Luku 24:44 - Panake Pi La: Ula: Buka pita: Kine Pieke Buka

⁴⁴ Kutupa Yesuma꞉ iki pa꞉ta꞉ alota꞉ Do hau manuta꞉ hande I̱ ame̱le̱ haeme dina꞉ la kua꞉ ekimanue. Mo hande Mosesina꞉ Lo Pi wape pea ula꞉ ekina꞉ make hande potopede haliwekima꞉ wape pea ula꞉ ekina꞉ make hande Emeli bukana꞉ wape pea ula꞉ ekina꞉ make I̱na꞉ lao ula꞉eki manuta꞉ ota꞉ yaapeke ya꞉la꞉me leekeme.

Luku 24:44 ပူးပေါင်းရင်းမြစ်များ

Kini Pieke 14:18

Kutupa mo Seilimina꞉ kini pita꞉ mo Manda Hala꞉ Koda꞉na꞉ yeni peao hala꞉ hali Melekisedekema꞉ta꞉ Eipola꞉ma꞉ pa꞉ta꞉ betedi make waini ikali make mea a꞉paeyekeme.

Kini Pieke 22:18

Mo nakana꞉ma꞉ yaka pi opele ekina꞉ I̱ma꞉ naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ yama꞉ta꞉ mo tutu paeyao sikita꞉ epeaasa꞉eki mina꞉ lolueke leekeme.

Kini Pieke 3:15

Kutupa I̱ma꞉ neketa꞉ mo wanda꞉ yaapo a꞉nda꞉ tunkula꞉ alu peao ipika꞉ monduma꞉ monduma꞉ pilia꞉ wekiwandikima꞉ make naka꞉ ekima꞉ make a꞉nda꞉ tunkula꞉ alu alu pu haena꞉ lolueke. Ipikana꞉ma꞉ naka꞉ you da꞉ka꞉pa꞉ tombuaeya꞉ka꞉na꞉ta꞉ nakana꞉ma꞉ ipika꞉ anke kinuku handulu nelipikie leekeme.

Kini Pieke 49:10

Diudama꞉ta꞉ mo kinina꞉ minu hala꞉ dolo miniki halieke. Kutupa ipika꞉ monduma꞉ monduma꞉ pilia꞉ wekiwandikina꞉ wekiwandiki pa꞉ta꞉ yama꞉ kini halimanu hoto paeyao handeteke hao hatiki pilimikie. Tutu manuma꞉ta꞉ ipika꞉ dakisi hambuluekema꞉ ala꞉ta꞉ ala꞉ta꞉ mea a꞉palimikie. Kutupa ipiki pa꞉ta꞉ homu pitolo hata꞉ panda꞉punialimikie.

Ma꞉tiu 1:22

Meti pa꞉ta꞉ do haumanu peayeke ekita꞉ mo Tekehalima꞉ amba꞉ titina꞉ ipika꞉ potopede hali pa꞉ta꞉ yama꞉ la꞉ wieke pimanu paeyao peneme yaaluekema꞉ yeke piekeme.

Ma꞉tiu 16:21

Koto natena꞉ kini pu meata꞉ Yesuma꞉ ipika꞉ disaipolo tonu peneme yao alo hata꞉ dupa leekeme. I̱ta꞉ ota꞉ Diutuseleme da nane polueke. Kutu pua꞉ka꞉na꞉ta꞉ koto pa꞉ta꞉ mo you haliwekima꞉ make yeni peao haleme you haliwekima꞉ make wape pea wala꞉tiki pu haleme haliwekima꞉ make I̱ tanda tieke ota꞉ wotu kilimikie leekeme. I̱ kiao limika꞉na꞉ta꞉ homuluepate hoto tepo naku pa꞉ta꞉ wia paa da꞉taa tiao halueke leekeme.

Ma꞉tiu 26:54

Wi lolo pua꞉peke ya꞉la꞉pate kutu pua꞉ka꞉na꞉ta꞉ kota꞉ pa mo amba꞉ Baiboloma꞉ pilieke laa la꞉ ula꞉ haumanu ekipa yaaliepe leekeme.

Ma꞉tiu 26:56

Pate do ikana꞉ma꞉ piteme hau manuta꞉ mo hande amba꞉ potopede haliweki ikana꞉ma꞉ mo Baibolo tukiki pa꞉ta꞉ wape pea ula꞉ pimanu peneme yaaluekema꞉ pitememe leekeme. Koto toma꞉na꞉ta꞉ ipika꞉ disaipolo haliweki paeyaoma꞉ Yesu mina꞉pa꞉lao kilipa pemekeme.

