Luku 23:6 - Panake Pi La: Ula: Buka pita: Kine Pieke Buka

⁶ Pailedima꞉ koto lemekeeki opua mo wanda꞉hali pa꞉ta꞉ lota꞉ pitolo alota꞉ Do halita꞉ Ka꞉lili hali ya꞉ka꞉ta꞉pe leekeme.

Luku 23:6 ပူးပေါင်းရင်းမြစ်များ

Ma꞉tiu 26:69

Pida mo hande da hankepe pa꞉ta꞉ pa pitolo haena꞉ mo yeni peao hayeke you halina꞉ e pokao hayeke wandiki homekema꞉ ipiki pa꞉ta꞉ a꞉pa alota꞉ Neke make koto Ka꞉lili hali Yesu ame̱le̱ pomu haeme hali ya꞉ka꞉ta꞉taa leekeme.

Luku 13:1

Koto natena꞉ta꞉ koto pa꞉ta꞉ haemeke mandane haliwekima꞉ Yesu pa꞉ta꞉ a꞉pa mo Pailedima꞉ Ka꞉lili mandane haliwekita꞉ ika꞉ hotekemanu lia Koda꞉ pa꞉ta꞉ halolo haena꞉ kone lieke ekina꞉ pi la halemekeme.

Luku 23:5

Koto leekepate mo wanda꞉halima꞉ta꞉ ota꞉ honkopu hao hata꞉ alota꞉ Ta hali ipika꞉ wala꞉la꞉ pima꞉ta꞉ mo Diudia da yu paeyao pa꞉ta꞉ hala꞉ wanda꞉hali hoke hone mea wiatia pomina꞉la꞉me. Ipikana꞉ma꞉ta꞉ mo Ka꞉lili nane kini pea a꞉paata꞉ ameta꞉ do opolo a꞉pa꞉la꞉ handa꞉e lemekeme.

Luku 23:7

Koto laata꞉ Pailedima꞉ Yesuta꞉ Hetodima꞉ handeteke hayeke da yu nane yama꞉ a꞉pa pia꞉ka꞉ta꞉me laa handa꞉ wiaata꞉ Yesuta꞉ Hetodi pa꞉ta꞉ tapaeyekeme. Ekipeke koto natena꞉ta꞉ Hetodita꞉ Diutuseleme da nane a꞉pa hayeke handa piekeme.

Aposolo 5:37

Kotoeki pieke hoki naneta꞉ mo Ka꞉lili nane hao epeeke hali Diudasita꞉ kapomanima꞉ wanda꞉halina꞉ biki minolo haena꞉ Diudasi ipiki tiaeyekeme. Ipikana꞉ma꞉ make haliweki wopu yola꞉ mea hatuku peekepate pa koto hali make lieke handa ipiki ame̱le̱ ta̱lemeke haliweki make ta꞉ta꞉ ta꞉ta꞉ pea tankulupu alu alu pimikime.