Luku 24:30 - Panake Pi La: Ula: Buka pita: Kine Pieke Buka

³⁰ Kutupa mo hali yaapo ame̱le̱ ne nolueke alo pitiniaota꞉ Yesuma꞉ mo betedi mea keiyae laata꞉ pindipa mo hali yaapo haleekeme.

Luku 24:30 ပူးပေါင်းရင်းမြစ်များ

Ma꞉tiu 14:19

mo wanda꞉hali paeyao ambuna꞉ pitina꞉ lape leekeme. Kutaata꞉ ipikana꞉ma꞉ hande palaowa wala꞉ yunki hata꞉ make hande ta꞉peli yaapo make miniki hata꞉ oli ya nane handa꞉liao Koda꞉ pa꞉ta꞉ keiyae laata꞉ palaowa wala꞉ pindi pindi pea ipika꞉ disaipolo haliwekima꞉ mea wanda꞉hali mina꞉yeke hale hale piekeme.

Ma꞉tiu 15:36

Kutupa Yesuma꞉ mo palaowa wala꞉ watake hata꞉ make mo ta꞉peli siki mu peata꞉ Koda꞉ pa꞉ta꞉ keiyae pi amba꞉la laata꞉ pindi pindi peaata꞉ ipika꞉ disaipolo haliwekima꞉ wanda꞉hali pa꞉ta꞉ hale hale pina꞉ yeke ipikana꞉ma꞉ iki pa꞉ta꞉ haleekeme.

Ma꞉tiu 26:26

Ne nalo pitina꞉ Yesuma꞉ Palaowa mea Koda꞉ pa꞉ta꞉ Keiyae laa pindi pindi pea iki pa꞉ta꞉ hale hale pitolo alota꞉ Mea nape. Dota꞉ ya loke mindikie leekeme.

Maka 14:22

Ne nalo pitina꞉ Yesuma꞉ palaowa mea Koda꞉ pa꞉ta꞉ keiyae laa pindi pindi pea iki pa꞉ta꞉ hala alota꞉ Mipe. Dota꞉ ya loke mindikie leekeme.

Maka 6:41

Kutupa Yesuma꞉ hande palaowa kitiki siki yunki hata꞉ make hande ta꞉peli yaapo make minaata꞉ ya nane handa꞉liao Koda꞉ pa꞉ta꞉ keiyae laata꞉ palaowa kitiki sunu pindi pindi pea ipika꞉ disaipolo haliwekima꞉ mea wanda꞉hali mina꞉yeke hale hale piekeme. Ipikana꞉ma꞉ ta꞉peli yaapo make pindi pindi pea disaipolo haliwekima꞉ hale hale pina꞉ haleekeme.

Maka 8:6

Yesuma꞉ mo wanda꞉hali wopu pa꞉ta꞉ alota꞉ Kenkena꞉ pita꞉pe leekeme. Kutupa mo palaowa siki watake hata꞉ meaata꞉ Koda꞉ pa꞉ta꞉ keiyae pi laa pindi pindi peaata꞉ ipika꞉ disaipolo haliwekima꞉ wanda꞉hali pa꞉ta꞉ hale hale pina꞉ haleekeme. Kutupa mo disaipolo haliwekima꞉ mo wanda꞉hali pa꞉ta꞉ mea hale hale pimikime.

Luku 22:19

Kutupa ipikana꞉ma꞉ mo betedi mea Koda꞉ pa꞉ta꞉ keiyae laa pindi pindi pea iki pa꞉ta꞉ halolo hata꞉ alota꞉ Dota꞉ yaka lokee laata꞉ iki pa꞉ta꞉ ka꞉la꞉ ekie. Dupiki hauta꞉ I̱ hone niminaaso hata꞉ pea꞉tiki pu hapa꞉peke leekeme.

Luku 24:29

Pate mo hali yaapoma꞉ sa꞉sa꞉ pitolo hata꞉ alota꞉ Timba꞉ amba꞉ ala꞉me. Diki ame̱le̱ hae lepekeme. Koto lepeke Yesuta꞉ mo hali yaapo ame̱le̱ haluekema꞉ da peekeme.

Luku 24:35

Kutupa ipilikana꞉ma꞉ mo hande pota꞉na꞉ pieke ekimanu make Yesuma꞉ betedi pindipina꞉ handa꞉peke ekimanu make mo wanda꞉hali pa꞉ta꞉ la halepekeme.

Luku 9:16

Yesuma꞉ mo hande kiki homeke palaowa wala꞉ sunu make mo ta꞉peli yaapo pea meata꞉ oli ya nane handa꞉liao hata꞉ Koda꞉ pa꞉ta꞉ keiyae pi leekeme. Koto laata꞉ mo ne pindi pindi peaata꞉ ipika꞉ disaipolo haliweki pa꞉ta꞉ta꞉ mo wanda꞉hali paeyao pa꞉ta꞉ telipape laa haleekeme.

Dioni 6:11

Yesuma꞉ hande palaowa meata꞉ Koda꞉ pa꞉ta꞉ keiyae pi laata꞉ mo pitimiki wanda꞉hali pa꞉ta꞉ teli teli peaeyekeme. Mo hande ta꞉peli yaapo make koto tupa꞉ teli teli peaeyekeme. Kutupa mo wanda꞉hali paeyao ika꞉ hone pieke tupa꞉ kone mea nemekeme.

Aposolo 2:42

Mo wanda꞉halima꞉ta꞉ hande aposolo haliwekima꞉ waleme pimanu opua꞉tiki peaata꞉ Ketiso wanda꞉hali ame̱le̱ momba꞉la꞉tiki peaata꞉ yeni pea ne na꞉tiki pimikime.

Aposolo 2:46

Nate paeyao mo tembolo da tukiki pa꞉ta꞉ homeke alena꞉ momba꞉la꞉tiki peaata꞉ ika꞉ da pa꞉ta꞉manu make mandake pa꞉ta꞉ pita꞉ ne na꞉tiki pimikime. Homu pea hata꞉

Aposolo 27:35

Koto laaka꞉na꞉ Poloma꞉ palaowa mea haliweki paeyao ame̱le̱ hata꞉ Koda꞉ pa꞉ta꞉ keiyae pi laata꞉ mo palaowa pindipa nea꞉me.