Luku 24:27 - Panake Pi La: Ula: Buka pita: Kine Pieke Buka

²⁷ Kutupa Yesuma꞉ iki pa꞉ta꞉ mo Baibolo paeyaona꞉ ipika꞉ pi lao ula꞉eki paeyao la haleekeme. Ipikana꞉ma꞉ mo Mosesina꞉ buka manuna꞉ kini pea a꞉pa mo potopede manuma꞉ lao wieke ekimanu lo paeyaeyekeme.

Luku 24:27 ပူးပေါင်းရင်းမြစ်များ

Kini Pieke 12:3

Mo neke epealimi wanda꞉halita꞉ I̱ma꞉ epealo polopate. Mo neke pa꞉ta꞉ esihou pi lelimi wanda꞉halita꞉ kota꞉ I̱ma꞉ iki pa꞉ta꞉ esihou pi laalueke. Kutupa neke pa꞉ta꞉ yama꞉ta꞉ mo tutu ta꞉ta꞉ ta꞉ta꞉ paeyao epealueke leekeme.

Kini Pieke 22:18

Mo nakana꞉ma꞉ yaka pi opele ekina꞉ I̱ma꞉ naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ yama꞉ta꞉ mo tutu paeyao sikita꞉ epeaasa꞉eki mina꞉ lolueke leekeme.

Kini Pieke 26:4

I̱ma꞉ta꞉ naka꞉ monduma꞉ monduma꞉ pilipi wekiwandikina꞉ wekiwandikita꞉ oli yana꞉ hala꞉ hombulanka꞉manu hala꞉ tupa꞉ haena꞉ kulueke. Kutupa iki pa꞉ta꞉ta꞉ do kenke paeyao halueke. I̱ma꞉ naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ yama꞉ta꞉ mo tutu paeyao sikita꞉ epeaasa꞉eki mina꞉ lolueke.

Kini Pieke 3:15

Kutupa I̱ma꞉ neketa꞉ mo wanda꞉ yaapo a꞉nda꞉ tunkula꞉ alu peao ipika꞉ monduma꞉ monduma꞉ pilia꞉ wekiwandikima꞉ make naka꞉ ekima꞉ make a꞉nda꞉ tunkula꞉ alu alu pu haena꞉ lolueke. Ipikana꞉ma꞉ naka꞉ you da꞉ka꞉pa꞉ tombuaeya꞉ka꞉na꞉ta꞉ nakana꞉ma꞉ ipika꞉ anke kinuku handulu nelipikie leekeme.

Kini Pieke 49:10

Diudama꞉ta꞉ mo kinina꞉ minu hala꞉ dolo miniki halieke. Kutupa ipika꞉ monduma꞉ monduma꞉ pilia꞉ wekiwandikina꞉ wekiwandiki pa꞉ta꞉ yama꞉ kini halimanu hoto paeyao handeteke hao hatiki pilimikie. Tutu manuma꞉ta꞉ ipika꞉ dakisi hambuluekema꞉ ala꞉ta꞉ ala꞉ta꞉ mea a꞉palimikie. Kutupa ipiki pa꞉ta꞉ homu pitolo hata꞉ panda꞉punialimikie.

Maka 4:34

Onkoluma꞉manu pi waleekepate pi ma꞉nda꞉ na waleke ipika꞉ disaipolo haliweki pa꞉ta꞉ homeke pi tekemanu la haleekeme.

Luku 24:25

Kutupa Yesuma꞉ mo hali yaapo pa꞉ta꞉ alota꞉ Meimei liake some yaapoo. Mo hande potopede halima꞉ leeke pimanu homeke a꞉nda꞉ hone a̱i̱ na tulao pipika꞉ta꞉me.

Luku 24:44

Kutupa Yesuma꞉ iki pa꞉ta꞉ alota꞉ Do hau manuta꞉ hande I̱ ame̱le̱ haeme dina꞉ la kua꞉ ekimanue. Mo hande Mosesina꞉ Lo Pi wape pea ula꞉ ekina꞉ make hande potopede haliwekima꞉ wape pea ula꞉ ekina꞉ make hande Emeli bukana꞉ wape pea ula꞉ ekina꞉ make I̱na꞉ lao ula꞉eki manuta꞉ ota꞉ yaapeke ya꞉la꞉me leekeme.

Dioni 1:45

Koto ekina꞉ Pilipima꞉ Nada꞉niele handa꞉ wia ipiki pa꞉ta꞉ alota꞉ Hande Mosesima꞉ Lo Pimanu wape pitolo hata꞉ wape pa꞉la꞉ halita꞉ mo Koda꞉na꞉ potopede haliwekima꞉ wape pa꞉la꞉ hali kone handa꞉ uluma꞉me. Ipikita꞉ Na꞉sa꞉tete hali Diosepena꞉ eiyeke Yesue laa leekeme.

