Luku 5:27 - Panake Pi La: Ula: Buka pita: Kine Pieke Buka

²⁷ Wetepena꞉ Yesu hama opolu bao pulu hata꞉ dakisi mani mu hayeke hali ma꞉nda꞉ ipika꞉ biki Lipae handeekeme. Koto halita꞉ mo dakisi mani mu hayeke opisi pa꞉ta꞉ pitiekeme. Yesuma꞉ Lipae pa꞉ta꞉ alota꞉ I̱ telia꞉ mea epoe leekeme.

Luku 5:27 ပူးပေါင်းရင်းမြစ်များ

Ma꞉tiu 10:3

Pilipi make Badolomiu make Tomasi make mo hande dakisi mu hayeke some Ma꞉tiu make A꞉lopia꞉sina꞉ eiyeke Dia꞉mesi make Ta꞉dia꞉si make

Ma꞉tiu 16:24

Koto la paeyeketa꞉ Yesuma꞉ ipika꞉ disaipolo haliweki pa꞉ta꞉ alota꞉ Hali ma꞉nda꞉ epima꞉ ya hoki nane toluekema꞉ hone pia꞉ka꞉na꞉ta꞉ kota꞉ ipiki pa꞉ta꞉ kone hone ula꞉ ekimanu tunkulaata꞉ ipika꞉ a꞉ka꞉tei wape piki ti mea tia ya hoki nane telina꞉e leekeme.

Ma꞉tiu 8:22

Pate Yesuma꞉ hombo peaaso alota꞉ Ika꞉ toko manuma꞉ ika꞉ kone hoina꞉ma꞉ neketa꞉ I̱ teli mea epoe leekeme.

Maka 3:18

A꞉ndutu Pilipi Badolomiu make Ma꞉tiu make Tomasi make A꞉lopia꞉sina꞉ eiyeke Dia꞉mesi make Ta꞉dia꞉si make Saimono Seloti make mo Isekatioti hali Diudasita꞉ Yesu lina꞉ a꞉nda꞉ lomba꞉ polo pieke hali make do haliweki paeyaona꞉ bikimanue.

Luku 18:22

Yesuma꞉ do pi opuaata꞉ mo hali pa꞉ta꞉ alota꞉ Nakana꞉ma꞉ pulu pele hau ma꞉nda꞉ pa ula꞉me. Naka꞉ wia hale ala꞉ta꞉ ala꞉ta꞉ paeyao mandane wanda꞉halima꞉ hambena꞉ laa mo milipi manita꞉ mandane natehali wanda꞉hali pa꞉ta꞉ hale hale pea꞉peke. Kutu pikina꞉ta꞉ nakana꞉ma꞉ oli hepeni da tukiki pa꞉ta꞉ta꞉ mo epeke epeke ale wopu mu halipikie. Koto ekina꞉ta꞉ yaka hoki nane telia꞉peke leekeme.

Dioni 1:43

Da kelepeeketa꞉ Yesuta꞉ Ka꞉lili nane polueke hone wiekeme. Ipikana꞉ma꞉ Pilipi handa꞉ wia ipiki pa꞉ta꞉ alota꞉ Dika꞉ pana꞉ epoe leekeme.

Dioni 12:26

Hali epima꞉ yaka e pokaaluekema꞉ hone pia꞉ka꞉na꞉ta꞉ ipikana꞉ma꞉ ya hoki nane telia꞉ mea epena꞉e. Yaka e pokaasa꞉ halita꞉ I̱ halo alena꞉ kone diki mandakena꞉ halupekema꞉ loa꞉me. Yaka e pokaasa꞉ halita꞉ yaka Apa꞉ma꞉ koto halina꞉ biki tieke wina꞉ lelieke leekeme.