Luku 21:22

Pa ekipeke do hau paeyaota꞉ hande Baiboloma꞉ la꞉la꞉ tupa꞉ Mo tanda mia꞉peke natemanu la꞉la꞉ nate peneme yaaluekema꞉ pilieke.

Luku 22:37

Pa ekipeke. I̱ma꞉ iki pa꞉ta꞉ ota꞉ alome. Mo hande Baiboloma꞉ lao witolota꞉ Ikana꞉ma꞉ ipikita꞉ mo pi ula꞉eki yambeleme haliweki ame̱le̱ mandakena꞉ apa꞉tao yata꞉pilimikie la꞉la꞉ ekita꞉ I̱na꞉ ota꞉ peneme yaena꞉e. Pa ekipeke. Mo hande I̱na꞉ lao wiekeeki paeyaota꞉ ameta꞉ ota꞉ peneme yao ipula꞉me leekeme.

Luku 24:46

iki pa꞉ta꞉ alota꞉ Dupa wape pea ula꞉me. Hande Ketisota꞉ tanda amba꞉la ota꞉ mea homaata꞉ hoto tepo peaasota꞉ ota꞉ paa tialieke laa wape pa꞉la꞉me. Kutupa make

Luku 9:22

Yesuma꞉ paa pi ma꞉nda꞉ alo alota꞉ Wanda꞉halina꞉ Eiyeketa꞉ tanda tieke ota꞉ wotu meaata꞉ mo Diu tondiki haliwekima꞉ make yeni peao haleme you haliwekima꞉ make wape pea ula꞉ Lo Pimanu wala꞉tiki pu haleme haliwekima꞉ make ipiki kialimikie. Ipikita꞉ homena꞉ lulu pelemepate hoto tepo wiaata꞉ paa tialieke leekeme.

Luku 9:44

Ikana꞉ma꞉ I̱ma꞉ la kulu polo pi opua hone na yonka꞉lapa꞉peke. Wanda꞉halina꞉ Eiyeketa꞉ mo mandane haliwekina꞉ kiki pa꞉ta꞉ hala꞉ monealieke leekeme.

Dioni 3:14

Hande Mosesima꞉ mo hapu hayeke alena꞉ hata꞉ mo keto mea a꞉meiyaeyeke tupa꞉ta꞉ kota꞉ koto tupa꞉ kone hande Wanda꞉halina꞉ Eiyeketa꞉

Dioni 5:39

Deto hala꞉eki handa꞉ uluekema꞉ ikana꞉ma꞉ mo hande Baibolo buka pimanu pa꞉ta꞉ teke weitelemepateta꞉ mo hande Baibolo buka pi manuma꞉ kone yaka pi lawaasa꞉me.

Dioni 5:46

Mosesima꞉ leeke pimanu ota꞉ekie laa hone tulaemekena꞉ yoluta꞉ kota꞉ yaka pimanu make opulu pimime. Mosesima꞉ wape pieke ekita꞉ I̱ pa꞉ta꞉ kone pieke ekina꞉ loa꞉me.

Aposolo 13:40

Koto pa꞉la꞉ ekina꞉ wotu handeteke hapa꞉peke. Mo hande potopede haliwekima꞉ leeke ekimanu iki pa꞉ta꞉ a꞉paama꞉na꞉ loa꞉me. Dupa

Aposolo 2:27

Pa ekipeke nakana꞉ma꞉ yaka temokota꞉ mo homemeke wanda꞉hali haleme alena꞉ na haena꞉ lelipikie. Kutupa naka꞉ yakopiki halita꞉ oni kenke pa꞉ta꞉ na tandepena꞉ lelipikiyeke loa꞉me.

Aposolo 3:18

Amba꞉ kiaake Koda꞉ma꞉ta꞉ ipika꞉ Ketisona꞉ tanda mulu pa꞉la꞉eki mo potopede haliweki paeyaoma꞉ la hale hale pina꞉ leekeme. Kutupa hande Koda꞉ma꞉ la꞉ wiekeeki kone ota꞉ yao ikana꞉ma꞉ do pimime.

