Luku 4:41 - Panake Pi La: Ula: Buka pita: Kine Pieke Buka

⁴¹ Kutupata꞉ mo hoke temoko manuma꞉ wanda꞉hali aneke tukiki pa꞉ta꞉ pita e̱ la꞉tiki yopulu hata꞉ alota꞉ Neketa꞉ Koda꞉na꞉ eiyekee lemekeme. Yesuma꞉ mo hoke temoko manuma꞉ pi ma꞉nda꞉ laama꞉na꞉ pi taka꞉lake leekeme. Pa ekipeke. Ika꞉ hone wimikipate ipikita꞉ hande Mesaya yeke handaa pimikime.

Luku 4:41 ပူးပေါင်းရင်းမြစ်များ

Ma꞉tiu 26:63

Koto leekepate Yesuma꞉ pi na honda꞉ mea leke pa hayekeme. Koto ekina꞉ta꞉ mo yeni peao hayeke you halima꞉ ipiki pa꞉ta꞉ alota꞉ Mo deto hala꞉ Koda꞉na꞉ bikina꞉ hali keke pi alo hata꞉ nakana꞉ma꞉ niki pa꞉ta꞉ ota꞉ pi lapeke la alota꞉ Neketa꞉ mo hande Koda꞉na꞉ Eiyeke Ketisope a̱i̱ lakie leekeme.

Ma꞉tiu 4:3

Koto tea꞉ma꞉ homolo haena꞉ta꞉ Sadanima꞉ ipiki pa꞉ta꞉ a꞉pa alota꞉ Neketa꞉ ota꞉ Koda꞉na꞉ Eiyeke ya꞉ka꞉na꞉ta꞉ kota꞉ do toopimanu kone palaowa au lapeke leekeme.

Ma꞉tiu 8:16

Nate pambolo haena꞉ta꞉ mandane wanda꞉halima꞉ mo hoke temokomanu pitiki wanda꞉hali wopu Yesu pa꞉ta꞉ mea epemekeme. Mo hoke temoko manuta꞉ Yesu ipika꞉ pima꞉ tolu liaata꞉ yeni haemeke wanda꞉hali ika꞉ yenimanu make tandelaeyekeme.

Ma꞉tiu 8:29

Koto hali yaapoma꞉ Yesu handolo hata꞉ koto kone wi la alota꞉ Koda꞉na꞉ Eiyekeo. Niki pa꞉ta꞉ eki hau puluekema꞉ ipulipe laa Mo hande niki hoeyaalo pa꞉la꞉ nate a̱i̱ na epeke haena꞉ niki hoeyaaluekema꞉ a꞉pa pipe lemekeme.

Ma꞉tiu 8:4

Kutu pieketa꞉ Yesuma꞉ mo some pa꞉ta꞉ Opie la alota꞉ Doeki ma꞉nda꞉ pa꞉ta꞉ amba꞉la na leketa꞉ pa mo yeni peao hala꞉ halima꞉ titina꞉ amba꞉la naka꞉ yeni ota꞉ paela꞉pe laa handena꞉ a̱i̱ ipiki pa꞉ta꞉ pua꞉peke. Kutaata꞉ wanda꞉halima꞉ naka꞉ yenita꞉ ota꞉ paela꞉me hone wina꞉ mo hande Mosesima꞉ la꞉ wieke tupa꞉ Koda꞉ pa꞉ta꞉ lia hala꞉la꞉ ale lia hala꞉peke leekeme.

Maka 1:25

Koto lemekepate Yesuma꞉ sa꞉sa꞉ pea hoke temoko pa꞉ta꞉ alota꞉ Pi na leke. Koto hali mina꞉pa꞉lao opolu bao yopue leekeme.

Maka 1:32

Koto dina꞉ welealo nate pambolo haena꞉ta꞉ yeni ta꞉ta꞉ ta꞉ta꞉ haemeke wanda꞉hali make weleke pa꞉ta꞉ hoke temoko pitimiki wanda꞉hali make paeyao Yesu pa꞉ta꞉ hatuku a꞉paata꞉ daoni wanda꞉hali paeyao make Yesu hayeke pota꞉ kake pa꞉ta꞉ a꞉pa penke haemekeme.

Maka 1:34

Yeni ta꞉ta꞉ ta꞉ta꞉ haemeke wanda꞉hali wopuna꞉ yeni Yesuma꞉ tandelaota꞉ hoke temokomanu wotu make tolu liaata꞉ temokomanu ipiki handemeke handaata꞉ Yesuma꞉ Pi na lapa꞉pe laata꞉ tolu liekeme.

Maka 3:11

Kutupata꞉ weleke pa꞉ta꞉ hoke temoko pitieke wanda꞉halima꞉ Yesu handolo hata꞉ ipiki pa꞉ta꞉ panda꞉punialo ende pitolo hata꞉ hoke e̱ wi la꞉ paleke paleke pitolo hata꞉ dupa lemekeme. Neketa꞉ Koda꞉na꞉ Eiyekee lemekeme.

Luku 4:39

Kota꞉ ipiki pua mo wanda꞉ homa꞉pa wieke alena꞉ pa꞉ta꞉liki nane pua tiao hata꞉ mo hande titipu yeni hayeke ekima꞉ mo wanda꞉ mina꞉pa꞉laena꞉ tanda piki pi leekeme. Kutupiki pi leeke handaata꞉ mo yenima꞉ mo wanda꞉ mina꞉pa꞉lao tandela꞉pa yapeeke handaata꞉ koto kone mo wanda꞉ma꞉ tiao hata꞉ mo tapakena꞉ ne wamo peayekeme.

Dioni 20:31

Kutu pa꞉la꞉pate ikana꞉ma꞉ Yesuta꞉ mo Ketiso make Koda꞉ ipika꞉ Eiyeke make hala꞉me laa ipiki pa꞉ta꞉ hone tulao hata꞉ ipika꞉ bikina꞉ da꞉ta꞉la꞉eki muemena꞉yeke do ekimanu do bukana꞉ wape pea ula꞉me.

Dia꞉mesi 2:19

Naka꞉ hone tulale ekita꞉ dupae. Koda꞉ homeke hala꞉me ale ekita꞉ epeke alepate pa mo hande hoke temoko manuma꞉ make koto lo halemepateta꞉ pututuma꞉ homolo hata꞉ lo halememe.