Luku 5:22 - Panake Pi La: Ula: Buka pita: Kine Pieke Buka

²² Kutupa mo haliwekima꞉ hone wimiki ekita꞉ Yesuma꞉ amba꞉ hone wia iki pa꞉ta꞉ alota꞉ Ekipeke ikana꞉ma꞉ ika꞉ hone pa꞉ta꞉ do honemanu witelemepe laa lota꞉ pitolo alota꞉

Luku 5:22 ပူးပေါင်းရင်းမြစ်များ

Ma꞉tiu 12:15

Ipiki luekema꞉ a꞉nda꞉ lomba꞉ wimikieki Yesuma꞉ opuaata꞉ koto pa꞉ta꞉ mina꞉pa꞉lao peekeme. Kutu pieketa꞉ wanda꞉hali wopuma꞉ ipiki telimea pemekeme. Yesuma꞉ ika꞉ homa꞉pa wimiki wanda꞉hali paeyao epeao haena꞉ laata꞉

Ma꞉tiu 12:25

Mo haliwekina꞉ wimiki hoke honemanu Yesuma꞉ handolo iki pa꞉ta꞉ alota꞉ Homeke kenke wanda꞉halima꞉ ika꞉ kone putupa꞉ alualu pea a꞉nda꞉ lia꞉ka꞉na꞉ta꞉ kota꞉ koto kenke wanda꞉hali homeke pa꞉ta꞉ momba꞉la haleme ekita꞉ a̱i̱ koto kone paelieke. Kutupa homeke da wanda꞉hali make o homeke tapake sunuma꞉ ika꞉ kone putupa꞉ alualu pea a꞉nda꞉ pimika꞉na꞉ta꞉ kota꞉ koto tapaketa꞉ epeke tupa꞉ hapeke na yelieke.

Ma꞉tiu 9:4

Mo haliwekima꞉ hone wimikieki handaa Yesuma꞉ amba꞉ kokele pea hata꞉ iki pa꞉ta꞉ alota꞉ Ekipeke handa ika꞉ puki manuma꞉ koto hoke honemanu miniki halemepe laa lota꞉ pitolo alota꞉ Ikana꞉ma꞉ eki hone witemepe. I̱ma꞉ Naka꞉ hoke hauta꞉ paeyaasome alo pi yapa꞉ pa꞉la꞉pe o Neke tiao pue alo pi yapa꞉ pa꞉la꞉pe laa

Maka 8:17

Kutupa Yesuma꞉ ika꞉ hone wimikieki handaa iki pa꞉ta꞉ alota꞉ Ne dia꞉ ya꞉leketa꞉ pa ekipeke pipi alemepe. Ika꞉ hone na wiki a̱i̱ na handelemepe. Ika꞉ honemanu taka꞉laalemepe leekeme.

Luku 24:38

Pate Yesuma꞉ iki pa꞉ta꞉ alota꞉ Ekipeke paala꞉ma꞉ homelemepe. Ika꞉ hone pa꞉ta꞉ta꞉ hone yaapo yaapo ekipeke witelemepe.

Luku 5:21

Koto leekeeki opuaata꞉ mo Lo Pimanu wala꞉la꞉ haliweki make mo Pa꞉tisi haliweki paeyaoma꞉ ika꞉ ika꞉ kone pi pi alo alota꞉ Mo Koda꞉na꞉ biki hoeyaaso pimanu ala꞉ halita꞉ epi ya꞉ka꞉ta꞉pe. Ma꞉nda꞉na꞉ hoke hau manuta꞉ Koda꞉ma꞉ homeke ana꞉na꞉ paeyaapeke ya꞉la꞉taa lemekeme.

Luku 5:23

Do pi yaapona꞉ yapa꞉ pa꞉la꞉ ekita꞉ handoeki ka꞉ta꞉pe. Naka꞉ hokeeki pa꞉la꞉eki manuta꞉ pa paeyaasa꞉me laa la꞉la꞉eki yapa꞉ pa꞉la꞉pe o Tiao pue aloeki yapa꞉ pa꞉la꞉pe laa

Aposolo 5:3

Kutu piekepate Pidama꞉ alota꞉ A꞉na꞉naisio. Ekipeke Holi Sipitidi pa꞉ta꞉ yayapiki pi alepe leekeme. Sadani naka꞉ you pa꞉ta꞉ a꞉pa pita꞉ka꞉na꞉ mo naka꞉ kenkena꞉ mele manita꞉ pa ekipeke mandaneeki panka꞉ wina꞉ laa pipe leekeme.

Hibulu 4:12

Koda꞉na꞉ pita꞉ da꞉taa hata꞉ e wopu poko hala꞉me. Mo pima꞉ta꞉ hande kake yaapo hake bainasi kone lombei pea ne ne wopu hala꞉me. Kutupa mo pima꞉ta꞉ wanda꞉hali ponda꞉pa꞉ awa ika꞉ temoko pita꞉ hone teke yaapo tukikina꞉ opolo pua tekili peao make ika꞉ lokena꞉ holiki kilikalu yaapo pa꞉nka꞉pa꞉ lia tekili pea alu make pea꞉peke ya꞉la꞉me. Wanda꞉halina꞉ honena꞉ hone pa꞉la꞉ ekimanu tikitiki yawao hala꞉me.

Peneme Yaeyekeeki 2:23

Kutupa ipika꞉ hoki nane tolu haleme tapake make lu homaalueke. Kutu pua꞉ka꞉na꞉ta꞉ mo siosi paeyaoma꞉ I̱ta꞉ wanda꞉hali paeyaona꞉ honemanu make hone u halemeeki manuna꞉ hone ulu somee hone wilimikie. I̱ma꞉ta꞉ iki paeyao ika꞉ peleme ekina꞉ homeke homeke lo ana꞉na꞉ kone yenki kulueke.