Luku 7:27 - Panake Pi La: Ula: Buka pita: Kine Pieke Buka

²⁷ Koto ekita꞉ mo hande Baibolo bukama꞉ Dionina꞉ piekeeki dupa lao ula꞉me. Koda꞉ma꞉ alota꞉ Neketa꞉ a̱i̱ na epeke halena꞉ta꞉ amba꞉ titina꞉ I̱ma꞉ ya pimanu mea epena꞉yeke hali ma꞉nda꞉ tapalueke. Titina꞉ta꞉ ipikana꞉ma꞉ naka꞉ pota꞉ pilawalieke laa la꞉la꞉me laata꞉

Luku 7:27 ပူးပေါင်းရင်းမြစ်များ

Ma꞉tiu 11:10

Koto some Dionita꞉ mo hande Baibolona꞉ wape pa꞉la꞉ pina꞉ Koda꞉ma꞉ alota꞉ Ya pi lawalo pula꞉ hali amba꞉la mo naka꞉ pota꞉ tiki tiki yawaena꞉e tapaalueke leeke pita꞉ kota꞉ ipikina꞉ leekeme.

Maka 1:2

Do pita꞉ hande potopede Aisayama꞉ wape pea ula꞉ ekita꞉ dupa. Koda꞉ma꞉ alota꞉ Opua꞉pe. Ya pi mea puaasa꞉ hali amba꞉la tapaalueke. Naka꞉ pota꞉ epeaena꞉yeke tapaalueke leekeme.

Luku 1:76

Koto ekina꞉ ya wekio. Neketa꞉ Ota꞉ Manda Hala꞉ Koda꞉ ipika꞉ pi la꞉mea halo hala꞉ hali haleme laa lelimikie. Kutupa Tekehali wetepena꞉ epena꞉ nakana꞉ma꞉ ipika꞉ pota꞉ tikitiki yawaluekema꞉ amba꞉la pelipikie.

Luku 7:26

Ikana꞉ma꞉ I̱ la kipa꞉e. Aleke handuluekema꞉ pemepe. Potopede hali handuluekema꞉ pemepe. Aowe. Ota꞉e. Kutu pimipate ipikita꞉ mo potopede haliweki paeyao ota꞉ ankulake hali handememe.

Luku 7:28

Yesuma꞉ iki pa꞉ta꞉ alota꞉ Opua꞉pe. Dioni ipikita꞉ amba꞉ haemeke haliweki paeyao lu ankulala꞉pate Koda꞉na꞉ Kilu Tombuao Hala꞉ alena꞉ oto pa꞉ta꞉ hala꞉ hali ipikita꞉ Dioni lu ankulao hala꞉me leekeme.

Dioni 1:23

Dionima꞉ ika꞉ pi hombo peaaso alota꞉ I̱ halo ekita꞉ dupae. Hali homekema꞉ mo hapu hala꞉ alena꞉ hata꞉ wi ala꞉ ekita꞉ dupae. Tekehali epena꞉yeke pota꞉ tikitikina꞉ pilaapa꞉peke. Koto leeke pita꞉ mo potopede hali Aisayama꞉ wape pieke pi kone leekeme.