Luku 22:61 - Panake Pi La: Ula: Buka pita: Kine Pieke Buka

⁶¹ Koto kone mo Tekehalima꞉ la꞉ka꞉la꞉ moneao Pida handake wiekeme. Kutu pieke Pidama꞉ta꞉ hande Tekehalina꞉ pimanu dupa lea꞉me laa niminaeyekeme. Mo koka꞉la꞉ma꞉ e̱ a̱i̱ na leke haena꞉ta꞉ nakana꞉ma꞉ titina꞉ amba꞉la hoto tepo ya biki a꞉mbao lo hoeyaasota꞉ I̱ na handolome laa lelipikie leekeeki hone wiekeme.

Luku 22:61 ပူးပေါင်းရင်းမြစ်များ

Ma꞉tiu 26:34

Yesuma꞉ ipiki pa꞉ta꞉ alota꞉ I̱ma꞉ neke pa꞉ta꞉ ota꞉ pi alome. Ame timba kone koka꞉la꞉ e̱ a̱i̱ na leke haena꞉ nakana꞉ma꞉ hoto tepo yaka biki amba꞉la hoeyaalipikie leekeme.

Ma꞉tiu 26:75

Kutu pieke toma꞉na꞉ta꞉ Pidama꞉ta꞉ Yesuma꞉ amba꞉ ipiki pa꞉ta꞉ la꞉ witolo Koka꞉la꞉ a̱i̱ na tiake haena꞉ nakana꞉ma꞉ hoto tepo ya biki a꞉mbao lo hoeyaalipikie leekeeki Pidama꞉ niminaeyekeme. Koto ekima꞉ta꞉ ipiki hama opolu bao tikene pua hata꞉ ipika꞉ pukima꞉ ka꞉nda꞉ tieke minolo hata꞉ e̱ tieke leekeme.

Maka 5:30

Yesuma꞉ ipika꞉ honema꞉ kone hone witolo hata꞉ ya wele pita꞉la꞉eki mandane ekita꞉ pea꞉ka꞉ta꞉me hone wiekeme. Kutupa koto kone mo wanda꞉hali pa꞉ta꞉ la꞉ka꞉la hata꞉ alota꞉ Epina꞉ kikima꞉ ya dau wataeya꞉pe leekeme.

Luku 10:41

Koto leeke Tekehalima꞉ Madana꞉ pi hombo peaaso alota꞉ Madao. Madao. Nakana꞉ma꞉ ala꞉ta꞉ ala꞉ta꞉ wotu pa꞉ta꞉ hone u taapo make hone ka꞉nda꞉ma꞉ homelepate

Luku 22:34

Yesuma꞉ alota꞉ Pidao. I̱ma꞉ neke pa꞉ta꞉ ota꞉ pi alome. Ame timba kone koka꞉la꞉ e̱ a̱i̱ na leke haena꞉ nakana꞉ma꞉ hoto tepo yaka biki amba꞉la hoeyaaso hata꞉ I̱ na handolome lelipikie leekeme.

Luku 22:60

Koto leeke handaa Pidama꞉ hombo peaaso alota꞉ Someo. Nakana꞉ma꞉ koto ale ekita꞉ I̱ mata꞉la꞉me leekeme. Kutupa koto tomona꞉ kone pi pa alo haena꞉ mo koka꞉la꞉ma꞉ tiao e̱ leekeme.

Luku 22:62

Koto ekina꞉ Pida hama opolu bao ota꞉ puki teto tiekema꞉ homolo hata꞉ ka꞉pa꞉puki yoka e̱ tieke leekeme.

Luku 7:13

Tekehalima꞉ mo hande kineke wanda꞉ handaata꞉ ipika꞉ pukima꞉ a꞉ta꞉ tiekema꞉ homolo hata꞉ ipikana꞉ma꞉ mo wanda꞉ pa꞉ta꞉ alota꞉ E na lapee leekeme.

Luku 7:19

alota꞉ Tekehali pa꞉ta꞉ pua dupa lota꞉ pea꞉pa꞉peke. Neketa꞉ hande Dionima꞉ Ipilieke leeke niki paeyaoma꞉ yu wia haloma꞉ hande hali ya꞉ka꞉ta꞉pe o hali ma꞉nda꞉ epena꞉ yu wia hamonope laa Yesu pa꞉ta꞉ lota꞉ pea꞉pa꞉peke leekeme.

Dioni 13:38

Yesuma꞉ ipika꞉ pi hombo peaaso alota꞉ Nakana꞉ma꞉ I̱ pa꞉ta꞉ homoluekema꞉ ota꞉ pi alepe laa neke pa꞉ta꞉ ota꞉ pi do alome. Mo hali koka꞉la꞉ma꞉ e̱ a̱i̱ na leke haena꞉ta꞉ nakana꞉ma꞉ hoto tepona꞉ I̱ Yesu na handolome laa lelipikie leekeme.

Aposolo 5:31

Koda꞉ma꞉ Yesu paa mea tiaota꞉ ipikita꞉ Titina꞉ Pula꞉ Hali make Da꞉taasa꞉ Hali make ipika꞉ popeke kiki nane haena꞉ laata꞉ Isulai wanda꞉halima꞉ hone ma꞉nda꞉ la꞉ka꞉la mina wiaata꞉ ika꞉ hoke hau peleme ekimanu pa tumbaena꞉yeke piekeme.

Epesese 2:11

Ikana꞉ma꞉ hone wilimime. Mo hande Diu haliwekima꞉ta꞉ ikana꞉ma꞉ ika꞉ kone alota꞉ nikita꞉ sekemesaisi hau pea haloma꞉ haliwekio la alemepate ikita꞉ Diendaili haliweki mondu wieke pa꞉ta꞉ kone iki pa꞉ta꞉ sekemesaisi hau na peleme haliwekio lo halememe. Hande sekemesaisi hau pita꞉la꞉ ekita꞉ haliwekina꞉ lokena꞉ pita꞉la꞉ hau pa꞉ta꞉ loa꞉me. Koto ekina꞉ Diendaili wanda꞉halio ikana꞉ma꞉ amba꞉ hata꞉ pimi ekita꞉ hone wia꞉pa꞉peke.

Peneme Yaeyekeeki 2:5

Iki pua lopeleme tupa꞉ hone wipee. Ika꞉ hoke hau hoki walaa amba꞉ titina꞉ pimieki paa pipee. Ikana꞉ma꞉ ika꞉ hoke hau hoki na walemeka꞉na꞉ta꞉ I̱ma꞉ iki pa꞉ta꞉ a꞉pa mo ika꞉ ola꞉pake keo panka꞉la꞉ ale ipika꞉ u hala꞉ ale mina꞉pa꞉laena꞉ lolueke.