Luku 3:23 - Panake Pi La: Ula: Buka pita: Kine Pieke Buka

²³ Yesu ipika꞉ bapita꞉ hali tieke homeke paeyao kiki yaapo bapimanu tupa꞉ yeketa꞉ ipika꞉ e kinipea pokeekeme. Mo wanda꞉halima꞉ hone witolota꞉ ipikita꞉ Diosepena꞉ eiyekee hone wimikime. Diosepe ipikita꞉ Helina꞉ eiyeke hayekeme.

Luku 3:23 ပူးပေါင်းရင်းမြစ်များ

Ma꞉tiu 1:1

Dota꞉ mo hande Yesu Ketisona꞉ apa꞉meina꞉ bikimanu wape pa꞉la꞉ekie. Deipidita꞉ Yesuna꞉ meiyeke hayekeme. Kutupa Eipoloha꞉ma꞉ta꞉ Deipidina꞉ meiyeke hayekeme.

Ma꞉tiu 1:16

Dieikopema꞉ta꞉ mo hande Meti mieke hali Diosepe mondu wiekeme. Metima꞉ta꞉ mo hande Yesu biki ma꞉nda꞉ Ketiso lo pieke hali mondu wiekeme.

Ma꞉tiu 1:6

Diesima꞉ta꞉ mo hande kini halo pieke hali Deipidi mondu wiekeme. Deipidima꞉ta꞉ Solomono mondu wiekeme. Koto Solomono ipika꞉ ama꞉ta꞉ titina꞉ Yutaeyama꞉ miekeme.

Ma꞉tiu 13:55

Ipikita꞉ mo hande da a꞉eta꞉la꞉ halina꞉ eiyeke kutupa ipika꞉ inkikita꞉ Meti dia꞉yeke yekea. Ipikita꞉ mo hande Dia꞉mesi Diosepe Saimono Diudasi do hama̱la̱꞉ hama̱la̱꞉na꞉ hameke dia꞉yeke yekea.

Ma꞉tiu 4:17

Koto tomona꞉ta꞉ Yesuma꞉ ipika꞉ pi walolota꞉ dupa Koda꞉na꞉ Kilu Tombuao Hala꞉ ekita꞉ teke pa꞉ta꞉ ya꞉la꞉ma꞉ ika꞉ hoke haumanu hoki walaa la꞉ka꞉la꞉pa꞉peke lo hayekeme.

Maka 6:3

Do halita꞉ kapenda hali dia꞉ya꞉ka꞉ta꞉pe laa Metina꞉ eiyeke dia꞉ya꞉ka꞉ta꞉pe. Dia꞉mesi Diosepe Diudasi make Saimono make ipika꞉ hameke titi dia꞉ya꞉ka꞉ta꞉pe laa Ipika꞉ beliki titi do pa꞉ta꞉ niki ame̱le̱ na halemepe lemekeme. Kutupa ipiki pa꞉ta꞉ honditi pitolo hata꞉ lemekeme.

Luku 2:48

Ipika꞉ apa꞉ ama꞉ yaapoma꞉ta꞉ Yesu hando haota꞉ penkilipa꞉tia pomipikime. Kutupa Yesuna꞉ ama꞉ma꞉ alota꞉ Ya wekio. Ekipeke nakana꞉ma꞉ diki pa꞉ta꞉ dupiki hau pea pelepe. Neke weitolo hata꞉ naka꞉ apa꞉ dikana꞉ma꞉ pomoma꞉ wotu homopa꞉me leekeme.

Luku 3:31

Elaia꞉kimita꞉ Meleana꞉ eiyeke hayekeme. Meleata꞉ Menana꞉ eiyeke hayekeme. Menata꞉ Madadana꞉ eiyeke hayekeme. Madadata꞉ Neidanina꞉ eiyeke hayekeme. Neidanita꞉ Deipidina꞉ eiyeke hayekeme. Deipidita꞉ Diesina꞉ eiyeke hayekeme.

Luku 4:22

Ipika꞉ leeke pi manuma꞉ tende pieke handaa iki paeyao siki leke opa penkiliputia pominolo hata꞉ make haleke lomba mo ikana꞉ma꞉ ipikina꞉ do pi lemekeme. Ipikita꞉ Diosepena꞉ eiyeke dia꞉yekea laa ika꞉ ika꞉ kone lota꞉ pu alu alu pimikime.

Dioni 1:45

Koto ekina꞉ Pilipima꞉ Nada꞉niele handa꞉ wia ipiki pa꞉ta꞉ alota꞉ Hande Mosesima꞉ Lo Pimanu wape pitolo hata꞉ wape pa꞉la꞉ halita꞉ mo Koda꞉na꞉ potopede haliwekima꞉ wape pa꞉la꞉ hali kone handa꞉ uluma꞉me. Ipikita꞉ Na꞉sa꞉tete hali Diosepena꞉ eiyeke Yesue laa leekeme.

Dioni 6:42

Koto ekina꞉ mo wanda꞉halima꞉ alota꞉ Do halita꞉ Yesue la Diosepena꞉ eiyeke na hala꞉pe laata꞉ inkiki ateke yaapo amba꞉ handoloma꞉me. Ekipeke I̱ta꞉ oli hepeni nane hao hola꞉pa꞉niao epoa꞉me ala꞉pe lemekeme.

Aposolo 1:1

Diopilusio. I̱ma꞉ta꞉ titina꞉ buka wape pua꞉ ekina꞉ Yesuma꞉ ipika꞉ e kini pea mea pokeeke natena꞉ kini pea pua kutupa pa ipiki oli hepeni nane peeke natena꞉ ipikana꞉ma꞉ piekeeki make wala꞉tiki piekeeki make paeyao wape pua꞉me.