Luku 3:36 - Panake Pi La: Ula: Buka pita: Kine Pieke Buka

³⁶ Silata꞉ Keinanina꞉ eiyeke hayekeme. Keinanita꞉ Apa꞉ka꞉sa꞉dina꞉ eiyeke hayekeme. Apa꞉ka꞉sa꞉dita꞉ Siemena꞉ eiyeke hayekeme. Siemeta꞉ Noana꞉ eiyeke hayekeme. Noata꞉ Lamekena꞉ eiyeke hayekeme.

Luku 3:36 ပူးပေါင်းရင်းမြစ်များ

Kini Pieke 5:3

A꞉da꞉ma꞉ ipika꞉ bapi 130 mieketa꞉ ipikima꞉ handeke weki ma꞉nda꞉ mondu wiaata꞉ ipika꞉ bikita꞉ Sedi leekeme.

Kini Pieke 6:22

Koto leeke handaa Noama꞉ta꞉ Koda꞉ma꞉ pea꞉peke leeke hau sunu paeya꞉ tapao ana꞉na꞉ piekeme.

Kini Pieke 7:13

Koto kone Koda꞉ma꞉ pua꞉peke leeke natena꞉ta꞉ Noa tooli make ipilika꞉ eiyeke tonu Seme make Ha꞉me make Dieipedi make ika꞉ weteke tonu make paeyao oni sisima pa꞉ta꞉ honda꞉ pambemekeme.

Kini Pieke 7:23

Mo Tekehalima꞉ta꞉ do kenkena꞉ pa pitiki alemanu paeyao hoeyaeyekeme. Wanda꞉hali make hotekemanu make bamanu make paeya꞉ tapao hoeyaeyekeme. Pate Noa ame̱le̱ oni sisima pa꞉ta꞉ pitimikieki homeke pa pambo haemekeme.

Kini Pieke 8:1

Koda꞉ma꞉ta꞉ Noa pita꞉ mo sisima pa꞉ta꞉ pitimiki tapake paeyaota꞉ hone na yonka꞉laeyekeme. Ipikana꞉ma꞉ po epena꞉ leeketa꞉ mo ikali kini pea o̱ loma꞉ loma꞉ piekeme.

Kini Pieke 9:1

Koda꞉ma꞉ Noa a꞉tala꞉ a꞉tala꞉ pa꞉ta꞉ epeaasa꞉ pima꞉ alota꞉ Ika꞉ monduma꞉ monduma꞉ pilimi wekiwandikita꞉ do kenke honiki paeyao pa꞉ta꞉ haena꞉ma꞉ wekiwandiki wopu mendia꞉pa꞉peke.

Kini Pieke 9:18

Mo sisima pa꞉ta꞉ pita pemeke Noana꞉ eiyeke tonuta꞉ Seme make Ha꞉me make Dieipedi makee. Ha꞉meta꞉ Keinanina꞉ atekee

Luku 17:27

Wanda꞉halima꞉ ika꞉ ne ikali na꞉tiki wanda꞉ mea꞉tiki halina꞉ da pua꞉tiki putia a꞉pa Noa kawaso pa꞉ta꞉ honda꞉ pambeeke nate opolo epeekeme. Kutu piki haumanu pu haemekepate koto tomona꞉ kone ikali talo hata꞉ iki paeyao lu homaeyekeme.

Luku 3:35

Neihota꞉ Setakona꞉ eiyeke hayekeme. Setakota꞉ Eteyuna꞉ eiyeke hayekeme. Eteyuta꞉ Pelekena꞉ eiyeke hayekeme. Peleketa꞉ Ebena꞉ eiyeke hayekeme. Ebeta꞉ Silana꞉ eiyeke hayekeme.

Luku 3:37

Lameketa꞉ Madiuselana꞉ eiyeke hayekeme. Madiuselata꞉ Inokana꞉ eiyeke hayekeme. Inokata꞉ Dia꞉tedina꞉ eiyeke hayekeme. Dia꞉tedita꞉ Mahalalielina꞉ eiyeke hayekeme. Mahalalielita꞉ Kenanina꞉ eiyeke hayekeme.

Hibulu 11:7

Koda꞉ma꞉ wetepe epolo pieke hau manuta꞉ Noa pa꞉ta꞉ kinki piekeme. Koto hau manuta꞉ Noama꞉ handa꞉peke na yekepate kone ipika꞉ hone tulaaso hata꞉ Koda꞉na꞉ pi opiekeme. Koto leeke Koda꞉na꞉ kakena꞉ homolo mo wepie leeke kawaso tieke wepiekeme. Koto kawasoma꞉ta꞉ ipiki make ipika꞉ wekiwanda꞉ make peteleekeme. Noama꞉ mo hande Koda꞉ma꞉ leeke pi telia pieke handaa Koda꞉ma꞉ mo hone tulaasemeke hala꞉la꞉ tikitiki piki hauta꞉ Noa pa꞉ta꞉ haleekepate paa pa haemeke mandane wanda꞉hali paeyaota꞉ ota꞉ hoeyaeyekeme.

1 Pida 3:20

Mo temoko manuta꞉ amba꞉ hande Noama꞉ mo kawaso eiyeke pita꞉ma꞉ haemeke wanda꞉halina꞉ temokomanue. Koto pita꞉ma꞉ta꞉ kota꞉ koto wanda꞉halima꞉ta꞉ ikana꞉ma꞉ pi mina꞉ yu wia handeteke hayeke Koda꞉na꞉ pi na opimikime. Kutu pieketa꞉ mo hande kawaso tukiki pa꞉ta꞉ta꞉ wanda꞉hali hombo a꞉nda꞉ iki paeyaota꞉ ketepo hata꞉ mo ikalima꞉ peteleekeme.

2 Pida 2:5

Koda꞉ma꞉ta꞉ mo hande amba꞉ kenkena꞉ hoke yenkita꞉ na mina꞉pa꞉lae yekepate ipiki hoki walemeke wanda꞉halita꞉ ikali tala꞉ ekima꞉ mina꞉ leekeme. Ipikana꞉ma꞉ tamba꞉ mieke wanda꞉halita꞉ mo ota꞉ ekina꞉ pi walo hayeke hali Noa pita꞉ mandane watake hata꞉ wanda꞉hali pea tamba꞉ miekeme.