Luku 24:26 - Panake Pi La: Ula: Buka pita: Kine Pieke Buka

²⁶ Mo Ketisoma꞉ta꞉ titina꞉ amba꞉la tanda meaata꞉ wetepena꞉ oli ipika꞉ pa̱a̱ peaasa꞉eki pa꞉ta꞉ honda꞉ pambolota꞉ ana꞉ na pa꞉la꞉pe laa leekeme.

Luku 24:26 ပူးပေါင်းရင်းမြစ်များ

Kini Pieke 22:6

Eipoloha꞉ma꞉ma꞉ta꞉ mo hau pitolo yankolo pipiki tita꞉ Aisa꞉ke mea tiao ipikita꞉ kaiya make mo ti noya꞉ pia꞉peke ti epeleke make miniekeme. Ipiliki mandakena꞉ pulu hata꞉

Luku 24:44

Kutupa Yesuma꞉ iki pa꞉ta꞉ alota꞉ Do hau manuta꞉ hande I̱ ame̱le̱ haeme dina꞉ la kua꞉ ekimanue. Mo hande Mosesina꞉ Lo Pi wape pea ula꞉ ekina꞉ make hande potopede haliwekima꞉ wape pea ula꞉ ekina꞉ make hande Emeli bukana꞉ wape pea ula꞉ ekina꞉ make I̱na꞉ lao ula꞉eki manuta꞉ ota꞉ yaapeke ya꞉la꞉me leekeme.

Luku 24:46

iki pa꞉ta꞉ alota꞉ Dupa wape pea ula꞉me. Hande Ketisota꞉ tanda amba꞉la ota꞉ mea homaata꞉ hoto tepo peaasota꞉ ota꞉ paa tialieke laa wape pa꞉la꞉me. Kutupa make

Luku 24:7

Dupa lea꞉me. Mo Wanda꞉halina꞉ Eiyeketa꞉ mo hoke hau pu haleme haliwekina꞉ kikina꞉ hala꞉ moneaota꞉ a꞉ka꞉tei wape piki tina꞉ tame mea endiao liaata꞉ kutupa hoto tepo peao natena꞉ta꞉ paa tialieke laa lea꞉me lepekeme.

Dioni 2:22

Koto ekina꞉ Yesu homeeke Koda꞉ma꞉ pa mea tiaeyeke natena꞉ ipika꞉ disaipolo haliwekima꞉ do leeke pi hone wimikime. Kutupa mo Baibolo bukana꞉ wape pa꞉la꞉eki make Yesuma꞉ leeke pimanu make hone tulaemekeme.

Dioni 20:9

Koto pita꞉ta꞉ mo hali yaapoma꞉ta꞉ mo Baibolo buka pa꞉ta꞉ Yesuta꞉ homaa paa tiaalo pa꞉la꞉eki wape pieke ekita꞉ hone a̱i̱ na wipikime.

Aposolo 17:3

Ketiso tanda pita꞉la꞉eki amba꞉la meaata꞉ wetepena꞉ homa tiaalieke laa wotu waleekeme.

Hibulu 12:2

Kutu puluekema꞉ta꞉ kota꞉ Yesuta꞉ nika꞉ hone tulaasa꞉ ekina꞉ kini pu mea pua ana꞉ lawalo pa꞉la꞉ teke hali hala꞉ ekina꞉ ipiki homeke handa꞉ paleke pomana꞉e. Ipikana꞉ma꞉ mo hande a꞉ka꞉tei wape piki ti yeke handaata꞉ pa pina꞉ na kiaeyekeme. Dia꞉me. Ipika꞉ pua mulu pieke ta꞉na꞉ma꞉ homa꞉la꞉ hau tieke handeeke ekima꞉ mo hande a꞉ka꞉tei wape piki tina꞉ homa꞉peke ekina꞉ yaala꞉ mea꞉peke ekina꞉ta꞉ hone ma꞉nda꞉ na wiekeme. Kutaa ameta꞉ ipikana꞉ma꞉ Koda꞉na꞉ pila꞉ ale tieke popeke nanema꞉ tilao pila꞉me.

1 Pida 1:11

Ketisona꞉ temokoma꞉ mo potopede haliweki tukiki pa꞉ta꞉ pita꞉ Ketiso ipika꞉ tanda mulu piekeeki make ipika꞉ pa̱a̱ma꞉ telimea epolo piekeeki make la꞉ wia waleeke pita꞉ma꞉ta꞉ ikana꞉ma꞉ koto hau manuta꞉ ekipa handima꞉ ipiliepe laa handuluekema꞉ weiyu taapo haemekeme.

1 Pida 1:3

Nika꞉ Tekehali Yesu Ketisona꞉ Apa꞉ Koda꞉ pa꞉ta꞉ keiyae pi lomana꞉e. Ipikana꞉ma꞉ a꞉ta꞉ma꞉ homa tamba꞉ mieke handa Yesu Ketiso homa paa tiaeyeke ekima꞉ta꞉ niki pa꞉ta꞉ panake da꞉ta꞉la꞉eki kia꞉me. Koto pa꞉la꞉ ekima꞉ta꞉ nika꞉ hone pa꞉ta꞉ deto hala꞉ hone ti laasa꞉eki tumbao hala꞉me.