Luku 6:21 - Panake Pi La: Ula: Buka pita: Kine Pieke Buka

²¹ Ame tea꞉ma꞉ homeleme wanda꞉hali iki ta꞉na꞉ma꞉ homo halememe. Ikita꞉ weleke tieke telieke. Ame e̱ aleme wanda꞉hali ikita꞉ ta꞉na꞉ma꞉ homo halememe. Ikita꞉ kitelimikie.

Luku 6:21 ပူးပေါင်းရင်းမြစ်များ

Kini Pieke 17:17

Koto leeke Eipoloha꞉ma꞉ta꞉ you panda꞉puniao ipika꞉ leke popeleketa꞉ oni yu wataena꞉ leekepate ipika꞉ honema꞉ta꞉ halima꞉ ipikita꞉ 100 bapi ya꞉na꞉ kone weki mendia꞉peke ya꞉la꞉pe laa kutupa Setata꞉ 90 bapina꞉ weki mendia꞉peke ya꞉la꞉pe laa ipika꞉ honema꞉ kone ki teekeme.

Kini Pieke 21:6

Setama꞉ alota꞉ Koda꞉ma꞉ I̱ pa꞉ta꞉ta꞉ ta꞉na꞉ pa꞉la꞉eki make ki tala꞉eki make mea a꞉pa꞉la꞉mee. Epi amedama꞉ doeki opia꞉ka꞉na꞉ta꞉ kota꞉ I̱ ame̱le̱ mandakena꞉ ki talimikie.

Ma꞉tiu 5:4

Mo e̱ tapu tapu hata꞉ pukima꞉ homo haleme wanda꞉halima꞉ta꞉ ta꞉na꞉ma꞉ homo halememe. Ika꞉ pukita꞉ Koda꞉ma꞉ epeaalieke.

Ma꞉tiu 5:6

Koda꞉na꞉ hone pa꞉la꞉eki puluekema꞉ na꞉na꞉ na꞉na꞉ma꞉ homa pu haleme wanda꞉halima꞉ta꞉ ta꞉na꞉ma꞉ homo halememe. Iki pa꞉ta꞉ Koda꞉ma꞉ ota꞉ ana꞉na꞉ ana꞉ lawaalieke.

Luku 1:53

Tea꞉ma꞉ homemeke wanda꞉hali pa꞉ta꞉ epeke napeke alemanu mea tumbaeyekepate pa mo hamoko wanda꞉halita꞉ kiki hameke tapaeyekeme.

Luku 6:20

Yesuma꞉ ipika꞉ hoki nane tolu haemeke haliweki handolo hata꞉ alota꞉ Natehali wanda꞉halita꞉ ta꞉na꞉ma꞉ homo halememe. Koda꞉na꞉ Kilu Tombuao Hala꞉ ekita꞉ ika꞉ ekie.

Luku 6:22

Ikita꞉ mo Wanda꞉halina꞉ Eiyeke tolu halemeke handaa mandane wanda꞉halima꞉ iki pa꞉ta꞉ yaala꞉ma꞉ homao make tanda ku make ika꞉ biki hoeyaaluekema꞉ hoke ba꞉sa꞉ pitolo yayapiki pimanu sa꞉mba꞉lao pitolo haena꞉ kone

Luku 6:25

A꞉pei. Ame do weleke tumbao hala꞉ wanda꞉halio. Ka꞉nda꞉ tieke ipula꞉me. Ikita꞉ tea꞉ma꞉ homilimikie. A꞉pei. Ame kitaleme wanda꞉halio. Ka꞉nda꞉ tieke ipula꞉me. Ikita꞉ ika꞉ pukima꞉ e̱ tieke alo hata꞉ e̱ pankeke lopena꞉ lelimikie.

Dioni 11:35

Kutupa Yesuma꞉ e̱ leekeme.

Dioni 4:10

Yesuma꞉ ipika꞉ pi hombo peaaso alota꞉ Nakana꞉ma꞉ta꞉ Koda꞉ma꞉ kita꞉la꞉ ale make neke pa꞉ta꞉ Ikali ma꞉nda꞉ nono kie laa honke ala꞉ halina꞉ biki make hone wika꞉na꞉ yoluta꞉ kota꞉ naka꞉ honke aleeki ipikana꞉ma꞉ opua da꞉ta꞉la꞉ ikali kulu pia꞉me leekeme.

