Luku 6:8 - Panake Pi La: Ula: Buka pita: Kine Pieke Buka

⁸ Kutu pimikipate Yesuma꞉ta꞉ mo haliwekina꞉ hone wimikieki amba꞉ handa꞉ wiaata꞉ mo kiki hapueke endiki hali pa꞉ta꞉ alota꞉ Tiao. Do wanda꞉halina꞉ leke popeleke nane epoe leekeme. Mo halita꞉ tiao mo wanda꞉halina꞉ leke popeleke nane tiao halo yapeekeme.

Luku 6:8 ပူးပေါင်းရင်းမြစ်များ

Ma꞉tiu 9:4

Mo haliwekima꞉ hone wimikieki handaa Yesuma꞉ amba꞉ kokele pea hata꞉ iki pa꞉ta꞉ alota꞉ Ekipeke handa ika꞉ puki manuma꞉ koto hoke honemanu miniki halemepe laa lota꞉ pitolo alota꞉ Ikana꞉ma꞉ eki hone witemepe. I̱ma꞉ Naka꞉ hoke hauta꞉ paeyaasome alo pi yapa꞉ pa꞉la꞉pe o Neke tiao pue alo pi yapa꞉ pa꞉la꞉pe laa

Maka 3:3

Koto pimipate Yesuma꞉ kiki hapueke endiki hali pa꞉ta꞉ alota꞉ Do pa꞉ta꞉ epoe leekeme.

Luku 13:12

Yesuma꞉ mo wanda꞉ hando hao wi la꞉moneaso alota꞉ Wanda꞉o. Neketa꞉ naka꞉ yeni ta paetolo hata꞉ neketa꞉ walekena꞉ ta hale handa꞉e.

Luku 5:22

Kutupa mo haliwekima꞉ hone wimiki ekita꞉ Yesuma꞉ amba꞉ hone wia iki pa꞉ta꞉ alota꞉ Ekipeke ikana꞉ma꞉ ika꞉ hone pa꞉ta꞉ do honemanu witelemepe laa lota꞉ pitolo alota꞉

Luku 6:9

Kutu pieketa꞉ Yesuma꞉ mo wanda꞉hali pa꞉ta꞉ alota꞉ I̱ma꞉ iki pa꞉ta꞉ lota꞉ pitolome. Mo Hoto Pila꞉ Natena꞉ nika꞉ Lo Pi ula꞉ ekima꞉ta꞉ eki pea꞉pa꞉peke la la꞉la꞉pe. Pa tamba꞉ muluekema꞉ o hoeyaaluekema꞉ la꞉la꞉pe. Mo wanda꞉halina꞉ hala꞉eki tamba꞉ muluekema꞉pe o hoeyaaluekema꞉pe laa lota꞉ piekeme.

Dioni 2:25

Wanda꞉halina꞉ puki pa꞉ta꞉ ula꞉ ekimanu Yesuma꞉ wotu handeeke ekina꞉ hali ma꞉nda꞉ma꞉ ipiki pa꞉ta꞉ la hala꞉peke na yeekeme.

Dioni 21:17

Hoto tepo peao Yesuma꞉ ipiki pa꞉ta꞉ alota꞉ Dionina꞉ eiyeke Saimonoo. Nakana꞉ma꞉ I̱ pa꞉ta꞉ hone pa꞉la꞉pe leekeme. Pidama꞉ta꞉ Yesuma꞉ Nakana꞉ma꞉ I̱ pa꞉ta꞉ hone pa꞉la꞉pe pi ipiki pa꞉ta꞉ hoto tepo peao lota꞉ pieke ekina꞉ta꞉ ka꞉nda꞉ma꞉ homolo hata꞉ ipiki pa꞉ta꞉ alota꞉ Tekehalio. Ala꞉ta꞉ ala꞉ta꞉ paeyao nakana꞉ma꞉ handeleme. I̱ma꞉ neke pa꞉ta꞉ hone pa꞉la꞉ ekita꞉ nakana꞉ma꞉ handeleme leekeme. Yesuma꞉ ipiki pa꞉ta꞉ alota꞉ Ya sipisipi ma꞉na꞉ manuta꞉ nakana꞉ma꞉ punao hapeke.