Dioni 12:41

Koto leeke pita꞉ Aisayama꞉ta꞉ Yesuma꞉ ipika꞉ pa̱a̱ tieke mea hayekeeki handeeke ekina꞉ Yesu pa꞉ta꞉ mulu pa꞉la꞉eki hone witolo hata꞉ leekeme.

Dioni 5:37

Kutupa I̱ tapaala꞉ hali yaka Apa꞉ma꞉ make yaka pi lawaasa꞉me. Ipika꞉ pi ho̱la̱꞉maketa꞉ hoto homeke a꞉nda꞉ na opiki ipika꞉ leke popeleke make hoto homeke a꞉nda꞉ na handelememe.

Dioni 5:39

Deto hala꞉eki handa꞉ uluekema꞉ ikana꞉ma꞉ mo hande Baibolo buka pimanu pa꞉ta꞉ teke weitelemepateta꞉ mo hande Baibolo buka pi manuma꞉ kone yaka pi lawaasa꞉me.

Aposolo 10:43

Mo hande potopede haliweki paeyaoma꞉ ipiki pa꞉ta꞉ lemeke ekita꞉ dupae. Hali epima꞉ ipika꞉ pi miniki haya꞉ka꞉na꞉ta꞉ kota꞉ ipika꞉ bikina꞉ mo hoke hau piekeeki pa tombuaasa꞉eki milieke lemekeme leekeme.

Aposolo 3:18

Amba꞉ kiaake Koda꞉ma꞉ta꞉ ipika꞉ Ketisona꞉ tanda mulu pa꞉la꞉eki mo potopede haliweki paeyaoma꞉ la hale hale pina꞉ leekeme. Kutupa hande Koda꞉ma꞉ la꞉ wiekeeki kone ota꞉ yao ikana꞉ma꞉ do pimime.

Aposolo 3:22

Mosesima꞉ dupa leekeme. Ika꞉ Koda꞉ hande Tekehalima꞉ I̱ tapaeya꞉ tupa꞉ iki pa꞉ta꞉ make potopede hali ma꞉nda꞉ tapaalieke. Koto halita꞉ ika꞉ tapake hali kone tapaalieke. Ipikana꞉ma꞉ eki pimanu iki pa꞉ta꞉ lea꞉ka꞉na꞉ta꞉ ota꞉ opua꞉pa꞉peke.

Aposolo 3:24

Kutupa make mo potopede haliwekima꞉ta꞉ Samuele make ipika꞉ hoki nane haemeke potopede haliweki make pi la꞉ mea hala꞉pa꞉peke yeeke haliweki paeyaoma꞉ta꞉ ame do pitoloma꞉ haumanu kone amba꞉ la hale hale pimikime.

Aposolo 7:37

Ipikana꞉ma꞉ mo Isulai wanda꞉hali pa꞉ta꞉ hali ma꞉nda꞉na꞉ dupa leekeme. Koda꞉ma꞉ I̱ tapaeya꞉ tupa꞉ iki pa꞉ta꞉ potopede hali ma꞉nda꞉ make tapaalieke. Koto someta꞉ ika꞉ tapake hali kone tapaalieke laa leekeme.

Aposolo 8:35

Koto leeke Pilipima꞉ pi alo hata꞉ta꞉ mo Baibolo buka a̱i̱ koto kone yata꞉pea꞉ ekimanu pa꞉ta꞉ kini pea mo some pa꞉ta꞉ Yesu Ketisona꞉ epeke Pi Seliapo la haleekeme.

Peneme Yaeyekeeki 19:10

I̱ta꞉ ipiki yeiya꞉ lao yeni puluku alo ipika꞉ anke teke pa꞉ta꞉ panda꞉puniao lopoa꞉ pa꞉ta꞉ ipikana꞉ma꞉ I̱ pa꞉ta꞉ alota꞉ Ei I̱ pa꞉ta꞉ kotoeki na pia꞉pema. I̱ta꞉ e pokaaso naka꞉ yankekee. Kutupa make naka꞉ kamemanu mo Yesuma꞉ peneme yaeya꞉ ota꞉ pimanu miniki haleme wanda꞉halina꞉ yankeke halome. Koda꞉ pa꞉ta꞉ homeke yeiya꞉ laaso hata꞉ yeni pu hapeke laa lea꞉me. Pa ekipeke mo Yesuma꞉ peneme yaeya꞉ ota꞉ ekita꞉ mo potopede haliwekima꞉ alemeeki hone u tiaasa꞉ekie.