Luku 7:13 - Panake Pi La: Ula: Buka pita: Kine Pieke Buka

¹³ Tekehalima꞉ mo hande kineke wanda꞉ handaata꞉ ipika꞉ pukima꞉ a꞉ta꞉ tiekema꞉ homolo hata꞉ ipikana꞉ma꞉ mo wanda꞉ pa꞉ta꞉ alota꞉ E na lapee leekeme.

Luku 7:13 ပူးပေါင်းရင်းမြစ်များ

Maka 8:2

Do wanda꞉hali pa꞉ta꞉ ya pukima꞉ e̱ ala꞉me leekeme. Hoto tepo I̱ ame̱le̱ haememe. Kutupa ameta꞉ napeke ne dia꞉me.

Luku 10:1

Do hande haumanu peaata꞉ Tekehalima꞉ 72 haliweki mea yaapo yaapo pu mo ipiki polo pieke da pa꞉ta꞉manu tapa tapa piekeme.

Luku 11:1

Nate ma꞉nda꞉na꞉ Yesuta꞉ ala꞉ta꞉ ma꞉nda꞉ pa꞉ta꞉ pua yeni pu pitiekeme. Yeni pu paeyaeyeketa꞉ ipika꞉ disaipolo hali ma꞉nda꞉ma꞉ ipiki pa꞉ta꞉ alota꞉ Tekehalio amba꞉ hande Dionima꞉ ipika꞉ disaipolo haliweki yeni pina꞉yeke waleeke tupa꞉ niki pa꞉ta꞉ make koto tupa꞉ wala꞉e leekeme.

Luku 11:39

Kutu piekeeki handaata꞉ mo Teke Halima꞉ ipiki pa꞉ta꞉ alota꞉ Ameta꞉ kota꞉ iki Pa꞉tisi haliwekima꞉ta꞉ ika꞉ kapo make kawaso manuta꞉ manda homeke tandepo halemepate tukiki pa꞉ta꞉ta꞉ pasa꞉tei pita꞉la꞉ hau make hoke hoke hau paeyaoma꞉ iki tumba halememe.

Luku 12:42

Koto leeke mo Tekehalima꞉ Pidana꞉ pi hombo peaaso alota꞉ Kima꞉ na homeke make ota꞉ epeke hone wotu u lenkene pu wia e poko halia꞉ halita꞉ epi ya꞉ka꞉ta꞉pe. Koto halita꞉ mo da teke halima꞉ta꞉ ipika꞉ da handeteke haena꞉yeke make mo ipika꞉ mandane e pokao haleme wanda꞉hali pa꞉ta꞉ ika꞉ ne no haleme di mia꞉ka꞉na꞉ta꞉ ika꞉ ne nena꞉ teli teli peao halieke leekeme.

Luku 13:15

Mo Tekehalima꞉ ipika꞉ pi hombo peaaso alota꞉ Makeaasa꞉ hau pu haleme haliwekio. Iki ma꞉nda꞉ hondoma꞉ mo Hoto Pila꞉ Natena꞉ ika꞉ kao o donki ma꞉na꞉ make mo ho̱linda꞉ pa꞉ta꞉ mea hama lomba꞉ ta꞉pao ikali na꞉na꞉yeke mea pelimikie.

Luku 17:5

Aposolo haliwekima꞉ mo Tekehali pa꞉ta꞉ alota꞉ Nika꞉ hone tulaaloma꞉ ekita꞉ nakana꞉ma꞉ mea daeyawae lemekeme.

Luku 17:6

Tekehalima꞉ ika꞉ pi hombo peaaso alota꞉ Ika꞉ hone tulaalemeeki a꞉nda꞉ mo (ki̱mi̱le̱ma꞉ handeke ale) masidadi kiliki sikima꞉ handena꞉ yeke ikana꞉ma꞉ daena꞉ lemeka꞉na꞉ta꞉ kota꞉ do kiliki nala꞉ ti hombeleke biki molobeti pa꞉ta꞉ alota꞉ Naka꞉ kone naka꞉ piki yokaata꞉ oni dawalana꞉ pua noka꞉pee lemeka꞉na꞉ta꞉ ika꞉ pi ota꞉ opua pilieke leekeme.

