Luku 4:22 - Panake Pi La: Ula: Buka pita: Kine Pieke Buka

²² Ipika꞉ leeke pi manuma꞉ tende pieke handaa iki paeyao siki leke opa penkiliputia pominolo hata꞉ make haleke lomba mo ikana꞉ma꞉ ipikina꞉ do pi lemekeme. Ipikita꞉ Diosepena꞉ eiyeke dia꞉yekea laa ika꞉ ika꞉ kone lota꞉ pu alu alu pimikime.

Luku 4:22 ပူးပေါင်းရင်းမြစ်များ

Luku 2:47

Yesuma꞉ta꞉ tandapiki hombo peatiki pieke ekina꞉ mo ipika꞉ pi opimiki wanda꞉hali paeyaota꞉ penkilipa꞉tia pomimikime.

Luku 2:48

Ipika꞉ apa꞉ ama꞉ yaapoma꞉ta꞉ Yesu hando haota꞉ penkilipa꞉tia pomipikime. Kutupa Yesuna꞉ ama꞉ma꞉ alota꞉ Ya wekio. Ekipeke nakana꞉ma꞉ diki pa꞉ta꞉ dupiki hau pea pelepe. Neke weitolo hata꞉ naka꞉ apa꞉ dikana꞉ma꞉ pomoma꞉ wotu homopa꞉me leekeme.

Luku 21:15

Pa ekipeke I̱ma꞉ iki pa꞉ta꞉ kutupiki pimanu make epeke hone make kua꞉ka꞉na꞉ta꞉ ika꞉ a꞉nda꞉ tunkuliki haliweki homeke a꞉nda꞉ma꞉ make na tumbalimikie. Kutupa ika꞉ pi na yoko baalimikie.

Luku 4:21

Kota꞉ Yesuma꞉ iki pa꞉ta꞉ pi alo hata꞉ alota꞉ Do yata꞉pa kua꞉ hande Baibolo pita꞉ ikana꞉ma꞉ opitolo hamena꞉ kone ota꞉ ame do kone yaya꞉me leekeme.

Dioni 1:45

Koto ekina꞉ Pilipima꞉ Nada꞉niele handa꞉ wia ipiki pa꞉ta꞉ alota꞉ Hande Mosesima꞉ Lo Pimanu wape pitolo hata꞉ wape pa꞉la꞉ halita꞉ mo Koda꞉na꞉ potopede haliwekima꞉ wape pa꞉la꞉ hali kone handa꞉ uluma꞉me. Ipikita꞉ Na꞉sa꞉tete hali Diosepena꞉ eiyeke Yesue laa leekeme.

Dioni 6:42

Koto ekina꞉ mo wanda꞉halima꞉ alota꞉ Do halita꞉ Yesue la Diosepena꞉ eiyeke na hala꞉pe laata꞉ inkiki ateke yaapo amba꞉ handoloma꞉me. Ekipeke I̱ta꞉ oli hepeni nane hao hola꞉pa꞉niao epoa꞉me ala꞉pe lemekeme.

Dioni 7:46

Mo tembolo da handeteke haemeke haliwekima꞉ ika꞉ pi hombo peaaso alota꞉ Amba꞉ hata꞉ make do halima꞉ ala꞉ tupa꞉ ma꞉nda꞉ma꞉ dupiki pi na leekeme.

Aposolo 6:10

Kutu pimikipate Holi Sipitidima꞉ wele peaaso haena꞉ ipika꞉ hone epekeeki wia hata꞉ pi la꞉tiki pieke ekita꞉ ma꞉nda꞉ma꞉ bepolaapeke na yekeme.

Taitasi 2:8

Naka꞉ lolo pele pi manuta꞉ mandane wanda꞉halima꞉ la la pu hoeyaama꞉na꞉ma꞉ ala꞉ta꞉ na ta̱leke pi manuma꞉ walo hapeke. Mo naka꞉ a꞉nda꞉ tunkuliki wanda꞉halima꞉ koto hau handaata꞉ ikana꞉ma꞉ nika꞉ pitoloma꞉ ekina꞉ hokeeki ma꞉nda꞉ na handemeka꞉na꞉ta꞉ pi ma꞉nda꞉ lapeke na ya꞉la꞉me hone witolo yaala꞉ma꞉ homilimikie.