Luku 6:27 - Panake Pi La: Ula: Buka pita: Kine Pieke Buka

²⁷ Pate ame ya pi opiteleme wanda꞉hali iki pa꞉ta꞉ta꞉ I̱ma꞉ dupa alome. Ika꞉ a꞉nda꞉ tunkuliki wanda꞉hali pa꞉ta꞉ta꞉ pukima꞉ homo hapa꞉peke. Kutupa iki pa꞉ta꞉ honditi pu haleme wanda꞉hali pa꞉ta꞉ tonka꞉na꞉ epeke hau homeke pu hapa꞉peke.

Luku 6:27 ပူးပေါင်းရင်းမြစ်များ

Maka 4:24

Kutupa Yesuma꞉ iki pa꞉ta꞉ alota꞉ Mo opiteleme ekimanu hone wopu wia꞉pa꞉peke. Ikana꞉ma꞉ haleme tupa꞉ kone koto ana꞉na꞉ paa milimikie. Kutupa pa haka꞉ta꞉pao mandane ekimanu make milimikie leekeme.

Luku 23:34

Yesuma꞉ alota꞉ Apa꞉o. Do wanda꞉halima꞉ piteleme hauta꞉ iki hone na witolo pitelemema꞉ nakana꞉ma꞉ pa paeyawapeke leekeme. Kutupa mo dolo miniki haliwekima꞉ta꞉ Yesuna꞉ daumanu telipaaluekema꞉ kase tupa꞉ telepo laemekeme.

Luku 6:22

Ikita꞉ mo Wanda꞉halina꞉ Eiyeke tolu halemeke handaa mandane wanda꞉halima꞉ iki pa꞉ta꞉ yaala꞉ma꞉ homao make tanda ku make ika꞉ biki hoeyaaluekema꞉ hoke ba꞉sa꞉ pitolo yayapiki pimanu sa꞉mba꞉lao pitolo haena꞉ kone

Luku 6:35

Dia꞉me. Ika꞉ a꞉nda꞉ tunkuliki wanda꞉hali pa꞉ta꞉ pukima꞉ homa iki pa꞉ta꞉ epeke hau homeke pu hapa꞉peke. Ikana꞉ma꞉ wanda꞉hali ma꞉nda꞉ pa꞉ta꞉ ala꞉ta꞉ ma꞉nda꞉ tondiki halemeka꞉na꞉ta꞉ paa muluekema꞉ hone na u hapa꞉peke. Kutu pu haemeka꞉na꞉ta꞉ ika꞉ yenki aneke hapu meata꞉ oli Koda꞉ Manda Hala꞉ Tiekena꞉ eiyeke titi halimikie. Ekipeke Koda꞉ma꞉ta꞉ mo ipika꞉ epeke haumanu pita꞉la꞉ ekina꞉ ta꞉na꞉e pi na lo haleme wanda꞉hali make mo hoke haumanu wotu pu haleme wanda꞉hali pa꞉ta꞉ make epeke hau pu hala꞉me.

Luku 8:15

Kutupa mo epeke kenkena꞉ lopa꞉la꞉ wae ale manuta꞉ pi opua homu pu haleme wanda꞉hali ikana꞉ma꞉ honkopu hao epeke tupa꞉ minaata꞉ ika꞉ kiliki aneke a꞉eluekema꞉ pa putia pelimikie leekeme.

Luku 8:18

Koto ekina꞉ta꞉ ikana꞉ma꞉ pi opu haleme ekita꞉ wotu handeteke hao hapa꞉peke. Ekipeke ma꞉nda꞉ma꞉ ala꞉ta꞉ ma꞉nda꞉ wia꞉ka꞉na꞉ta꞉ kota꞉ ipikita꞉ haka꞉ta꞉pao ota꞉ wotu milieke. Pate hali ma꞉nda꞉ma꞉ ala꞉ta꞉ ma꞉nda꞉ na wia꞉ka꞉na꞉ta꞉ kota꞉ mo hosikieki make ipika꞉ honema꞉ Ulume laa wia꞉eki kone yoka꞉ mealieke leekeme.

Luku 8:8

Kutu piekepate mandane wae ale manuta꞉ epeke kenkena꞉ lopaata꞉ opa꞉liao napeketa꞉ 100manu wiekeme. Kutupa Yesuma꞉ ipika꞉ pi lo a꞉mbolo hata꞉ alota꞉ Katake lomba꞉la꞉ halima꞉ta꞉ wotu opina꞉e leekeme.

Aposolo 10:38

Hande Na꞉sa꞉tete da halita꞉ Yesue. Ipikita꞉ Koda꞉ma꞉ wele peaaso hata꞉ mo Holi Sipitidima꞉ make suta꞉pe wiaeyekeeki opimika꞉ta꞉me. Kutupa ipikana꞉ma꞉ Koda꞉ ame̱le̱ hata꞉ epeke hau pea꞉tiki pu hao Sadanima꞉ hoeyaeyeke wanda꞉hali mea tiatiki pu hao pomu hayekeme.

Aposolo 16:28

Poloma꞉ anekehapu wi alo hata꞉ alota꞉ Naka꞉ kone na lia꞉pe. Niki paeyaota꞉ do pambo piluma꞉taa leekeme.

Aposolo 7:60

Kutupa pa tumiki yotuao pita꞉ anekema꞉ e̱ alo hata꞉ alota꞉ Tekehalio. Do haliwekima꞉ hoke hau piteleme ekita꞉ pa na wina꞉ leke nakana꞉ma꞉ paeyaapeke leekeme. Kotoeki lo paeyaota꞉ homeekeme.

Ka꞉leisia 6:10

Wanda꞉hali paeyao pa꞉ta꞉ epeke hau pia꞉peke ekina꞉ waleke a꞉nda꞉ opolo epea꞉ka꞉na꞉ta꞉ kota꞉ iki pa꞉ta꞉ epeke hau ota꞉ pia꞉peke ya꞉la꞉me. Kutu pia꞉peke yolo pa꞉la꞉pate mo nika꞉ Ketiso tapakena꞉ haleme wanda꞉hali pa꞉ta꞉ta꞉ hone ota꞉ wopu witolo hata꞉ tamba꞉ mea꞉tiki pea꞉peke ya꞉la꞉me.

1 Desalonaika 5:15

Mandane wanda꞉halima꞉ iki pa꞉ta꞉ hoke hau pimika꞉na꞉ta꞉ ikana꞉ma꞉ paa na hombo peaapa꞉peke. Hoto paeyaota꞉ ika꞉ ika꞉ kone epea alualu pea hata꞉ wanda꞉hali paeyao make epeaaluekema꞉ hone wopu wia꞉pa꞉peke.

3 Dioni 1:11

Yaka yankekeo. Mo hokeeki na moka꞉la handeketa꞉ mo epekeeki homeke moka꞉la handa꞉peke. Ma꞉nda꞉ epima꞉ epekeeki pia꞉ka꞉na꞉ta꞉ ipikita꞉ Koda꞉na꞉ ekie. Ma꞉nda꞉ epima꞉ hokeeki pia꞉ka꞉na꞉ta꞉ ipikita꞉ Koda꞉ na handeke some hala꞉me.