Luku 18:6

Kutupa Tekehalima꞉ paa pi alo alota꞉ Hande hoke pi yokaalu peayeke halima꞉ leeke ekita꞉ hone wia꞉pa꞉peke.

Luku 19:8

Kutu pimikipate Sa꞉kiasi tiao hata꞉ Tekehali pa꞉ta꞉ alota꞉ Tekehalio. Opie. I̱ma꞉ yaka ala꞉ta꞉ ala꞉ta꞉ tukikina꞉ telipa mandane ekita꞉ mo natehali wanda꞉hali pa꞉ta꞉ halueke. Kutupa I̱ma꞉ wanda꞉hali a꞉nda꞉ makeao pake a꞉nda꞉ noa꞉ka꞉na꞉ta꞉ kota꞉ I̱ma꞉ta꞉ hoto tonkopuna꞉ paka꞉lao paa hala꞉tiki pulueke leekeme.

Luku 22:61

Koto kone mo Tekehalima꞉ la꞉ka꞉la꞉ moneao Pida handake wiekeme. Kutu pieke Pidama꞉ta꞉ hande Tekehalina꞉ pimanu dupa lea꞉me laa niminaeyekeme. Mo koka꞉la꞉ma꞉ e̱ a̱i̱ na leke haena꞉ta꞉ nakana꞉ma꞉ titina꞉ amba꞉la hoto tepo ya biki a꞉mbao lo hoeyaasota꞉ I̱ na handolome laa lelipikie leekeeki hone wiekeme.

Luku 24:3

honda꞉ pambemekepate mo Tekehali Yesuna꞉ loketa꞉ na wiekeme.

Luku 24:34

hande Tekehalita꞉ ota꞉ da꞉ta hata꞉ Saimono pa꞉ta꞉ ipiki peneme yaala꞉me laa hotiolo pitimiki ale pa꞉ta꞉ opolo pepekeme.

Luku 7:12

Ipiki pua mo teke da anekena꞉ wieke daoni pota꞉ kake pa꞉ta꞉ opolo polueke alo pulu haena꞉ mandane haliwekima꞉ mo homeeke hali toko mea hoilu poluekema꞉ yeke tia ipulu pitimikime. Mo homeeke halita꞉ kineke wanda꞉ siki ma꞉nda꞉na꞉ ota꞉ homeke weki siki yeekeme. Mo teke da aneke pa꞉ta꞉ haemeke wanda꞉hali woputa꞉ mo kineke wanda꞉ siki ame̱le̱ ipulu pitimikime.

Luku 7:14

Kutupa ipikana꞉ma꞉ mo toko tia epemeke bokosi teke pa꞉ta꞉ pua wataeyekeme. Kutu pieketa꞉ mo hande hali toko timiki haliwekima꞉ta꞉ pa tupaleke handeteke haemekeme. Yesuma꞉ alota꞉ Wekio. I̱ma꞉ neke pa꞉ta꞉ loma꞉ tiae leekeme.

Luku 7:19

alota꞉ Tekehali pa꞉ta꞉ pua dupa lota꞉ pea꞉pa꞉peke. Neketa꞉ hande Dionima꞉ Ipilieke leeke niki paeyaoma꞉ yu wia haloma꞉ hande hali ya꞉ka꞉ta꞉pe o hali ma꞉nda꞉ epena꞉ yu wia hamonope laa Yesu pa꞉ta꞉ lota꞉ pea꞉pa꞉peke leekeme.

Luku 8:52

Koto da pa꞉ta꞉ pitimiki wanda꞉hali paeyaoma꞉ta꞉ mo wandikina꞉ e̱ alo hata꞉ homa꞉ wia pitimikime. Yesuma꞉ mo wanda꞉hali pa꞉ta꞉ alota꞉ E̱ na lapepe. Do wandiki sikita꞉ ota꞉ na homa꞉la꞉pate pa u peliolo hata꞉ pa꞉la꞉me leekeme.

Dioni 11:2

Mo Metima꞉ta꞉ hande Tekehalina꞉ ankena꞉ totopo wotupiki senisi holaota꞉ ipika꞉ itikima꞉ kone honiaeyekeme. Koto wanda꞉na꞉ beliki La꞉satesi yeni hayekeme.

