Luku 3:14 - Panake Pi La: Ula: Buka pita: Kine Pieke Buka

¹⁴ Mandane ami haliwekima꞉ make a꞉pa lota꞉ pitolo hata꞉ alota꞉ Nikana꞉ma꞉ make ekipiki haumanu peomonope lemekeme. Koto lemeke Dionima꞉ iki pa꞉ta꞉ alota꞉ Ma꞉nda꞉na꞉ mani pake muluekema꞉ paala꞉ tiao o yayapiki ekina꞉ pa hameke la꞉ tiaasa꞉eki ota꞉ na pea꞉pa꞉peke. Kutupa ika꞉ e pokaasemeke kita꞉la꞉ yenkita꞉ ana꞉na꞉ kita꞉la꞉me hone wia꞉pa꞉peke leekeme.

Luku 3:14 ပူးပေါင်းရင်းမြစ်များ

Ma꞉tiu 8:5

Yesu mo hande Kapeneami daoni pa꞉ta꞉ opolo pua haena꞉ mo hande Loma꞉ wanda꞉halina꞉ ami haliwekina꞉ you halima꞉ Yesu manda꞉ hande pitolo honke alo alota꞉

Luku 19:8

Kutu pimikipate Sa꞉kiasi tiao hata꞉ Tekehali pa꞉ta꞉ alota꞉ Tekehalio. Opie. I̱ma꞉ yaka ala꞉ta꞉ ala꞉ta꞉ tukikina꞉ telipa mandane ekita꞉ mo natehali wanda꞉hali pa꞉ta꞉ halueke. Kutupa I̱ma꞉ wanda꞉hali a꞉nda꞉ makeao pake a꞉nda꞉ noa꞉ka꞉na꞉ta꞉ kota꞉ I̱ma꞉ta꞉ hoto tonkopuna꞉ paka꞉lao paa hala꞉tiki pulueke leekeme.

Luku 3:10

Do pimanu opua mo wanda꞉halima꞉ Dioni pa꞉ta꞉ lota꞉ pitolo hata꞉ alota꞉ Kota꞉ nikana꞉ma꞉ta꞉ eki hau peomonope lemekeme.

Luku 3:13

Koto lemeke Dionima꞉ hombo peaaso alota꞉ Ikana꞉ma꞉ mo wanda꞉halina꞉ dakisi mani mimika꞉na꞉ta꞉ kota꞉ haka꞉ta꞉pao na miki mo Kapomanina꞉ Lo pima꞉ tombo ula꞉ tupa꞉ mia꞉pa꞉peke leekeme.

Aposolo 10:7

Kutupa mo hande ipiki pa꞉ta꞉ pi leeke enisolo peeke nane ipika꞉ e pokao hayeke hali yaapo make ipiki teke pa꞉ta꞉ hayeke ami hali homeke make wi leekeme. Mo ipiki teke pa꞉ta꞉ hayeke ami halita꞉ Koda꞉ pa꞉ta꞉ paala꞉ma꞉ homo hayekeme.

Pilipai 4:11

Kutupa I̱ma꞉ honumake hali halome hone witolo hata꞉ do pi na alome. Pa ekipeke. Mo ya halo ta꞉ta꞉ ta꞉ta꞉ piki tupa꞉ paeyaona꞉ ta꞉na꞉ma꞉ homuluekema꞉ hone ulume.

Taitasi 2:3

Mo keileke wanda꞉weki pa꞉ta꞉ make koto tupa꞉ kone alota꞉ Iki make yako piki wanda꞉weki hapeke ya꞉la꞉ tupa꞉ hapa꞉peke la alota꞉ mo hande keileke wanda꞉weki pa꞉ta꞉ ikana꞉ma꞉ laasa꞉ hau na pu make mo waini ikalima꞉ ika꞉ hone hoeyaama꞉na꞉ wopu na neke hata꞉ make ikana꞉ma꞉ mo panake wanda꞉weki pa꞉ta꞉ epeke hau pita꞉la꞉ ekimanu wala꞉ tiaapa꞉peke la wala꞉peke.

Peneme Yaeyekeeki 12:10

Kutupa oli hepeni nane pi ho̱la̱꞉make tiekema꞉ alota꞉ Ameta꞉ niki da꞉ta꞉monoyeke Koda꞉na꞉ pa꞉ta꞉la꞉la꞉eki ta a꞉pa꞉la꞉ handa꞉e. Ameta꞉ Koda꞉ ipiki kini hata꞉ ipika꞉ weleta꞉ peneme yaasa꞉ handa꞉e. Ameta꞉ ipika꞉ ma̱leke lila꞉ Ketisoma꞉ ipika꞉ handeteke hala꞉eki peneme yao wala꞉la꞉ handa꞉e. Pa ekipeke nika꞉ Koda꞉na꞉ puki tikitikina꞉ hata꞉ peliolo da kelepolo nika꞉ kamemanu ma̱leke lia hokeeki pa꞉la꞉me lo haya꞉ halita꞉ oli hepeni mina꞉pa꞉lao tolu lopaala꞉me.