Luku 24:47 - Panake Pi La: Ula: Buka pita: Kine Pieke Buka

⁴⁷ ipika꞉ bikina꞉ mo hoke hauna꞉ hone la꞉ka꞉la꞉la꞉eki make pa paeyaasa꞉eki make mo Diutuseleme da pa꞉ta꞉ kini pea pua mo kenke honiki paeyao pa꞉ta꞉ haleme wanda꞉hali pa꞉ta꞉ ota꞉ walotia pua꞉pa꞉peke ya꞉la꞉me.

Luku 24:47 ပူးပေါင်းရင်းမြစ်များ

Kini Pieke 12:3

Mo neke epealimi wanda꞉halita꞉ I̱ma꞉ epealo polopate. Mo neke pa꞉ta꞉ esihou pi lelimi wanda꞉halita꞉ kota꞉ I̱ma꞉ iki pa꞉ta꞉ esihou pi laalueke. Kutupa neke pa꞉ta꞉ yama꞉ta꞉ mo tutu ta꞉ta꞉ ta꞉ta꞉ paeyao epealueke leekeme.

Ma꞉tiu 28:19

Koto ekina꞉ta꞉ wanda꞉hali paeyao ya disaipolo haena꞉ mea hamena꞉ kenke honiki honiki paeyao pa꞉ta꞉ wala꞉tia pu hapa꞉peke. Koto ya disaipolo halimi wanda꞉halita꞉ Koda꞉na꞉ bikina꞉ make Ya bikina꞉ make mo Holi Sipitidina꞉ bikina꞉ make bapitaisi hau peao hapa꞉peke.

Ma꞉tiu 3:2

Mo hande hepenina꞉ Kilu Tombuao Hala꞉ ekita꞉ teke pa꞉ta꞉ ya꞉la꞉ma꞉ ika꞉ hoke haumanu paeyao mina꞉pa꞉lao hoki wala꞉pa꞉peke leekeme.

Ma꞉tiu 9:13

Hande Baiboloma꞉ alota꞉ Mo hoteke lia hala꞉la꞉ ekita꞉ I̱ma꞉ hone na pa꞉la꞉pate a꞉ta꞉ma꞉ homo hasa꞉ hau homeke hone pa꞉la꞉me la꞉la꞉ pina꞉ tekemanu amba꞉la hone uemena꞉ ikana꞉ma꞉ pua weiya꞉pe. I̱ma꞉ta꞉ epeke hau pu hala꞉ wanda꞉hali hone ma꞉nda꞉ la꞉ka꞉la wina꞉yeke wi loluekema꞉ na epoa꞉pate pa hoke hau pu hala꞉ wanda꞉halima꞉ hone ma꞉nda꞉ la꞉ka꞉la wina꞉yeke wi loluekema꞉ epoa꞉me leekeme.

Luku 13:34

Diutuseleme Diutuselemeo. A꞉ta꞉ tiekee. Nakana꞉ma꞉ta꞉ mo potopede haliwekita꞉ liki hau ombu peaata꞉ toopima꞉ lu homao haleme. I̱ma꞉ta꞉ ikita꞉ mo hande wanda꞉ koka꞉la꞉ma꞉ ipika꞉ ikiki sunu ipika꞉ popake itiki oto pa꞉ta꞉ mea momba꞉lao hala꞉ tupa꞉ I̱ma꞉ make koto tupa꞉ kone naka꞉ wekiwandiki ya kikima꞉ hapisa꞉ pu halopate nakana꞉ma꞉ kiao haleme.

Aposolo 10:43

Mo hande potopede haliweki paeyaoma꞉ ipiki pa꞉ta꞉ lemeke ekita꞉ dupae. Hali epima꞉ ipika꞉ pi miniki haya꞉ka꞉na꞉ta꞉ kota꞉ ipika꞉ bikina꞉ mo hoke hau piekeeki pa tombuaasa꞉eki milieke lemekeme leekeme.