Dioni 11:3

Koto ekina꞉ mo hakila꞉ma꞉ Yesu pa꞉ta꞉ pi tapaaso alota꞉ Tekehalio. Naka꞉ yankeketa꞉ yeni hao ula꞉me laa tapaepekeme.

Dioni 20:13

Ipilikana꞉ma꞉ Meti pa꞉ta꞉ alota꞉ Wanda꞉o. Ekipeke e̱ alepe lepekeme. Ipikana꞉ma꞉ ipiliki pa꞉ta꞉ alota꞉ Ikana꞉ma꞉ yaka Tekehali mea pua wilimi pa꞉ta꞉ make I̱ na handolome leekeme.

Dioni 20:15

Yesuma꞉ ipiki pa꞉ta꞉ alota꞉ Wanda꞉o. Ekipeke e̱ alepe. Epi weitolo alepe leekeme. Mo wanda꞉na꞉ hone wieke ekita꞉ mo e handeteke hayeke hali patema꞉ ipiki pa꞉ta꞉ alota꞉ Aneke halio. Nakana꞉ma꞉ ipiki mea pua wika꞉na꞉ta꞉ kota꞉ koto wili alena꞉ I̱ pa꞉ta꞉ la kie. Kutu pika꞉na꞉ta꞉ I̱ma꞉ mulu polueke leekeme.

Dioni 4:1

Koto natena꞉ta꞉ mo hande Pa꞉tisi haliweki pa꞉ta꞉ pi dupa la꞉niaeyekeme. Yesuma꞉ disaipolo wanda꞉hali wopu meaata꞉ bapitaisi peao pita꞉la꞉ ekima꞉ Dionima꞉ pita꞉la꞉ ekita꞉ wetepe yaasa꞉me laa la꞉niaeyekeme.

Dioni 6:23

Mandane kawaso manuta꞉ Taibitiasi nane hao a꞉paata꞉ hande Tekehalima꞉ keiyae pi laa mo wanda꞉hali paeyao pa꞉ta꞉ palaowa teli teli peaeyeke ikali tea꞉na꞉ kone opolo epemekeme.

1 Kotindi 7:30

Kutupa e̱ aleme wanda꞉halima꞉ e̱ na leke haleme wanda꞉hali tupa꞉ hapa꞉peke. Kutupa ki taleme wanda꞉halima꞉ ki na teke haleme wanda꞉hali tupa꞉ hapa꞉peke. Kutaa make mo hamba꞉tiki pu haleme wanda꞉halima꞉ta꞉ ala꞉ta꞉ ala꞉ta꞉ na hambeke wanda꞉hali leke hapa꞉peke.

1 Desalonaika 4:13

Kametitio. Mo hande homemeke wanda꞉halima꞉ piteme ekimanu ikana꞉ma꞉ hone wopu uemena꞉yeke niki hone pa꞉la꞉me. Hande paa tiaalo pa꞉la꞉ ekina꞉ hone na puaake homa꞉ ke handeleeleme wanda꞉hali leke halimikiyeke loma꞉me.

Hibulu 2:17

Koto hau puluekema꞉ta꞉ ipikana꞉ma꞉ mo ipika꞉ hau paeyaoma꞉ta꞉ ota꞉ ipika꞉ hameke tonu leke hayekeme. Iki pa꞉ta꞉ a꞉ta꞉ma꞉ homolo hata꞉ pea꞉peke hau ma꞉nda꞉ na mina꞉pa꞉lake Koda꞉ pa꞉ta꞉ ika꞉ yeni peao hala꞉ hali haluekema꞉ kutu piekeme. Wanda꞉hali ika꞉ hoke haumanu paeyawaena꞉ Yesuma꞉ hambaasota꞉ kutu piekeme.

Hibulu 4:15

Nika꞉ Yeni peao hala꞉ You halima꞉ta꞉ nika꞉ honkopu na hake dete piki haumanu handaa a꞉ta꞉ma꞉ na homolo pa꞉la꞉ hali dia꞉me. Kotoeki na pikita꞉ nika꞉ Yeni peao hala꞉ You halita꞉ mo niki la handa꞉peke ya꞉la꞉ ekimanu paeyaoma꞉ ipiki make la handetiki piekepate hoke hau homeke siki ma꞉nda꞉ a꞉nda꞉ ota꞉ na piekeme.