Aposolo 7:37

Ipikana꞉ma꞉ mo Isulai wanda꞉hali pa꞉ta꞉ hali ma꞉nda꞉na꞉ dupa leekeme. Koda꞉ma꞉ I̱ tapaeya꞉ tupa꞉ iki pa꞉ta꞉ potopede hali ma꞉nda꞉ make tapaalieke. Koto someta꞉ ika꞉ tapake hali kone tapaalieke laa leekeme.

Hibulu 10:1

Mo Diu wanda꞉halina꞉ pi ula꞉eki manuta꞉ mo wetepe epolo pa꞉la꞉ ota꞉ hau seliapo tupa꞉ dia꞉me. Pa mo koto hauna꞉ su̱a̱ su̱a̱ tupa꞉ homeke ula꞉me. Wanda꞉halima꞉ mo pi ula꞉eki miniki hata꞉ bapi paeyao hotekena꞉ we hala꞉tiki hala꞉tiki pimikime. Kutu pimikipate mo hande pi ula꞉ ekima꞉ta꞉ hotekena꞉ wema꞉ mo Koda꞉ pa꞉ta꞉ yeni pulu polo peleme wanda꞉hali epeaapeke na yeekeme.

Hibulu 3:5

Mosesima꞉ e pokaasa꞉ hali hata꞉ Koda꞉na꞉ wanda꞉hali tukiki pa꞉ta꞉ e epeke tupa꞉ pokaeyekeme. Kutu pitolo hata꞉ta꞉ ipikana꞉ma꞉ mo Koda꞉ma꞉ wetepe lapeke yeke pi manuta꞉ iki pa꞉ta꞉ la haleekeme.

Hibulu 7:1

Do Melekisedeketa꞉ Seileme dana꞉ kini hali hayekeme. Kutaa make mo hande manda hala꞉ Koda꞉ pa꞉ta꞉ wanda꞉halina꞉ pi lawaasa꞉ hali hayekeme. Mo hande Eipoloha꞉ma꞉ma꞉ mo hande kini hali tonkopu ame̱le̱ a꞉nda꞉ pea bepolao da la꞉ka꞉la pulu haena꞉ do Melekisedekema꞉ manda꞉ hande peaata꞉ ipika꞉ epeaasa꞉ pima꞉ Eipoloha꞉ma꞉ wamo piekeme.

Hibulu 9:8

Koto hau manuna꞉ta꞉ mo Holi Sipitidima꞉ niki pa꞉ta꞉ wala꞉la꞉ ekita꞉ dupae. Mo mineke da panda꞉ pa꞉ta꞉ pokemeke emanu a꞉nda꞉ pa pokolo haemeke pita꞉ma꞉ta꞉ mo hande Ota꞉ Yako Piki Da Panda꞉ tukiki nane polo puma꞉ pota꞉ta꞉ na lumbu pa wiki pa poka꞉ pelia hayekeme.

1 Pida 1:11

Ketisona꞉ temokoma꞉ mo potopede haliweki tukiki pa꞉ta꞉ pita꞉ Ketiso ipika꞉ tanda mulu piekeeki make ipika꞉ pa̱a̱ma꞉ telimea epolo piekeeki make la꞉ wia waleeke pita꞉ma꞉ta꞉ ikana꞉ma꞉ koto hau manuta꞉ ekipa handima꞉ ipiliepe laa handuluekema꞉ weiyu taapo haemekeme.

Peneme Yaeyekeeki 19:10

I̱ta꞉ ipiki yeiya꞉ lao yeni puluku alo ipika꞉ anke teke pa꞉ta꞉ panda꞉puniao lopoa꞉ pa꞉ta꞉ ipikana꞉ma꞉ I̱ pa꞉ta꞉ alota꞉ Ei I̱ pa꞉ta꞉ kotoeki na pia꞉pema. I̱ta꞉ e pokaaso naka꞉ yankekee. Kutupa make naka꞉ kamemanu mo Yesuma꞉ peneme yaeya꞉ ota꞉ pimanu miniki haleme wanda꞉halina꞉ yankeke halome. Koda꞉ pa꞉ta꞉ homeke yeiya꞉ laaso hata꞉ yeni pu hapeke laa lea꞉me. Pa ekipeke mo Yesuma꞉ peneme yaeya꞉ ota꞉ ekita꞉ mo potopede haliwekima꞉ alemeeki hone u tiaasa꞉ekie.