Aposolo 11:18

Mo haliwekima꞉ Pidama꞉ leekeeki opuaata꞉ ika꞉ lota꞉ lota꞉ pimiki pimanu tunkulata꞉ Koda꞉na꞉ pi laaso hata꞉ alota꞉ Koda꞉ma꞉ta꞉ mo Diendaili wanda꞉halima꞉ make hone ma꞉nda꞉ la꞉ka꞉la꞉ mina wia da꞉ta꞉la꞉eki mea꞉pa꞉peke pota꞉ lombolo piekeme lemekeme.

Aposolo 13:46

Kutupa Solo pita꞉ Banabasi yaapoma꞉ paala꞉ma꞉ na homeke hata꞉ pi alo alota꞉ Iki pa꞉ta꞉ amba꞉la Koda꞉na꞉ pi ale wala꞉peke ya꞉la꞉pateo. Ikana꞉ma꞉ kiaaso hata꞉ Nikita꞉ deto hala꞉eki mea꞉peke na ya꞉la꞉me alemeke handaata꞉ kota꞉ handa꞉pe. Mo Diendaili wanda꞉hali pa꞉ta꞉ walo pulupa꞉me lepekeme.

Aposolo 2:38

Koto lemeke handaa Pidama꞉ iki pa꞉ta꞉ alota꞉ Koda꞉ma꞉ ika꞉ hoke hau peleme ekimanu pa paeyaena꞉yeke hone ma꞉nda꞉ la꞉ka꞉la꞉ mina wiaata꞉ Yesu Ketisona꞉ bikina꞉ bapitaisi hau pea꞉pa꞉peke. Kutu pimika꞉na꞉ta꞉ Koda꞉ma꞉ kilie aleta꞉ mo Holi Sipitidi kilieke.

Aposolo 20:21

Kutupa Diu wanda꞉hali pa꞉ta꞉ make Kitiki wanda꞉hali pa꞉ta꞉ make ika꞉ Koda꞉ pa꞉ta꞉ hone ma꞉nda꞉ la꞉ka꞉la꞉ mina꞉ wiaata꞉ nika꞉ Tekehali Yesu Ketisona꞉ pi miniki haena꞉yeke walo haowa꞉ ekita꞉ handememe lea꞉me.

Aposolo 26:18

Ika꞉ leke kilaowalena꞉ yeke neke tapaasome lea꞉me. Ikana꞉ma꞉ timba꞉ lo pamba꞉la꞉eki la꞉ka꞉la mina꞉pa꞉lao pa̱a̱na꞉ epoemena꞉yeke pua꞉me. Hande Sadanina꞉ wele pa꞉la꞉eki la꞉ka꞉la mina꞉pa꞉lao Koda꞉na꞉eki hamina꞉yeke pua꞉me. Koto ekina꞉ ika꞉ hoke hau pita꞉la꞉ ekimanu Koda꞉ma꞉ pa tombuao hala꞉eki muemena꞉yeke pua꞉me. Kutupa ikana꞉ma꞉ yaka pi mina꞉leke handa talopu mea haena꞉ lolo wanda꞉hali ame̱le̱ tukiki pa꞉ta꞉ a꞉pa hamina꞉yeke pua꞉me lea꞉me.

Aposolo 26:20

Mo Damasikasi da wanda꞉hali pa꞉ta꞉ amba꞉la wala kutupa Diutuseleme da pa꞉ta꞉ make mo Diudia nane paeyao make kutupa Diendaili wanda꞉hali pa꞉ta꞉ make iki paeyaoma꞉ Koda꞉ pa꞉ta꞉ la꞉ka꞉lolo hata꞉ hone ma꞉nda꞉ la꞉ka꞉la witolo epeke haumanu pina꞉yeke pi waloendi pu haowa꞉me.

Aposolo 28:28

Kutupa Poloma꞉ lo paeyaaso hata꞉ alota꞉ Hone wia꞉pa꞉peke. Koda꞉ma꞉ ipika꞉ da꞉taasa꞉ pita꞉ mo Diendaili wanda꞉hali pa꞉ta꞉ tapaasa꞉ma꞉ opilimikie laa lea꞉me.

