luku 7:29 - Panake Pi La: Ula: Buka pita: Kine Pieke Buka

²⁹ Wanda꞉halima꞉ koto pi opuaata꞉ iki make mo dakisi mani mu haemeke haliweki ame̱le̱ paeyaota꞉ Dionima꞉ amba꞉ iki bapitaisi peaena꞉ laata꞉ ame dota꞉ Yesuna꞉ pi opitolo hata꞉ta꞉ Koda꞉na꞉ hau manuta꞉ ota꞉ tikitiki ya꞉la꞉me lemekeme.

Luku 7:29 ပူးပေါင်းရင်းမြစ်များ

Ma꞉tiu 5:46

Ikana꞉ma꞉ mo iki pa꞉ta꞉ pukima꞉ homeleme wanda꞉hali homeke pa꞉ta꞉ a꞉nda꞉ pukima꞉ homemeka꞉na꞉ta꞉ pa ekipeke Koda꞉ma꞉ iki pa꞉ta꞉ epeke yenki kina꞉pe. Mo hande dakisi mu hala꞉ haliwekima꞉ kone kutu piki hau pu halememe.

Luku 20:6

Pate nikana꞉ma꞉ kenke wanda꞉halina꞉ ekie loma꞉ka꞉na꞉ta꞉ do wanda꞉hali wopuma꞉ niki toopima꞉ lilimikie. Pa ekipeke iki paeyaoma꞉ Dionita꞉ Koda꞉na꞉ pi la꞉ mea halo hayeke halie lo halememe.

Luku 3:12

Koto natena꞉ta꞉ mo mandane dakisi mani mu haemeke haliwekima꞉ Dionima꞉ iki bapitaisi peaena꞉ ipiki a꞉pa lota꞉ pitolo alota꞉ Wala꞉la꞉ halio. Nikana꞉ma꞉ta꞉ eki hau piomonope laa lota꞉ pimikime.

Luku 7:28

Yesuma꞉ iki pa꞉ta꞉ alota꞉ Opua꞉pe. Dioni ipikita꞉ amba꞉ haemeke haliweki paeyao lu ankulala꞉pate Koda꞉na꞉ Kilu Tombuao Hala꞉ alena꞉ oto pa꞉ta꞉ hala꞉ hali ipikita꞉ Dioni lu ankulao hala꞉me leekeme.

Luku 7:35

laata꞉ Koda꞉na꞉ epeke hone wita꞉la꞉eki tolu haleme wanda꞉hali ika꞉ hauma꞉ kone mo hande hone wita꞉la꞉ ekita꞉ ota꞉ epekeekie laa peneme yao halimikie leekeme.

Aposolo 18:25

Hali ma꞉nda꞉ma꞉ ipiki pa꞉ta꞉ Tekehalina꞉ hau amba꞉ waleeke handa ipikana꞉ma꞉ wele pieke hali hata꞉ Yesuma꞉ pieke ekimanu tikitiki yao walo hayekepate Dionima꞉ bapitaisi peaeyekeeki pa꞉ta꞉ homeke hone wiekeme.

Aposolo 19:3

Kutupa ipikana꞉ma꞉ alota꞉ Epina꞉ bapitaisi hau pimipe leekeme. Ikana꞉ma꞉ alota꞉ Dionima꞉ bapitaisi peaeyeke hauna꞉ puma꞉me lemekeme.

Loma꞉ 10:3

Wanda꞉hali Koda꞉ma꞉ ipiki yaapo tikitiki yao haena꞉ la꞉la꞉ pota꞉ ikana꞉ma꞉ na handa꞉ wiki ikana꞉ma꞉ ika꞉ kone Koda꞉ yaapo tikitiki haluekema꞉ pimikime. Kutu pimiki ekina꞉ Koda꞉ma꞉ wanda꞉hali ipiki yaapo tikitiki yao haena꞉ la꞉la꞉ pota꞉ta꞉ kiao haemekeme.

Peneme Yaeyekeeki 15:3

mo Koda꞉na꞉ e pokeeke hali Mosesina꞉ emeli make mo Sipisipi Ma꞉na꞉ Ikikina꞉ emeli make lememe. Ikana꞉ma꞉ alota꞉ Aneke Tekehali Koda꞉o. Naka꞉ pita꞉la꞉eki manuta꞉ ta꞉ta꞉ ma꞉nda꞉ peao make yole make pa꞉la꞉me. Tapake paeyaona꞉ kinio. Naka꞉ pitele haumanu paeyaota꞉ tikitiki pea ota꞉ hau manue.

Peneme Yaeyekeeki 16:5

Kutupa mo ikalimanu handeteke haya꞉ enisoloma꞉ alota꞉ Naka꞉ panisi pealuekema꞉ ma̱leke liaasa꞉eki manuta꞉ ota꞉ ana꞉na꞉ kone wa꞉peleme. O ota꞉ yako piki someo. Neke ame hale make amba꞉ hae makee.