Luku 22:20 - Panake Pi La: Ula: Buka pita: Kine Pieke Buka

²⁰ Koto tupa꞉ make ne naa paeyeketa꞉ hande kapo mea mina hata꞉ alota꞉ Do kapota꞉ Koda꞉ma꞉ ipika꞉ panake pi la꞉ uluekema꞉ yaka wema꞉ wiaasa꞉me laata꞉ Ikina꞉ holao pa꞉la꞉me leekeme.

Luku 22:20 ပူးပေါင်းရင်းမြစ်များ

Ma꞉tiu 26:28

ipikana꞉ma꞉ iki pa꞉ta꞉ alota꞉ Panake pi la꞉ uluekema꞉ yaka we doe. Wanda꞉halina꞉ hoke hau paeyaena꞉ loluekema꞉ yaka we lopilieke laa

Maka 14:24

Kutupa ipikana꞉ma꞉ iki pa꞉ta꞉ alota꞉ Pi la꞉ uluekema꞉ yaka we doe. Wanda꞉hali paeyao epeaaluekema꞉ yaka we lopilieke laa

1 Kotindi 11:25

Koto tupa꞉ make ne naa paeyeketa꞉ hande kapo mea mina hata꞉ alota꞉ Do kapota꞉ Koda꞉ma꞉ ipika꞉ panake pi la꞉ uluekema꞉ yaka wema꞉ wiaasa꞉me laata꞉ Nemeka꞉na꞉ta꞉ I̱ pa꞉ta꞉ hone witolo hata꞉ pu hapa꞉peke laa leekeme.

2 Kotindi 3:6

Ipikana꞉ma꞉ta꞉ nikana꞉ma꞉ do panake la꞉ ula꞉ pi pa꞉ta꞉ e pokomono niki wele peaasa꞉me. Do panake la꞉ ula꞉ pita꞉ mo wape pea ula꞉ Lo Pi dia꞉ya꞉la꞉pate pa mo Sipitidima꞉ peaasa꞉ekie. Mo wape pea ula꞉ Lo pima꞉ta꞉ homa꞉la꞉eki mea ipula꞉pate pa mo Sipitidima꞉ta꞉ da꞉ta꞉la꞉eki kita꞉la꞉me.

Hibulu 12:24

Kutaa make ikita꞉ mo panake pi la꞉ ula꞉ ekina꞉ ka꞉pa hali Yesu pa꞉ta꞉ make ipika꞉ tunkula꞉ pa pa pu lopeeke wema꞉ta꞉ mo hande Eipolona꞉ we ota꞉ lombei piki la꞉ wita꞉la꞉ we pa꞉ta꞉ make opolo epelememe.

Hibulu 13:20

Mo sipisipi ma꞉na꞉ handeteke hala꞉ hali tieke Yesu mo lapa꞉ pa꞉ta꞉ mea tiaeya꞉ Koda꞉ma꞉ kone mo na paelo pa꞉la꞉ la꞉ wieke we pa꞉ta꞉ yama꞉ ikana꞉ma꞉ ipika꞉ hone pa꞉la꞉ e epeke tupa꞉ pokawamena꞉ yeke epeao wina꞉e alome. Kutupa make mo puki lopawaasa꞉ Koda꞉ma꞉ Yesu Ketiso pa꞉ta꞉ yama꞉ niki tukiki pa꞉ta꞉ ipiki ta꞉na꞉ma꞉ homa꞉ tialo poloma꞉eki pina꞉ lomana꞉e alome. Ketisona꞉ bikima꞉ na paelo pa꞉la꞉ yeiya꞉ laasa꞉eki tieke mina꞉e. Kutu pina꞉e.

Hibulu 9:15

Koto ekina꞉ta꞉ Ketisoma꞉ mo hande panake la꞉ ula꞉ pina꞉ honkopu hawaasa꞉ ka꞉pa hali hata꞉ta꞉ wanda꞉halima꞉ mo hande amba꞉ pi wiekeeki oto pa꞉ta꞉ hata꞉ pimiki hoke haumanu bepolao ka꞉la꞉pa꞉ tapaaluekema꞉ yeke ikina꞉ homeekeme. Kutu pieke ekita꞉ ipikana꞉ma꞉ mo hande Koda꞉ma꞉ wi la꞉la꞉ wanda꞉halima꞉ Koda꞉ ipika꞉ pi la꞉ wieke na paeta꞉la꞉ epeaasa꞉ ekimanu mina꞉yeke piekeme.

Hibulu 9:17

Kutu piliepate mo hande tameiya꞉ wape pa꞉la꞉ some pa haya꞉ka꞉na꞉ta꞉ kota꞉ mo wapena꞉ la꞉ ula꞉ pita꞉ a̱i̱ na yaalieke. Pate mo some ota꞉ homea꞉ka꞉na꞉ta꞉ kota꞉ mo ipika꞉ wapena꞉ laa la꞉ ula꞉ pita꞉ ota꞉ yaalieke.