Aposolo 3:19

Koto pa꞉la꞉ ekina꞉ ika꞉ hoke hau peleme ekimanu Koda꞉ma꞉ honi mea baena꞉yeke ikana꞉ma꞉ hone ma꞉nda꞉ la꞉ka꞉la꞉ mina wiaata꞉ Koda꞉ pa꞉ta꞉ la꞉ka꞉la꞉ mina pua꞉pa꞉peke.

Aposolo 4:12

Kutupa niki mea detemono pa꞉ta꞉la꞉la꞉ hali ma꞉nda꞉ na hala꞉me. Oli ya oto pa꞉ta꞉ta꞉ mo wanda꞉hali mea da꞉taasa꞉ halina꞉ biki ma꞉nda꞉ dia꞉ya꞉leke loa꞉me leekeme.

Aposolo 5:31

Koda꞉ma꞉ Yesu paa mea tiaota꞉ ipikita꞉ Titina꞉ Pula꞉ Hali make Da꞉taasa꞉ Hali make ipika꞉ popeke kiki nane haena꞉ laata꞉ Isulai wanda꞉halima꞉ hone ma꞉nda꞉ la꞉ka꞉la mina wiaata꞉ ika꞉ hoke hau peleme ekimanu pa tumbaena꞉yeke piekeme.

Loma꞉ 5:20

Hande Lo Pi manuta꞉ wanda꞉halima꞉ hao hoeyaaseme ekimanu daeyaena꞉yeke Koda꞉ma꞉ wetepena꞉ Mosesi pa꞉ta꞉ la haleekeme. Kutu piekepate hoke haumanu daeya꞉tia peekepate Koda꞉ma꞉ pa hameke a꞉ta꞉ma꞉ homa꞉la꞉eki tiekema꞉ daeya꞉tia pulu hata꞉ lu ankulala꞉me.

Epesese 1:6

Koda꞉ma꞉ niki pa꞉ta꞉ pa hameke a꞉ta꞉ma꞉ wotu homa꞉la꞉ ekina꞉ make ipika꞉ hone pieke Eiyeke niki kitolo pa hameke kita꞉la꞉ ale tonka꞉na꞉ ka꞉la꞉ ekina꞉ make Koda꞉na꞉ pi laamana꞉e.

Epesese 3:8

Koda꞉na꞉ wanda꞉hali paeyao titina꞉ haena꞉ I̱ta꞉ ota꞉ wetepe nane halopate Koda꞉ma꞉ta꞉ mo Diendaili wanda꞉hali pa꞉ta꞉ hande Pi Seliapo I̱ma꞉ walo ponoyeke I̱ pa꞉ta꞉ kia꞉me. Hande Pi Seliapo pa꞉ta꞉ta꞉ Ketiso ipika꞉ paelo pua꞉peke na ya꞉la꞉ hamoko hala꞉eki pila꞉me.

Kolosi 1:27

Koda꞉na꞉ pulueke hone ula꞉ ekita꞉ ipika꞉ a꞉mbao ula꞉ ekita꞉ ipika꞉ wanda꞉halima꞉ hone wina꞉e hone wita꞉la꞉me. Do napeke wia seliapo piki a꞉mbao ula꞉ ekita꞉ paeyaoma꞉ hone wina꞉ ula꞉ ekina꞉ loa꞉me. Do a꞉mbao ula꞉ ekita꞉ Ketisota꞉ iki pa꞉ta꞉ hala꞉me. Koto ekina꞉ta꞉ ikita꞉ Koda꞉na꞉ pa̱a̱ pa꞉ta꞉ pua halimikie la ala꞉me.

1 Dioni 2:12

Yaka wekiwandikio. Mo Ketisona꞉ bikina꞉ ika꞉ hoke hauta꞉ amba꞉ paeyawala꞉ ekina꞉ I̱ma꞉ iki pa꞉ta꞉ do pi laasome.