Dioni 6:35

Yesuma꞉ mo wanda꞉hali pa꞉ta꞉ alota꞉ Da꞉ta꞉la꞉ palaowata꞉ I̱ konee laata꞉ Hali epima꞉ I̱ pa꞉ta꞉ epea꞉ka꞉na꞉ta꞉ tea꞉ma꞉ paa na homilieke. Kutupa hali epima꞉ I̱ pa꞉ta꞉ hone tulaeya꞉ka꞉na꞉ta꞉ ikali na꞉na꞉ paa na pilieke leekeme.

1 Kotindi 4:11

Amba꞉ make ame make nikita꞉ ne ikali tea꞉ma꞉ homa꞉tiki pu hata꞉ mo dau make wotu dia꞉ya꞉la꞉ haliweki haloma꞉me. Haliwekima꞉ niki pa litolo ombu haena꞉ make kutupa ota꞉ nika꞉ da pa꞉ta꞉ na hake pa pominolo hata꞉ta꞉

2 Kotindi 11:27

Kutupa nate mandaneeki manuna꞉ta꞉ honkopu paena꞉ kone e wopu pokoa꞉me. Hoto eleke eleke timba꞉ naneta꞉ e pokaaluekema꞉ u na polua꞉me. Nate ma꞉nda꞉ nina꞉ta꞉ I̱ta꞉ tea꞉ma꞉ make ikali na꞉na꞉ma꞉ make homoa꞉me. I̱ta꞉ nate ma꞉nda꞉ nina꞉ta꞉ ne da dau wopu dia꞉yalo hata꞉ pa haowa꞉me.

2 Kotindi 12:10

Koto ekina꞉ I̱ma꞉ta꞉ Ketisona꞉eki peaaso mo damako pa꞉la꞉ ekima꞉ make tetopiki pima꞉ make ka꞉nda꞉piki ekima꞉ make a꞉nda꞉ lita꞉la꞉ ekima꞉ make mamatala꞉ ekima꞉ make I̱ta꞉ pa ta꞉na꞉ pa꞉la꞉me. Pa ekipeke I̱ta꞉ damako polo dina꞉ta꞉ honkopu hao halome.

2 Kotindi 6:10

Nikita꞉ puki hoeyao halemepate hoto paeyao ta꞉na꞉ma꞉ homoloma꞉me. Nikita꞉ nate hali hake nono poloma꞉pate nikana꞉ma꞉ta꞉ mandane wanda꞉hali wopu hamoko haena꞉ aloma꞉me. Nikita꞉ ala꞉ta꞉ ma꞉nda꞉ na wia hake nono poloma꞉pate nikita꞉ ala꞉ta꞉ ala꞉ta꞉ paeyao ana꞉na꞉ kone wia haloma꞉me.

Dia꞉mesi 1:12

Hali epima꞉ mo la handa꞉la꞉ ekimanu epena꞉ kone da̱o̱la haya꞉ka꞉na꞉ta꞉ ta꞉na꞉ma꞉ homilieke. Do ekina꞉yeke loa꞉me. Mo halima꞉ta꞉ mo la handa꞉la꞉ ekimanu paeyao bepolaeya꞉ka꞉na꞉ta꞉ Koda꞉ma꞉ ipiki pa꞉ta꞉ yenki halolo hata꞉ta꞉ deto hala꞉eki kone halieke. Koto yenkita꞉ Koda꞉ma꞉ amba꞉ pi la꞉ witolo hata꞉ I̱ pa꞉ta꞉ pukima꞉ homa꞉la꞉ wanda꞉hali pa꞉ta꞉ deto hala꞉eki halueke laa pi la꞉ ula꞉me.

Peneme Yaeyekeeki 21:3

Oli kini sea nanema꞉ pi ho̱la̱꞉make tiekema꞉ dupa lea꞉eki opua꞉me. Ameta꞉ Koda꞉na꞉ data꞉ wanda꞉hali ame̱le̱ hala꞉me. Ipikita꞉ iki ame̱le̱ hata꞉ mo wanda꞉halita꞉ ipika꞉ wanda꞉hali au lalieke. Koda꞉ ipikita꞉ mo wanda꞉hali ame̱le̱ halieke. Ipikita꞉ ika꞉ Koda꞉ halieke.

Peneme Yaeyekeeki 7:16

Ikita꞉ tea꞉ma꞉ make ikali na꞉na꞉ma꞉ make ota꞉ paa na homilimikie. Kutupa make nate o ti ulekema꞉ potaasa꞉ ale tupa꞉ make na yankilieke.