Dioni 9:4

Hande I̱ tapaala꞉ halina꞉ eta꞉ nate a꞉pa talo haena꞉ pokatiki pumana꞉e. Timba꞉ lolo yapea꞉ka꞉na꞉ta꞉ ipika꞉ e pokaapeke na yelieke.

Aposolo 20:24

Kutu pa꞉la꞉pate ya lokena꞉ hau hone na witolome laa tombona꞉ opolo puaata꞉ ya Tekehali Yesuma꞉ walea꞉ hau amba꞉la paeyaalueke lea꞉me. Hande Koda꞉na꞉ pa hameke a꞉ta꞉ma꞉ homo hala꞉ Pi Seliapo la kitoloeki loa꞉me lea꞉me.

Aposolo 26:26

Kini hali Akatipama꞉ do haumanu handeleke handa ipiki pa꞉ta꞉ pa pi alo hata꞉ yaka honema꞉ta꞉ koto hau paeyao handa꞉la꞉me. Pa ekipeke mo hau manuta꞉ a꞉mbao na piki peneme yao pia꞉ ekina꞉ loa꞉me.

Pilipai 1:28

Ikana꞉ma꞉ ika꞉ a꞉nda꞉ tunkuliki wanda꞉halita꞉ paala꞉ma꞉ na homeke hoto paeyao aela꞉ bao hapa꞉peke. Ika꞉ aela꞉ baalo peleme ekita꞉ mo a꞉nda꞉ tunkuliki wanda꞉hali pa꞉ta꞉ pate hauma꞉ wala꞉la꞉eki yelieke. Koto pate hau handolota꞉ ikana꞉ma꞉ mo iki Ketiso wanda꞉halima꞉ iki ota꞉ bepolaalimikie hone wilimikie. Koda꞉ma꞉ ka꞉la꞉ wele homekema꞉ bepolao halimikie.

Hibulu 4:13

Koda꞉ma꞉ na handena꞉ yeke ala꞉ta꞉ ma꞉nda꞉ a꞉mbao panka꞉ wia꞉peke na ya꞉la꞉me. Dia꞉me. Koda꞉ma꞉ handa꞉leketa꞉ ipika꞉ leke popelekena꞉ta꞉ mo wepia ula꞉ ala꞉ta꞉ ala꞉ta꞉ paeyao ota꞉ peneme yao lumbupa ula꞉me. Kutupa niki paeyaoma꞉ nika꞉ puma꞉ hau manuta꞉ ipiki pa꞉ta꞉ ota꞉ peneme yaalumeke.

1 Pida 4:1

Ketiso ipika꞉ lokema꞉ tanda mieke handa ikana꞉ma꞉ make ipikana꞉ma꞉ mo tanda mulu piekeeki pa꞉ta꞉ hone wieke tupa꞉ koto mandake honema꞉ kone iki honkopu hao hapa꞉peke. Kota꞉ ma꞉nda꞉ epima꞉ ipika꞉ lokema꞉ tanda mu haya꞉ka꞉na꞉ta꞉ ipikana꞉ma꞉ hoke hau mina꞉pa꞉lao hala꞉me.

Peneme Yaeyekeeki 2:23

Kutupa ipika꞉ hoki nane tolu haleme tapake make lu homaalueke. Kutu pua꞉ka꞉na꞉ta꞉ mo siosi paeyaoma꞉ I̱ta꞉ wanda꞉hali paeyaona꞉ honemanu make hone u halemeeki manuna꞉ hone ulu somee hone wilimikie. I̱ma꞉ta꞉ iki paeyao ika꞉ peleme ekina꞉ homeke homeke lo ana꞉na꞉ kone yenki kulueke.